Amuse 4:8 - Ngudradreadrekadhane Ka Sisiu 魯凱語聖經

⁸ Lri ikai ku taidrusa ku taitulru ku cekele ku laumawmase lri kakadhakadhame ka kadrwa ku lapuku lini, lai lri mwamwa ki ngwadadethe ki cekele ababange ku acilai si ungulu, ai kai lri maka ngukadhamane! Lai lrika sakamiyana numi kai maka ngibangulu papia nakwane.

Amuse 4:8 Iomraidhean Croise

1 Latalialalai 18:5

Ku Ahabe la kawriva ki Ubadaiya, “Ilata mwa alraelre sanaka tacebeane si valrwalru ki acilai ka kadaengane silape, lulri maka kidringaita ku amakakelretane ku masalese ku ubulu apakanane paudripi ki larigi si ngiririgi; alau lri kaita papacai kikai ki lanilapulapwane.”

Isaiya 9:12

Ku swa Siria yakai tali talrawane, ku swa Pelisitine yakai tali sapakalriwgu; manwanganga makanaelre ku ngudwi lri lrungulrungu amudu ki swa Iseraylri. Adravane ka miyaiya kikai, ku lisiane ki Tamatama kai yadrengere; lri ciidingiana ku alrima si lrumai liniane.

Yerimia 23:14

Wadrelaku ki layuginsia ki swa Yerusalrime laka manganganga: Kwi lalasu pasalriu ki ababai, watavuvulrucu, la pakalrumale ki umawmase pia ku ngialisiane; ngwalai kikai kadrwa ku umawmase ku wacilri ki ngialisiane si papia ki pacengecenge. Ikai ki macali kai lalasu mararaamau ki swa Sudume kanganga, la mararaamau ki swa Gumura ngilisiane.

Yerimia 3:3

lakamani ku sapacebeane ki wacebecebe ka udale kai lri mulebe, ku udale ki kalarigarigane kai lri mulebe. Kwi lringawsu athingalane ka tara pasalrisalriu ki sawvalai, la kaisu thingale ka matiainu.

Yerimia 3:7

Lu kidremedremaku, lu pianga kilakikai lri siwlriwlri kainganai mwa kai nakwane amiamiaku; ai kwi alisu kai siaulri kainganai; kwidra kaika mabula ku takaababadhane ka takaini ka Yuda la mialri drele kilakikai.

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Husia 11:5

“Ngwalai ku kaika tamubangalrane papia nakwane ki Iseraylri, kwi lalasu lri tara siwlri mu Izipiti; ku swa Asiria lri rathudu liniane.

Husia 7:10

Ku ngikalrilrigwane ki swa Iseraylri amani ku sapathingalane ku pasalrivane lini. Kilakikai ngiamianga, kwi lalasu laka thadaalraneana kai papiapia nakwane ka Tamatama, ka Twaumase lini.”

Amuse 4:6

“Unu, amaniaku ka Tamatama ka pwalebe pwa ki sanaka cekele numi ku silravane, ala kamani ku kakadrwa ku taleke numi. Ai kunumi kai numi maka siaulriwlri mwa nakwane.

Mika 6:14

Lri kane numi. Ai kai numi lri kabucuku, lrika takalaipane kwi barange numi. Lri ravase numi ku lamanemane, ai kai numi lri maka ngipapikai; asi lwiyane pangwa ribici numi malra, lri arakaiyaku ku amakakaruburane amudu.

Hagai 1:6

Lri pakakalra numi sabulu ku eape, ai lrika bekeelane ku akitalekane; lri ikai ku akaneane numi, ai lri kai numi kabucubucuku; lri ikai ku bava, ai lri kai numi makakelrekelrete; lri ikai ku laimai, ai lri kai numi kaculuculu. Ku kipaisisu ki tarakaungu lri kai makakelrekelrete ki acekecekelane.

Hagai 2:17

Lu arakaiyaku ku maculu ka valrigi si kananu kabebetethe ku lredreke numi ku lamanemane, kai numi maka mwabangalreana ngitatupela.