Amuse 5:16 - Ngudradreadrekadhane Ka Sisiu 魯凱語聖經

¹⁶ Lakamani, ku abebeelengenga ka Tamatama ka abebeelengenga ki sanaka kwapingi ka Twaumase amia kai, “Ikai ki lakadalranane ki cekele lri ikai kidruanga ku watubitubi ku lingau. Kiangulrenga kidawlu ku latarasilringau tubi, lai lri daaulunga ki tarakawaungu pawbalrithi.

Amuse 5:16 Iomraidhean Croise

2 Lacaili 35:25

Ku yuginsia ka Yerimia la pasikai ki talialalai ka Yusia tusenai ku sasilringavane. Sanaka lasawvalai labaibai makitwa senai kikai senai tubi iniane, kikai ikai ki swa Iseraylri la akakudhanenga pakela kaikameane. Kikai senai nipacasane pikai ki sasilringavane ka hungu.

Isaiya 15:8

Ikai Muabe, lu katwase mwinu la kilalra ku lingau ku watubitubi, adravane ka yakaai Igelaime si Bire Ilime ku laumawmase kialalra makanaelre.

Isaiya 22:12

Lukamaninga kwidra, ku abebeelengenga ka Tamatama ka abebeelengenga ki sanaka kwapingi lri patubi numiane si karaleale, la kiriti ku isiu ki awlru, si silaimai ku kaimadhane.

Yerimia 30:5

Kialalraku ku lingau ku tamanugiligilane, ka makiwcu, kaika masulivate!

Yerimia 4:31

Kialalraku ku lingau ku mia ki kiangeangeange ka lri tulalake. Kialalraku ku maralealeale mia ki ababai ka lri tau tulaalake. Kwini yai swa Yerusalrime ka watubitubi; tara wataale ku alrimaini, si iya kai, “Lri matikurwaku, lri matikurwaku! Kwi lalasu lri kela si papacai nakwane!”

Yerimia 9:10

Amiaku kai: Lri pasikaiyaku ki lalrelrelrege tubi tungawngau, pasikai ki maububulu silringau; asi lwiyane kialama si alrangelenga, kadrwanga ku umawmase ku ngwakakai lribate, laka kadrwanga ku lingau ki lalwange si kiu, adravane ka adhadhame ka walrawlrakwane ka waudriwdripi kadruanga.

Yerimia 9:16

Lri paacaicaliaku liniane mwa ki lakuni, lri mwa kudra kaiyana ka kilalra lini si cucungulane lini ka kadaengane. Lri pakisamulaku pakatwase ki kwapingi ki badha kurisi liniane, si malra pakamudu liniane.”

Husia 4:3

Lakamani, kikai kadaengane lri kameale; kai yakai kikai kai laumawmase lri pacai kiara kadhamane. Patuelre ku langiapalapalai walrawlrakwane ka waudriwdripi, adravane ka lakange ka yakai ki acilai lri kamudu patuelre.”

Yuile 1:11

Latarakauawngu, kwalria kwi kidremedreme numi! Lataradrangalrungalru ki babudubudu, tubia karaleale! Asi lwiyane ku madradrau ka mugi, titikiyane ka mugi, ku taleke takauawngane kiakabebetethenga patuelre.

Yuile 1:14

Kunumi pelaela ku lrika alaisane, si dawlu irubu! Dawla sarubu ki laciwru si laumawmase ki swa Yuda, la mudaane ki daane ki Tamatama ka Twaumase numi, la papia iniane kitubi!

Yuile 1:15

Ku vai ki Tamatama lri padaalrunga si kela! Ku wadulru sanaka manemane ka Twaumase lri pulebe ku laamatikurwane! Kwini vai kwidra matiaukuludru turamuru!

Yuile 1:8

Tubia! Kunumi ka laumawmase. Ngimia ki tawvailekete ngwalai ku tapacadhane ki siasilangane si tubi.

Amuse 3:13

Ku abebeelengenga ka Tamatama ka abebeelengenga ki sanaka kwapingi ka Twaumase amia kai, “Kilalra! Pakipapawlringava ki mwabaibalrithi ki Yakubu iya kai:

Amuse 5:27

Lri pakatwasaku numiane puadaili turamuru papia tali dradha kavai Damasekuse.” Ku Tamatama ka abebeelengenga ki sanaka kwapingi amia kai pelaela.

Amuse 8:10

Ku tatulrisisisiane numi lri paakabalrithaku ka tasateateatedrane ki wapacai ka vai, ku senai ki mapeapeaperau lri akabalrithi awatubitubi karaleale. Lri pakikiritaku ku awlru numi, si sikaimadhane. Lri tubi numi mia ki wapaacai ku vaeva ka lalake. Kwini vai kwidra lri awngu tubitubi.

Amuse 8:3

Kwini vai kwidra, ku senai ikai ki daane ki talialalai lri akabalrithi awatubitubi silringau; lri ngisarade ikai kidruanga ku lawapacai, si lri matiseepelenga.”

Mika 1:8

Ku Mika ala iya kikai, “Lri pasikaiyaku kikai kwalri tubi; lri vilralrakanaku si hadasi, la katwase dadavace mwa kidruanga. Lri miaku ki tawpungu ubulane tubitubi aleale, si la mia ki tuniau tubitubi karariau.

Mika 2:4

Lukamaninga kwidra ku palrapalra lri tusenai dradrarane, si arakai ku tangilribatane numi kwalri ku kidremedreme si tusenai ku sasilringavane. Kwi lalasu amia kai: Masuburunga kai tacekecekelaneta! Ku Tamatama wamalranga iluku ku taleketa, la malra ku umawma si baai ki waravase mitane.

Nipadrelane 18:10

Kwi lalasu makiwcu drele iniane lu kwalrialri, la yadaaili acegecege, si iya kai, “Kikai maadrau ka cekele, matiangeange! Matiangeange! Matisawsalru ka Babilunia! Kaiyana ngwavaeva ki zikange, la kipathavuthavungungasu!”

Nipadrelane 18:19

Kwi lalasu wamalra ku abu si sabulu pwa ki awlru lini, la tubi iya kai, “Kikai maadrau ka cekele! Matiangeange! Matiangeange! Sanaka yakai ku varukuru katwatwase ngukakai ki laveke satalu iniane ngiradhekane! La kai darurwana ki vaeva ka zikange, ku manemaneini patuelre maulrawnga!”