Amuse 5:15 - Ngudradreadrekadhane Ka Sisiu 魯凱語聖經

¹⁵ Kalrasa ki ngialisiane mia ki badha, si kadalame ki mathariri, ikai ki tasaibaibangane la arakaiya ku dringelresane. Lukamiyaiya kikai, ku Tamatama ka abebeelengenga ki sanaka kwapingi ka Twaumase alau lri tukalithaneana kudra ki waudripi ka laumawmase kai ki kuni.

Amuse 5:15 Iomraidhean Croise

2 Samuile 16:12

Ku Tamatama alau lri kidremedreme kai sakwalrialrili, si subulrubulru nakwane, pawbalrithi kikai takipusupuswaneli kaikameane” la iya.

1 Latalialalai 20:31

Ku mabelenge ka sasiakawluini la iya kai iniane, “Kialalra nai ku latalialalai ki swa Iseraylri yadrepele ka makilialibake. Ala palrainga naiane mwa kikawriva ki latalialalai ki swa Iseraylri. Lri silakete nai ku kaimadhane, la ara calrisi lrawgu ki lre; lu piane kikai, kwi lasu alau lri kai papacainga muswane.”

2 Latalialalai 13:7

Ku talialalai ki swa Siria waamudu ku kwapingi ki Yehuahaze, la malra liniane paparu thuvugu dredre, la pasusurunga ku tamalrialrimalenga ku tarangurigi ka kwapingi, mangeale ku palridingi ka rigi, kudrai ku taradadavace ka kwapingi.

2 Latalialalai 15:29

Saicengecenge atalialalai ku Peka, ku tinuhika ki swa Asiria ka Tigelathe Pilesere wadrikisi malra kavai talikai kwini Iyune, Abele Bethe Maka, Yanuha, Kedese, si Hazure ka lacekele, la ikaiyana ka Gileade, Galrilri, si Napetali talikaiyane kwini, si malra kwini ki laumawmase ravase pwa kavai Asiria.

2 Latalialalai 19:4

Ku tinuhika ki swa Asiria siakawlu ki mabelenge ki kwapingi kela kai tusinalrelreme ki palralrawthu ka Twaumase. Ku Tamatama ka Twaumasesu ani kilalra kikai nisidreadrekasane ka vaga, la pathavungu ki kawariva kikai vaga. Ala kitubia ki Tamatama ka Twaumasesu, la kela sirapale naiane ka latedranenga ka mapapangale.”

Lasenai 119:104

Patwaladhaku ki hulricesu malra ku lrigilane, ngwalai kikai malrasaku ki ngialilisiane ka kakudhane.

Lasenai 34:14

Cilria ki ngialisiane la tupapalra ki mathariri, la kisamula kisilape ki rathudane.

Lasenai 36:4

Lu apece kwi lasu kiadredredreme ku apiane ku ngialisiane; ngialisianenga ku kakwakudhaneini, kai wacilri ki ngangacane.

Lasenai 37:27

Nai kidaili numi ki ngialisiane si pia ku mathariri, ku lagagane numi lani sutelrai ku taikaiyane.

Lasenai 80:1

Taragwagu ki swa Iseraylri, ku tasangilukanesu ki mwabaibalrithi ki Yusepe mararaamau ki tasangilukanesu ki lakiu, kiatubiaku muswane kilalra naiane! Wanene ikai taetalane ki Kirubime ka Tamatama, kiatubiaku muswane ala paledra!

Lasenai 97:10

Ku Tamatama madalame kudra ki umawmase ku magirimucu ki ngialisiane; ku Tamatama palakebe ku niake ki kawkawluini, la palribulu liniane pakidaili ki alrima ki manganga ka umawmase.

Takatwasane Izipiti 32:30

Sakakaiyane, ku Musi la kawriva ki mapapangale, “Pasalriwnga numi kai mateelrege turamuru kai pasalrivane. Kikai lri nguselaku mulregelrege, mwa ki Tamatama kavai, alau lri dulruaini madu pasikai numiane kitubi ki Tamatama anipacepe numiane.”

Yerimia 18:8

kwini kuni alaiyasi cilri katwase ki pasalrivane, lri ngikusawlri kai kidremedremeli, si kai pulebenga ku amatikurwane.

Yerimia 22:3

“Kwaku ka Tamatama lri drekasaku numiane aparamaramava lu saibange numi, putaluvaivai ku dringelresane, patwalai ki alrima ki taradredredrepete palribulu ki kiadredredrepete ka umawmase. Kunumi madha pakiangeange tulilisi ki labadhabadha, ki lapakulrulrulu, ki lawalibakane; la madha ikaikai kikai patueraerai vutha ku kadrwa ku pasalrivane.

Yerimia 31:7

Ku Tamatama amia kai: Kunumi pasikaiya ki swa Iseraylri senai kiraragai, pasikaiya ki sanianiiangenga ka kuni akwadrau karaleale, kunumi senadha ku sadrengedrengerane ka senai: Ku Tamatama palribulunga ki kawkawluini; ku Twaumase paralubu palribulu ki abalu ka laumawmase ki swa Iseraylri.

Izikile 45:9

Ku abebeelengenga ka Tamatama amia kai, “Talialalai ki swa Iseraylri, makakelretenga! Madha ngikamianenga, tusinalreme dredrepete ki mapapangale; putaluvaivadha ku dringelresane, si arakai ku aparamaramavane marasikai. Madha vuthavuthanga pakatwase ki kadaengane lini ki kawkawluli. Amaniaku ka abebeelengenga ka Tamatama ka amia kikai pelaela.

Daniele 2:49

Ku talialalai la tarumara ku kitubi ki Daniele, ku lrika apakamaniane ki Saderake, Misake, si Abidenigu marasikai ku awngane ki swa Babilunia; ku Daniele la asurwana ikai ki daane ki talialalai.

Yuile 2:14

Kwi Tamatama ka Twaumase numi alau lri akabalrithi ku takidremedremane, si pasuete patarumara baai numiane ku akaesadhane; lukamaninga kwidra lai lri dulrunga numi papia iniane patarumara ku taleke, ku mathariri ka bava.

Amuse 5:10

Kunumi ka miyaiya kai ka laumawmase malrase numi ki palrapalra lu arakai ku dringelresane saibange.

Amuse 5:24

Ku patengatengane, nai mia numi ki walrialriau ka kadravane, ka kadrwa ku pathimithimane putaluvaivai ku dringelresane! Mia ki vaalru ka mwalwaludru palralrawthu ku acilai, kai takidulrudulru arakai ku aparamaramavane!

Amuse 5:6

Lu silape numi ki Tamatama, lri panianiake numi. Alaiyasi kai numi silape iniane, lri mia ki taliwlare lama ki swa Iseraylri. Kikai taliwlare lri lama ki umawmase ki swa Bithele, kadrwa ku umawmase ku lri dulru edrepe.

Amuse 6:12

Ku rigi lri dulru ikai ki twatukadrane lrabwabwale? Ku lwange lri dulru ikai ki laveke kauawngu? Ai, kunumi wamalra numi kwini aparamaramavane si paaduku, la malra numi kwini dringelresane si paamapalili ka sasulravane.

Amuse 7:3

Ku Tamatama la akabalrithi ku kidremedremeini, la iya kai, “Lu mia kwini, kudra drelesu lrika kadruanga!”

Yuna 1:6

Ku kiacapili ki varukuru la kidringai ki Yuna ikai kwini ki talamanemanane, la iya kai iniane, “Asu ikaaiyana kai apece? Ngidrakala si kitubi ki Twaumasesu! Alau lri kakuru mitane, si palribulu ki niaketa.”

Yuna 3:9

Alau lri ngwalai kai ku Twaumase si tupela ku kidremedremeini, si kai kaelaelanga, lai kaita lri ngwalainga si kamudu!”

Mika 2:12

“Kudra abalu ka laumawmase ki swa Iseraylri, lri sarubwaku si pataelre numiane; lri sarubwaku numiane, mia ki taraagu ki kiu ka waililuku ki lakiu si pwa ki takivane. Kwi kadaengane numi lri pelane ngiradhekane ku laumawmase, mia ki tapagwaguane kakalra turamuru ku kiu.”

Mika 3:2

ai ngiabaalrelringa numi si kalrase ki ulecegane, la kadalame ki pasalrivane. Wamalra numi ki kawkawluli si papanianianiake kulrangici liniane, la patwalai numi ki culrale lini kubeate.

Mika 5:3

Lakamani, ku Tamatama lri malra ki lakawkawluini si baai ki badha lini, pakeela lu tulalake ku sawvalai kwini ababai kalri padaalrunga si tulalake. Kudra la wasarawnga ku sakacekeleini ala lri kainganai siwlri, si maelrelrenga kudra ki drumane ka swa Iseraylri.

Zipania 2:3

Kunumi ka yakai kawmasane ka ngiatatwalebe si kilalra pasalaladha ku drekaseini ka umawmase, kipasilapa ki Tamatama! Silapa si malra ku dringelresane, ikaiya cucubungu ki Tamatama ngitatwalebe. Ikai kudra ki takalisiane ki Tamatama ka vai, alau lri dulru numi mubere ki sapathavungane.

Malaki 3:18

Lukamaninga kwidra, ku kawkawluli lri peelana drele ku la takipadradresengane ki madringelrese ka umawmase si manganga ka umawmase luka manemane ku tamakakaelane, si luka manemane ku tamakakaelane ki la pasiakaikai nakwane kaungu si kai pasiakaikai nakwane kaungu ku umawmase.”

Ruma 12:9

Lu kilibakane ki umawmase twakapatengatengane madu. Kalrasa si cilri ki ngialisiane, la paluludu ku ulecegane.

Ruma 7:22

Kai adringi ki kidremedremeli sakwa kadalame ku nikelretane ka tukakudhane ki Twaumase,

Ruma 8:7

Lakamani, ku pasalaladha ki takaumawmasane ku umawmase amani ku kiatubadha ki Twaumase; asi lwiyane kai pasalaladha ku kelrete tukakudhane ki Twaumase, si ku patengatengane lai lri kai maka dulru pasalalaladha.

3 Yuhani 1:11

Kinathalradhane ka talragi, madha twalralrau ki malisi, twalralrava ki mathariri, ku yakai ku mathariri ku kakwakudhane, amani ku swakai ki Twaumase, ku paiya ku malisi, amani ku kaiyana wadrele ki Twaumase.