Amuse 5:24 - Ngudradreadrekadhane Ka Sisiu 魯凱語聖經

²⁴ Ku patengatengane, nai mia numi ki walrialriau ka kadravane, ka kadrwa ku pathimithimane putaluvaivai ku dringelresane! Mia ki vaalru ka mwalwaludru palralrawthu ku acilai, kai takidulrudulru arakai ku aparamaramavane!

Amuse 5:24 Iomraidhean Croise

Kavagavagane 21:3

Ku Tamatama matarumamara ki ara dringelresane ngivelevele ka makadrwadrwa ki sapatarumarane.

Isaiya 48:18

“Anatumane la kilalrasu kai drekaseli amiaku! Alaiyasi kilalrasu kai drekaseli, ku sulivatane lri mia ki kadravane mwalwaludru kai kareteretege; ku dringelresane la mia ki bikabiki ngibawbawbalrulu kainganai.

Yerimia 22:3

“Kwaku ka Tamatama lri drekasaku numiane aparamaramava lu saibange numi, putaluvaivai ku dringelresane, patwalai ki alrima ki taradredredrepete palribulu ki kiadredredrepete ka umawmase. Kunumi madha pakiangeange tulilisi ki labadhabadha, ki lapakulrulrulu, ki lawalibakane; la madha ikaikai kikai patueraerai vutha ku kadrwa ku pasalrivane.

Izikile 45:9

Ku abebeelengenga ka Tamatama amia kai, “Talialalai ki swa Iseraylri, makakelretenga! Madha ngikamianenga, tusinalreme dredrepete ki mapapangale; putaluvaivadha ku dringelresane, si arakai ku aparamaramavane marasikai. Madha vuthavuthanga pakatwase ki kadaengane lini ki kawkawluli. Amaniaku ka abebeelengenga ka Tamatama ka amia kikai pelaela.

Husia 6:6

Ku kitubili numiane yai, mapapedrenge ka sakialibake, kaika lasapatarumarane ka lwange si kiu; ani thingale nakwane amiaku numiane, inaku ki Lama ka lrisi.

Amuse 5:23

Kainaku madalame kwini ngariangiane ki senai numi, la kainaku kadalame kilalra ku lingau ki lebere numi.

Amuse 5:7

Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Mika 6:8

Yakawmasane ka umawmase, ku Tamatama peaelaelaanga mitane lukamanemane ku mathariri. Ku urikaini mitane yai: Apathingalanane ku madringelrese, si pia ku kai maelaela ku sakialibake, la ngitatualebe pasalaladha ki Twaumaseta.