Amuse 4:9 - Ngudradreadrekadhane Ka Sisiu 魯凱語聖經

⁹ “Kwaku ka Tamatama lri pakingivaalaku pavalrigi ku maculu ku valrigi, si pakulama ku taleke numi; lai lri sikawlaku ki apapawku, kane demedeme ku lacenge numi, ku budu numi, ulrive, si icizike. Ai kunumi sakamiyana numi kai maka ngibangulu papia nakwane.

Amuse 4:9 Iomraidhean Croise

1 Latalialalai 8:37

“Alaiyasi la ikai ki kuni ku silravane, swalrubu, culwane ka valrigi, ubilringane, acaculiki, apapawku, lu kipamaki ki badha ku kipadradresenge ki matikurwane ki caemane kai kawkawlusu,

2 Lacaili 6:28

“Alaiyasi la ikai ki kuni ku silravane, swalrubu, cengelrau ka valrigi, ubilringane, acaculiki, apapawku, lu kipamalebe ki badha si kipadradresenge ki matikurwane ki caemane kai kawkawlusu,

Isaiya 1:5

Anu kai telrai baebalre? Kaiyana makakelrete ku takipathavungane numi? Swa Iseraylri, twaeraeraerai kwi awlru numi, kwi kidremedreme numi, kwi awlru numi yakai kwi caemane.

Isaiya 50:11

Sanaka mabebetethenga ki umawmase, lri kitulisi ki apianeini ku ngialisiane. Ku Tamatama paiya kikai kelrete: Ku ngimiyaiya kai ku umawmase lri tara kisacepe ki amatikurwane!

Isaiya 9:12

Ku swa Siria yakai tali talrawane, ku swa Pelisitine yakai tali sapakalriwgu; manwanganga makanaelre ku ngudwi lri lrungulrungu amudu ki swa Iseraylri. Adravane ka miyaiya kikai, ku lisiane ki Tamatama kai yadrengere; lri ciidingiana ku alrima si lrumai liniane.

Yerimia 3:10

Sa pianga kikai patuelre, kudra betakane ki Iseraylri ka manganga ku takaababadhane ka Yuda ngiaka siwlriwlriane kainganai, ai kaika pasingiakidremedreme. Tamatamaku; ka amia kikai pelaela.”

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Husia 11:5

“Ngwalai ku kaika tamubangalrane papia nakwane ki Iseraylri, kwi lalasu lri tara siwlri mu Izipiti; ku swa Asiria lri rathudu liniane.

Yuile 1:4

Ku la twaredededele ka laapapawku yasadra ikai ki lataleke umawma. Ku tedrane ka sangukaneane ki kaciane ka apapawku, lri kela kane kwi sakaredele ka laapapawku; ku tedrane ka sangukaneane ki sakaredele ka laapapawku, ku waititituku ka laapapawku lri kela kane; ku tedrane ka sangukaneane ki waititituku ka apapawku, lri kela ku pakiasaalrunga kabebetethe ka laapapawku kane.

Yuile 1:7

Kwi laapapawku mabebetethenga ki cebe ki labuduta, la kanenga eleme ki lacebe ki icizike. Kwi laapapawku mwabakurunga patuelre ki cebe ki angatu, la kalrapungunga ku laricingi.

Yuile 2:25

Kwini ki nitarapiane ka caili, pakatwasaku ku twarededele ku apapawku; ku kane kwini ki laapapawku ku taleke ikai ki umawma, lri cugaku numiane.

Amuse 4:6

“Unu, amaniaku ka Tamatama ka pwalebe pwa ki sanaka cekele numi ku silravane, ala kamani ku kakadrwa ku taleke numi. Ai kunumi kai numi maka siaulriwlri mwa nakwane.

Amuse 4:8

Lri ikai ku taidrusa ku taitulru ku cekele ku laumawmase lri kakadhakadhame ka kadrwa ku lapuku lini, lai lri mwamwa ki ngwadadethe ki cekele ababange ku acilai si ungulu, ai kai lri maka ngukadhamane! Lai lrika sakamiyana numi kai maka ngibangulu papia nakwane.

Habakuke 3:17

Adravane kai pumadru ku icizike ka angatu, la kakadrwa ku madru ki budu ka cebe; adravane kai pumadru ku ulrive ka angatu, la kai cebe ku taleke ki angangade; adravane pacainga patuelre ku lakiu, la ka kadrwanga ku lwange ki talwangane;

Hagai 2:17

Lu arakaiyaku ku maculu ka valrigi si kananu kabebetethe ku lredreke numi ku lamanemane, kai numi maka mwabangalreana ngitatupela.

Malaki 3:11

Kwaku ka Tamatama ka abebeelengenga ki sanaka kwapingi kainaku lri pakabebetethe ki lalubalubai ki lataleke ki takauawngane numi; ku lacebe ki budu numi lai lri pumadru suete ku budu.

Tapelane Drekase 28:22

Ku Tamatama lri arakai ku swalrubu, lapu, si dralrangedrangane lrumai numiane, si arakai ku cengelrau si dalacane ka valrigi amudu ki lataleke numi, pakela kudra takamudane numi.

Tapelane Drekase 28:42

Ku angatu numi si lataleke lri makitu kikane ki lubalubai demedeme.