Amuse 4:7 - Ngudradreadrekadhane Ka Sisiu 魯凱語聖經

⁷ Lu urikaikaai ki udale ku lalredredreke numi, lri kainaku pawdale. Lri ikaiyaku kai ki cekele pawdale, lai lri ikaiyaku kavai ki cekele kai pawdale; lri paudalaku kai ki angangade kai ki daane, lai lri pakameamealaku ki drumane ka angangade.

Amuse 4:7 Iomraidhean Croise

Takatwasane Izipiti 10:22

Ku Musi la papia belenge ciliki ku alrimaini, ku makuceege ku dradrimitane la kabungu ki kuni maka tulrululringa.

Takatwasane Izipiti 10:23

Ku swa Izipiti ku laumawmase la kai maka pikakwa madredrele, kadrwa kunatangeanga ku maka mwalatadre ki daane lini; ai ku taikaiyane ki swa Iseraylri yakaai ku ledra.

Takatwasane Izipiti 8:22

Ai ikai ki taikaiyane ki mapapangaleli kavai Gusenge lalri kakadrwa kanavaevanga ku alralrangau. Ku piali kikai ani thingale amiaku muswane, amaniaku ku Tamatama kikai ki kadaengane.

Takatwasane Izipiti 9:26

Kathane ku taikaiyane ki swa Iseraylri ka Gusenge laka kadrwa ku kananu.

Takatwasane Izipiti 9:4

Lri pakakaelaku ki lanilapulapwane ki swa Iseraylri si nilapulapwane ki swa Izipiti, ku lanilapulapwane ki swa Iseraylri lrika kadrwa ka navaevanga ku wapacai.

Isaiya 5:6

Lri pacebeaku kai ki kadaengane pasuete ku laubulu; kainaku lri kaciane pudriadringai ki cebe ki budu, lai kainaku mamelre ki dae; lri pacebeaku kai ki dae ku bala ka ubulu si cecenekane ka angatu. Lri pakeelaku ku payadrengere ki ememe ku apaudalane.”

Yerimia 14:22

Ku samiamiange ki lakuni lri dulru pulebe ku udale? Kai subelebelenge lri dulru ngipapulebe ku udale ka sapacebeane ki lasupungu? Tamatama ka Twaumase nai, ku sidramadrama nai yakai muswane, asi lwiyane kilakikai patuelre amanisu ka magagemegeme.

Yerimia 14:3

Ku satacekecekelane pamwalru ki duri ka sasiakawlu; kwini lalasu sa mwa thili ki baibaiyu la kai maka kidringai ku acilai, la siwlri iluku ku kadrwa ku acilai ku tamwalrwalrwane. Kwi lalasu wakabungu ku awlru, masulri la kai thingale ku apiane ki sakwalrialri.

Yerimia 14:4

Kai subelebelenge kai waudawdale, la ngibitelranga kai kadaengane; ku tarakawaungu masulri ngikakabungu ku awlru.

Yerimia 3:3

lakamani ku sapacebeane ki wacebecebe ka udale kai lri mulebe, ku udale ki kalarigarigane kai lri mulebe. Kwi lringawsu athingalane ka tara pasalrisalriu ki sawvalai, la kaisu thingale ka matiainu.

Yuile 2:23

Laumawmase ki Ziyungu, kiraragadha! Pasikai ku takaungane ki Tamatama ka Twaumase numi kiraragai. Ku Twaumase patarwamara numiane ku mamwamwamwa ku udale; ku Twaumase pangiamia kunadruma tuudale ki kalarigarigane si kalalidrarane.

Zakaria 14:17

Alaiyasi ikai ku kuni ku kai matwase sukubu ki sapupukwanenga ka talialalai ka Tamatama, ka abebeelengenga ki sanaka kwapingi, ku udale lri kai mulebe mwa ki kadaengane lini.

Yuhani 4:35

Amia numi kai, ‘Lri tara supatenga ka dramare ala lrika takitalekane.’ Lri pelaelaku numiane, drela ka angangade, mabeanga ka lataleke, lri kitalekenga madu!

1 Kurintu 4:7

Aneane ku paakaci muswane ki palrapalra? Kai ka patarumara ki Twaumase muswane patuelre? Lakamani, asu ngidradrengedreengere, miakau kaika patarumara ki Twaumase muswane patuelre?

Tapelane Drekase 11:17

Lwiyasi mia kikai, ku Tamatama lri kaelaela numiane, si kai lri pawdalenga baai numiane, la lri kameale ku kadaengane, kai cebe ku lataleke; adravane ka kia baai numi ku mathariri ka kadaengane, kunumi lri makakai numi ikaai kwini pacai.

Yakubu 5:17

Ku Ilria mia mitane ka umawmase, kwi lasu twakapatengatengane inulri, kitubi ki Twaumase ku kaika apaudalane, ala ka patengane taratulru ka caili si apararamau kai udale.

Nipadrelane 11:6

Kwi lalasu yakai ku puku lini elebe belenge, ikai ki tapelaelaelane lini ku vaga ki Twaumase ka vai, lri kai paudale belenge; kwi lalasu la ikai ku puku lini magagemegeme ki laberai ki acilai, paerai ki acilai; la ikai ku puku ngisasingikai ku kidremedreme arakai ku makaelaela ku matikurwane pakiangeange ki kawmasane.