Amuse 4:5 - Ngudradreadrekadhane Ka Sisiu 魯凱語聖經

⁵ Kunumi lu ngisasingikaiya patarumara ku pange tu Sakiaseasenane ka lrisi! Lu ngisasingikaiya ngidradrengedrengere ku twabakane numi patarumara! Asi lwiyane kilakikai yai kadalame numi ka awngane!

Amuse 4:5 Iomraidhean Croise

Lasenai 81:12

Lakamani singiakaainga naku liniane ku takakecengane, pacungulu ku kulrungane ki tapiapiane lini.

Isaiya 1:1

Saka talialalai ki swa Yuda ku Uzia, Yuthame, Ahaze, si Hezekia, ku Twaumase papia ki lalake ki Amuse ka Isaiya pelaela ku patharukai ki swa Yuda si swa Yerusalrime. Ku tapacasane kikai hungu yai amani ku tatarumarane ku vaga ki Twaumase ki Isaiya.

Isaiya 1:11

Amia kai, “Madalame amia numi nakwane kudra makalra ku patarumara numi ku lasapatarumarane? Kainaku twamanemane ku patarumara numi ku Lama ka lrisi ka kiu si sima ki nilapulapwane; mavalracevacaku kwi patarumara numi kwi lwange, kiu, si erai ki kiu.

Yerimia 7:10

Paiya numi kudra kavalracevaceli ku awngane, ala lailai numi mwa ki daaneli, si acegecege ikai cucubungu nakwane, iya kai, ‘Swateelrainga nai!’

Yerimia 7:9

Kwaupa numi, papacai ki umawmase, pasalriu ki sawvalai si ababai, draedrangelre siumi, papia ki Baale patarumara ku sapatarumarane, sukubu ki kaika thingale numi ka twaumase.

Husia 9:1

Swa Iseraylri, madha kapeapeaperau dralradralrai, madha ngialralrau ki maelane ku takisuswane ka sinzia kapeaperau tulrisisi ki lalrisi numi. Wabaebalrenga numi si katwase ki Tamatama, kaika patenganenga kwi kidremedreme numi papia iniane. Mia numi ki pairairange kiragai ngikakilangai baai ki Baale, wamalra numi ku taleke tusaarakaiyane ngikakilangai.

Husia 9:10

Ku Tamatama amia kai, “Sa tau kipadradresengaku ki swa Iseraylri, mararaamau kudra ki yakai ubulane kidringai ku budu; satau kipadradresengaku ki cucungulane numi, mararaamau kudra ki yakai ki icizike ka angatu kidringai ku aswalalanga kalreme ka madru. Ai, kwi lalasu sa mwa ka lregelrege Biure, kiarimunga pathagili sukubu ki Baale, padaalru si akabalrithi mia ki kadalame lini ka latwaumase ku ngilisianane.

Lrivi 23:17

Ki dadadaane lri iluku ku drusa ki kukingi ku malaelamenge ku milrikinku pwa ku sapawsemakane si ka niakamane, tubavane ka tau kitalekane ka lrisi patarumara baai ki Tamatama.

Amuse 5:21

Ku Tamatama amia kai, “Mavalracevacaku ki la tatulrisisisiane numi, kainaku wabeserenga ki tayelrelrelreane numi!

Amuse 5:22

Kainaku lri tarumara ku sapatarumarane numi ku Lama ka lrisi si Taleke ka lrisi, kainaku lri tumanemanenga kudra patarumara numi ku maricuru ka waudriwdripi tu Sulivatane ka lrisi.

Matai 15:9

Kai lalasu kiariimulringa alra ku nitukakudhanane ki umawmase si drekaseini iya nakwane; kai lalasu lu sukubu nakwane kadrwanga ku palululudane!”

Matai 23:23

“Kunumi ka sakaredelane ka ngiakathaithaithariri ka latarabulrubulru ki Sisiu si la swa Palrisai lri kipadradresenge numi ku amatikurwane! Adravane kudra saarakaikaiyane pasangulreme ki akaneane, maru athape, madradrau ka lalikange, titikiane ka lalikange wamalra numi patarumara tuziwbunuici baai ki Twaumase, ai ikai ki hulrice kapatengatengane ka makucingalre ka sabulrwane, maru dringelresane, thalradhane, patengatengane, kilakikai wabalre numi kai paluludu. Kilakikai makucingalre ka sabulrwane ala amani ku lrika atara pangimiane numi, kudra drumanenga, la mialri madha tudrekase.

Matai 6:2

“Lu pakubulusu, madha pasasarau kawriva, mia kudra tapiapiaane ki ngiakathaithariri ka umawmase lu ikai rarubwane ki swa Yuda si kadalranane ki cekele, pakai ku akilrigwane ki palrapalra. Nau pelaela numiane, lu pia kikai kwi lalasu wamalranga ku naika akipangibilriane lini.

Ruma 1:28

Ku umawmase ku kai kiadremedreme si tarumara ki Twaumase, ku Twaumase la singikainga ki umawmase ku apikaiyane ku ngialisiane ku kidremedreme, si pia kudra kaika apiapiane ka kakudhane.