Amuse 5:10 - Ngudradreadrekadhane Ka Sisiu 魯凱語聖經

¹⁰ Kunumi ka miyaiya kai ka laumawmase malrase numi ki palrapalra lu arakai ku dringelresane saibange.

Amuse 5:10 Iomraidhean Croise

1 Latalialalai 18:17

Sa drele ku Ahabe ki Ilria la kawriva, “Asu ka yakai kai, kusu ka pamatiakuru ki swa Iseraylri ka umawmase!”

1 Latalialalai 21:20

Ku Ahabe sa drele ki Ilria, la iya kai, “Kusu ka makakabadhali, kiadringaingasu nakwane?” Ku Ilria la tubalre, “Unu. Kiadringainga naku muswane. Tapikidremedremanesu ranau pia ku ngialisiane lu drele ku Tamatama.

1 Latalialalai 22:8

Ku Ahabe la kawriva, “Yakaiyana ku tangeanga, amani kudra lalake ki Imela ka Mikaia. Ai magirimucaku iniane, asi lwiyane kwini lasu kai kawrivariva ku mathariri ku vaga; kwini lasu takawrivane ku malisi ku vaga.” Ku Yehusapate la kawriva, “Kaisu lri maka iya kwini kawriva!”

2 Lacaili 25:16

Ku Amazia la iya kai, “Kai nai wadawlu muswane atakivagane ki talialalai. Icelreba! Lri pwaku papacai muswane.” Ku yuginsia sakaiyana icelrebe la peelana iya kai, “Kaiasasane wathingalaku ku Twaumase malrithethenga ka lri amudu muswane; asi lwiyane paiyasu kikai miyaiya kai, la kaisu tarumara kai tapakipapawlringavaneli.”

2 Lacaili 36:16

Kwini lalasu la pulrialrivale ki sasiakawlu ki Twaumase, kai tumanemane ku vaga ki Twaumase, mwalralrakai ki yuginsiaini. Sakabilrilinga, ku Tamatama la papia ki kawkawluini kalisi turamuru, laka kadrwa ku maka mwabere.

Kavagavagane 15:12

Ku ngiakalrilrigu ka umawmase kai tarwamara ku sabulrwane; kwi lasu kai papiapia ki ngiathingale ka umawmase kibulru.

Isaiya 29:21

Ku twalilisi ki palrapalra, la vangavange ki aparamaramau, tupasalrivane ki patengatengane ka umawmase, ku Twaumase lri amudu patuelre.

Isaiya 59:15

Kadrwa ku natikianenga ku patengane ka sabulrwane; ku kai paiyaiya ku ngialisiane ku umawmase kiasicecelregelringa ki manganga ka umawmase.” Ku Tamatama wadrelenga kikai patuelre; ngwalai ku takamudane ki dringelresane la kai kiragai.

Yerimia 38:7

Sakamani kwidra, ku talialalai yakai ki Biniyamingi ka lrawlrawdru saibange. Ku taraikaikai ki daane ki talialalai ka kiatinumwalranga, Ibedemileke ka swa Kuse kialalra kwini ki lalasu sa kipuadringaku ki dralremedreme,

Husia 4:4

Ku Tamatama amia kai, “Labarakalai, kunumi madha kukusu ki laumawmase, la madha kaelaela liniane, asi lwiyane ku akukusuaneli amani numi.

Lrivi 13:10

ku barakalai lri drele iniane. Lwiyasi kwini lrangicini la akabalrithi kapuli, ku ubale la kapuli, si tunana,

Amuse 5:15

Kalrasa ki ngialisiane mia ki badha, si kadalame ki mathariri, ikai ki tasaibaibangane la arakaiya ku dringelresane. Lukamiyaiya kikai, ku Tamatama ka abebeelengenga ki sanaka kwapingi ka Twaumase alau lri tukalithaneana kudra ki waudripi ka laumawmase kai ki kuni.

Yuhani 15:19

Alaiyasi ka swakai numi kikai kawmasane, kai yakawmasane lri tara kilibake ku swakai iniane ku umawmase. Ai, patwaladhaku kikai kawmasane pilri numiane; kai numi ka swakai kikai kawmasane, lakamani ku kalisi numiane kai yakawmasane.

Yuhani 3:20

Ku paiyaiya ku ngialisiane, malrase ki ledra makanaelre, si la kai kidethe ki ledra, asi lwiyane mwakuludru ku lri kiputaluvaivai ku ngilisianane ku kakudhaneini.

Yuhani 7:7

Kai kawmasane kai lri kalisi numiane, ai maliisi nakwane, asi lwiyane kainaku watelrai putaluvaivai ku tangilisianane ki kakwakudhane lini.

Galatia 4:16

Kaiasasane pasingiakidremedremaku pelaela numiane, lai ngibalre si abadhaku numiane?

Nipadrelane 11:10

Kai kawmasane kai umawmase lri ngwalai ku tapacadhane lini si kiraragai. Lai akakadra si mabaibalrithi ku saaceacebe, asi lwiyane kikai tadrusa ka yuginsia napakwalringa ki yakawmasane ki umawmase.