Amuse 5:12 - Ngudradreadrekadhane Ka Sisiu 魯凱語聖經

¹² Maadrawnga turamuru ku pasalrivane numi, makaalranga turamuru ku pasalrisalriu numi. Wadrepete numi ki mathariri ka umawmase, la tarumara ku pavangalre, ikai ki tasaibaibangane la telenge numi ku akiparamaramavane kisaibange ki matiakukuru ka umawmase.

Amuse 5:12 Iomraidhean Croise

Yubu 20:19

asi lwiyane kwi lasu wadredrepete ki matiakukuru ka umawmase, la pasiwlri liniane, la ribici ku la tudaane ki palrapalra.

Yubu 31:21

Alaiyasi thingalaku ka lri akaciaku ikai ki tasaibaibangane, la ngwalai kwini si tavuvulrucu ki lapakulrulrulu,

Lasenai 127:5

Ku paswaete ki talrailane ku lraili ku umawmase yakailringa ku akaesadhane! Kwi lasu ikai ki lrawlrawdru ki cekele si madradrikidrikisi ku vaga ki labadha kai lri amaki.

Takatwasane Izipiti 23:3

la madha ikaikai ki takukusukuswane si pusakai ki matiakukuru.

Takatwasane Izipiti 23:6

“Madha ikaikai ki tamakakusukuswane la capange dralrili ki matiakukuru.

Kavagavagane 17:8

Yakai ku umawmase lu drele ki pavangalre lri dulru sanaka manemane amia, lu kidremedreme ku nikibubuliane madrekadrekase patuelre lri tara ngimia amia.

Kavagavagane 22:22

Madha ngikamiamiane drikisi ki matiakukuru; ikai ki tasaibaibangane madha tusinalremelreme si drepete ki kadrwa ku paralubu ka umawmase.

Isaiya 1:23

Kwi tabebelenge numi ki kunkwane yai wabaebaebalre, maredededele ki sadre, marau makanaelre ki kaika madringelrese ka akaesadhane, si malra ku pavangalre; kai palribulribulu ki pakulrulrulu, la kai pusakaikai ki lawalibakane.

Isaiya 10:2

Arakai numi kikai miyaiya kai si ribici ku kindri ki matiakukuru ka umawmase, kwi lalasu lakai maka kiparamaramau; arakai numi kikai miyaiya kikai si ravase ku tacekecekelane ki lawalibakane si lapakulrulrulu.

Isaiya 29:21

Ku twalilisi ki palrapalra, la vangavange ki aparamaramau, tupasalrivane ki patengatengane ka umawmase, ku Twaumase lri amudu patuelre.

Isaiya 33:15

Sana ulecege kwi kakwakudhane numi, kapatengatengane ku taavavagane, lri dulru numi panianiake. Madha tusinalremelreme dredrepete ki matiakukuru ka umawmase; madha malramalra ku pavangalre; madha kipaelrelre madrekadrekase ku apapacadhane ki umawmase; madha piapia ku ngialisiane.

Isaiya 47:9

Kai ka athingathingalane, yasasane, la ngimia kikai taidrusane. Adravane arakaisu ku manemane tulrisi, subulrubulrusu ku sapuswane, lri tara kawlrasesu ki tawanesu si lalake ka sawvalai!

Isaiya 5:23

Kudra wabaai numiane ku pavangalre la paubere numi ki hulrice, la tu kakadrwa numi ku kindri ki kadrwa ku pasalrivane ku umawmase.

Isaiya 66:18

Wathingalaku ku kidremedreme si kakwakudhane lini. Lri payelrelreaku ki laumawmase ki sanaka kuni. Kwi lalasu lu yelrelrenga, lai lri drele ku lriguli,

Yerimia 29:23

Kikai yai lri kamani ku angimiane lini; asi lwiyane kai lalasu pasalriu ku ngialisiane turamuru ka padralra ki taelrelre ki pasiagisi, la arakai ku nagane ki Twaumase si tavuvuvulrucu. Kwi lasu wathingale ku kakwakudhane lini, lai lri ngikakamani ka wakukusu liniane. Ku Tamatama amia kai pelaela.”

Silringau 3:34

Ku yakai taememengane kwalrialrialri, ku Tamatama lri tara kakaalithi!

Izikile 13:22

“Watavuvulrucu numi ku lrika akasulriane ki mathariri ka umawmase; kainaku lri patubi ki kidremedreme lini. Kai numi pamwabangalre ki manganga ka umawmase pakatwase ki ngialisiane ka kadalranane, si kipalribulu.

Husia 5:3

Wathingalaku ki swa Iseraylri; kwi lalasu kai lri maka sekete nakwane. Kwi lalasu kaika patengatengane ku kidremedreme nakwane, kai swadalepe sukubu nakwane.”

Amuse 2:16

Ikai kwini ki vai, kudra magagaarangenga ka lakwapingi lri sarare ku laadreme, si kisaswarau mubere. Ku Tamatama amia kikai pelaela.

Amuse 2:3

Lri papacadhaku ki tamatama ki swa Muabe, si papacai demedeme ki kiacapili ki lamabelenge lini.” Ku Tamatama amia kikai pelaela.

Amuse 5:10

Kunumi ka miyaiya kai ka laumawmase malrase numi ki palrapalra lu arakai ku dringelresane saibange.

Amuse 5:7

Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Amuse 8:4

Kunumi ka laumawmase ka twasinalremelreme ki matiakukuru, waravase ki kwalrialri, kilalra!

Mika 3:11

Ku tabebelenge ki cekele amani ku pavangalre ku kauawngu, ku barakalai amani ki hukiu ku pelaelaela swacenge ki hulrice, ku yuginsia amani ki paisu ku pelaelaela lini ku angimiane lukabibilrili. Adravane ka ngimiyaiya kikai, kwi lalasu tasatalwane nai ki Tamatama amiamiyana. Kwi lalasu amia kai, “Ku Tamatama tapalra naiane, kai nai lri kidaruru ku amatikurwane.”

Mika 7:3

Kwini lalasu yadrepele ka tarakanganganga, ku tabebelenge kunkwane si mabelenge ki tarasaibaibange la tarumara ku pavangalre makanaelre; ku la samanemanane ikai ku puku ka umawmase la karedededele liniane tukumi, si maparawrawralubu pia ku malisi.

Malaki 3:5

Amia kai ku Tamatama ka abebeelengenga ki sanaka kwapingi, “Lri ikaiyaku numiane utaluvaivai, si saibange. Lri makakaaiyaku siwmi kukusu kudra ki la twalrisilrisi, manganganga ki sawvalai si ababai, ku kawarivariva ku kaika patengane, ku kiavala ku nikaungane ku lapaisu, ku pangwa drepete malra ku lawbubulu ki lawalibakane si lapakulrulrulu, si twasinalreme ki la wakela iziu ka umawmase. Lri hukukaku sanaka kai mwasakene nakwane ka umawmase.”

Nisikawlane 7:52

Aneane ku yuginsia ku kai kia hakegai ki cucungulane numi? Ku layuginsia peaelaela lri kela kwidra madringelrese ka sasiakawlu iya, ku cucungulane numi la malralringa papacai liniane, kikai la piyanga numi kilangai kwini ki sasiakawlu, si papacai iniane.

Tapelane Drekase 16:18

“Kunumi patwaladha ki laricingi ki zuku, pasikai ki Tamatama ka Twaumase numi kwini ki baaini numiane ka lazuku sikawlu ku tara saibange si drumane ka kiacapili. Kikai laumawmase lri tara paramaraamau pakadringelrese saibange ki mapapangale.

Tapelane Drekase 31:21

Lri kakaalra ku amatikurwane kela mwa liniane. Ai, kikai senai kai, lri pacungucungulu kisenasenai, lri kamani ku sapathingalane ka sakaelaelaneli liniane. Adravane kikai kainaku sangilukwana liniane mwa kwini ki pukawnungali baai liniane ka kadaengane, ai wathingalenga naaku ku takidremedremane lini.”

Yakubu 5:4

Ngwaelre numi lrilrigili malra kwini ki yakai ki umawma kawaungu pasikai numiane, la kivala numi ku takaungane lini ku paisu, kwini lalasu wakukusu numiane! Ku takaralealane ki la kiataletaleke wadarurunga ki calringa ki Tamatama ka abebeelengenga ki sanaka kwapingi.

Yakubu 5:6

Kunumi twapasalrivane numi kudra kadrwa ku pasalriu, si papacai liniane; kwini lalasu la kai kiecebe numiane.

Ruthe 4:1

Ku Buaze la mwa ki taelelebane ki cekele ki taisaruburubwane, la nene ikai kwini. La kai tarathainu, kudra matikaikaini kwidra padethane ka retesane ki Ilrimileke la ngukakaikai kwini lribate, ku Buaze la akwadrau sunagane iniane iya kai, “Bwala mwakai nene!” Kwini lasu la kainganai si nene.

1 Samuile 8:3

Kwini lalasu la kai twalralrau ku kakudhane ki tama lini, akipaiswane, si malramalra kudra la pavangalre, kai arakai ku aparamaramavane turathudane sikakathane.