Amuse 5:14 - Ngudradreadrekadhane Ka Sisiu 魯凱語聖經

¹⁴ Silapa ki mathariri, la cilri ki ngialisiane, lani ikai ku angukaiyane numi panianiake. Lukamiyaiya kikai, lri singikainga ku taiyane numi, ku Tamatama ka abebeelengenga ki sanaka kwapingi ka Twaumase ala lrika patengatengaanenga ikai tapalra numiane.

Amuse 5:14 Iomraidhean Croise

Tabekacane 39:23

Ku kicapili ki Yusepe ku awngane lu kaungu, kwini kiacapili ki taememengane kai kiadredredremenga; asi lwiyane ku Tamatama watapalra ki Yusepe, la pakasuliivate kwini tamarasikaiyaneini patuelre.

1 Lacaili 28:20

Ku talialalai ka Davidi kawariva ki lalakeini ka Sulumungu, “Kusu kakecenga! La kagarange! Kikai pathagilanga, madha mukuludru, la madha kasekelrakelrame. Ku sukusukubuli ka Tamatama ka Twaumaseli lri tapalra muswane, kai lri cilri muswane, lri tapalra muswane, pakela ku apatulrepenganesu ku tatudaanane ku daane ki Twaumase.

2 Lacaili 15:2

kwini lasu la mwa kikawriva ki talialalai ka Asa, iya kai iniane, “Talialalai ka Asa si swa Yuda si swa Biniyamingi makanaelre, kilalra kai aiyaneli! Sana pasalaladha numi ki Tamatama, lri tara tapaalra numiane. Lu kipasilape numi iniane, lri pakidringai numiane; lu kidaili numi iniane, lri cilri numiane.

Lasenai 46:11

Ku Tamatama ka abebeelengenga ki sanaka kwapingi watapalra naiane; ku Twaumase ki Yakubu yai amani ku kepale ki cekele nai!

Lasenai 97:10

Ku Tamatama madalame kudra ki umawmase ku magirimucu ki ngialisiane; ku Tamatama palakebe ku niake ki kawkawluini, la palribulu liniane pakidaili ki alrima ki manganga ka umawmase.

Takatwasane Izipiti 3:12

La tubalre ku Twaumase, “Lri tapalraku muswane. Lu ililukungasu ki swa Iseraylri mulatadre Izipiti, kunumi ikaiya kai sukubu nakwane. Kikai ala amani ku sapatuthingalane ku tasikawlaneli muswane.”

Kavagavagane 11:27

Ku pakaelre ku puku pia ku mathariri ka awngane, lri tara maalra ku kinalavwavuthane ku akaesadhane; ku wasilape ki ngialisiane, wakela ku amatikurwane.

Isaiya 55:2

Asi ara paisu langai si kane ku kaika amaka kabucukane? Asi pasawlrawlra ku vai madu ku paisu, la kasilrasilrau? Kilalra kai vagali, singikaiya ku tapelaelaneli pia, lri dulru numi kisupilri ku mathaithariringa ku akaneane, lai lri kabucuku kwi abake numi.

Isaiya 8:10

Madrekadrekadrekasa, ai kai lri maka ngimia; iruburubwa si mapelaelaela, ai kadrwa ku angimiane, asi lwiyane yakai tapalra mitane ku Twaumase.

Amuse 3:3

Ku tadrusa lu kai maka mapapalraingi, lri maka tarudradrusa dadavace?

Amuse 5:6

Lu silape numi ki Tamatama, lri panianiake numi. Alaiyasi kai numi silape iniane, lri mia ki taliwlare lama ki swa Iseraylri. Kikai taliwlare lri lama ki umawmase ki swa Bithele, kadrwa ku umawmase ku lri dulru edrepe.

Mika 3:11

Ku tabebelenge ki cekele amani ku pavangalre ku kauawngu, ku barakalai amani ki hukiu ku pelaelaela swacenge ki hulrice, ku yuginsia amani ki paisu ku pelaelaela lini ku angimiane lukabibilrili. Adravane ka ngimiyaiya kikai, kwi lalasu tasatalwane nai ki Tamatama amiamiyana. Kwi lalasu amia kai, “Ku Tamatama tapalra naiane, kai nai lri kidaruru ku amatikurwane.”

Mika 6:8

Yakawmasane ka umawmase, ku Tamatama peaelaelaanga mitane lukamanemane ku mathariri. Ku urikaini mitane yai: Apathingalanane ku madringelrese, si pia ku kai maelaela ku sakialibake, la ngitatualebe pasalaladha ki Twaumaseta.

Zipania 2:3

Kunumi ka yakai kawmasane ka ngiatatwalebe si kilalra pasalaladha ku drekaseini ka umawmase, kipasilapa ki Tamatama! Silapa si malra ku dringelresane, ikaiya cucubungu ki Tamatama ngitatwalebe. Ikai kudra ki takalisiane ki Tamatama ka vai, alau lri dulru numi mubere ki sapathavungane.

Taasipane 16:3

Yasarubu ikai cucubungu ki Musi si Arungu, la iya kai liniane, “Pasialribate numi paramuru! Kai mapapangale Twaumasane; ku Tamatama watapalra mitane. Anu ngitatwabeelenge, si lribate ki mapapangale ki Tamatama?”

Matai 1:23

“Yakai ku tawvailekete ku lri katawbaliri si tulalake ku sawvalai, ku naganeini lri si Imanuilri.” (“Imanuilri” luiya ku pacugane, “Ku Twaumase yakai tapalra mitane” amia.)

Matai 28:20

si bulru liniane ku apaluludane ku baaili numiane sanaka padradrekaseli. Pulringava! Lrika tatapalraaneli numiane, pakeela ku talikaiyane kai kawmasane.”

Matai 6:33

Kunumi paswala kipasilape ku angimiane ku puku ki Twaumase, si paluludu ku takidremedremaneini, lri baai numiane kikai patueelre.

2 Timuthi 4:22

Ku Tamatama ani ikai tapalra muswane! Ku Twaumase ani patarumara ku migemi numiane!

Yesua 1:9

Kusu pulringaava kai drekaseli: Kagaranga, kagalremegeme ku kidremedreme! Kai mukuludru, kai kasekelrame; asi lwiyane adravane muinininusu kwaku ka Tamatama ka Twaumasesu lri tara tapalra muswane.”