Amuse 4:13 - Ngudradreadrekadhane Ka Sisiu 魯凱語聖經

¹³ Ku Twaumase wabekace ki lregelrege, la bekace ki valrigi, la pelaela ki umawmase ku takidremedremaneini; pakabalrithi ki vaiyane paamaungu, wagemegeme rathudu kawmasane. Ku naganeini yai Tamatama ka abebeelengenga ki sanaka kwapingi ka Twaumase!

Amuse 4:13 Iomraidhean Croise

Yubu 9:7

Kai pamwa belenge ki vai, la kai paledra ki latariau.

Lasenai 135:7

Ku Twaumase patwalai ki taalikaiyane ki kadaengane pubelenge ki ememe si kulrulrungu, la pamailuku ku lrikace ki maadrau ka udale kainganai; la patwalai ki drawsuluini ku valrigi ipi.

Lasenai 139:2

Ku tangivelevelaneli wathiingalesu patuelre; adravane twalaisu ki adaidaidaaili mialrisu thingale kai takidremedremaneli.

Lasenai 147:18

Ku Twaumase sana drekase, ku pasabu ngiaderenau; sana pavalrigi, ku acilai mwalwaludru.

Lasenai 65:6

Pwataluvaivaisu ku maadrau ka pukusu; arakaisu ku puku pakapapedrenge ki lalregelrege.

Takatwasane Izipiti 10:22

Ku Musi la papia belenge ciliki ku alrimaini, ku makuceege ku dradrimitane la kabungu ki kuni maka tulrululringa.

Takatwasane Izipiti 14:20

la agisinga ki swa Izipiti si swa Iseraylri. Ku ememe la dralreke ki swa Izipiti ikai ki dradrimitane, ai paledraleedra ki swa Iseraylri, kwini ki maungane, ku lakwapingi ki swa Izipiti la kai maka dethe ki swa Iseraylri.

Isaiya 40:12

Aneane kulri maka dulru arakai ku alrima lekete ki laveke? Aneane kulri maka dulru arakai ku satapai lekete ku abelengane subelebelenge? Aneane kulri maka dulru arakai ku sabungubungane bungubungu ki kadaengane? Aneane kulri maka dulru arakai ku tintingi si tintingi ki lalregelrege?

Isaiya 45:7

Wabekacaku ki ledra, la bekacaku ki dradrimitane; pwalebeaku ku akaesadhane, la pulebeaku ku amatikurwane. Tamatamaku; paiyaku kilakikai patuelre.

Isaiya 47:4

Ku saniange ka Twaumase ki swa Iseraylri pwalatadrenga naiane; ku naganeini yai Tamatama ka abebeelengenga ki sanaka kwapingi.

Isaiya 48:2

Lu kidremedreme numi umawmase nai ki saniange ka cekele, ku satalutalu nai yai Twaumase ki swa Iseraylri, ku naganeini yai Tamatama ka abebeelengenga ki sanaka kwapingi.

Isaiya 5:30

Lu kelanga kwini vai, kwini lalasu lri papia ki swa Iseraylri giringi, mia ki lingau ki bikabiki ki laveke. Drela kai ki kuni! Yainu kidruanga ku dradrimitane si kiapakwalrialri! Ku ledra kiakabungunga ki dradrimitane.

Yerimia 10:13

Ku Twaumase sana drekase, ku acilai subelebelenge wasiasiange; wamalra ki ememe patwalai lebe putaluvaivai. La paledra ki lrikace pikai ki udale, ku valrigi la kasasevere twalai ki drawsuluini.

Yerimia 10:16

Ku Twaumase ki Yakubu kaika miyaiya kai ki lasamiamiange; wabekace sanaka maneemane, la pilri ki swa Iseraylri ngitatu kawkawluini. Ku naganeini yai Tamatama ka abebeelengenga ki sanaka kwapingi!

Yerimia 13:16

Sa kaiyana kela ku dradrimitane, kunumi sakaiyana ikai ki madradrimiti ka tienaenale mukadrulu, kunumi yai lrigua ki Tamatama ka Twaumase numi. Sa kaiyana baai numiane ku sidramadrama numi ku aledra ku dradrimitane, Kunumi yai lrigua ki Tamatama ka Twaumase numi.

Yerimia 46:18

Talialaladhaku; ku naganeli yai Tamatama ka abebeelengenga ki sanaka kwapingi. Lri papiaku ki takapalralrawthaneli panianiake kiketekete: Ku wakela kikaruburu ku kwapingi ki Nibukadenezere lri mia ki lregelrege Tabure lriibate sanaka lalregelrege, si watete ikai belenge ki laveke ka lregelrege Karemele.

Yerimia 51:16

Ku Twaumase sana avavaga drekase, kai acilai subelebelenge malaliwkai; ku Twaumase patwalai ki lebe putaluvaivai ku ememe. Ku Twaumase piakai ki udale paledra ku lrikace, ku Twaumase wamalra ki valrigi si patwalai ki drawsuluini ipi pakatwase.

Yerimia 51:19

Ku Twaumase ki Yakubu kaika miyaiya kai ki lasamiamiange; ku Twaumase wabekace ki sanaka manemanenga, la pilri ki swa Iseraylri tukawkawluini. Ku naganeini yai Tamatama ka abebeelengenga ki sanaka kwapingi!

Daniele 2:28

ai, ikai subelebelenge yakai ku tangea ka Twaumase ku padrele ku kaika athingalane ka matiasamaimali, ku Twaumase peaelaelaanga ki talialalai ku lrika angimiane lukabibilrili. Kaiasasane kwi sipi ki talialalai, ka amani kudra sa apecesu ka talialalai si drele ku maburusi lri lalrwadhaku ki talialalai.

Daniele 2:30

Kaiasasane, mialriaku kipadrele; kikai kaika ngwalai ku takamalrilrigilaneli ki palrapalra, pakai ku lrika athingalane ki talialalai ku pacugane kai ki sipi si ku tapwalrane ki talialalai ku tangimiamiane.

Husia 12:6

Lakamani, lamwabaibalrithi ki Yakubu, kunumi satalwa ki Twaumase, si papia iniane; pangimia kudra kai akabalribalrithi ka sakialibake, si putaluvaivai ku dringelresane, laka tapapiana sidrama ki Twaumase numi.

Yuile 2:2

Kwini ki vai yai dradrimitane, dradridrimiti matiukukuludru, makeceege ka ememe, madradrimiti ka kulrulrungu ka vai. Kudra twarededele ka apapawku la papia cucubungu katwase, mia ki dradrimitane kabungu ki lalregelrege. Kunadruma kadrwa ku ngimiyaiya kai, lukabibilrili lai lri mialri kai lri ikainga.

Amuse 3:13

Ku abebeelengenga ka Tamatama ka abebeelengenga ki sanaka kwapingi ka Twaumase amia kai, “Kilalra! Pakipapawlringava ki mwabaibalrithi ki Yakubu iya kai:

Amuse 5:27

Lri pakatwasaku numiane puadaili turamuru papia tali dradha kavai Damasekuse.” Ku Tamatama ka abebeelengenga ki sanaka kwapingi amia kai pelaela.

Amuse 5:8

Ku Tamatama wabekace ki latariau, wabekace ki Peleadese ka tariau si Silrawlrabu ka tariau. Paamaungu ki vaiyane, la paaledra ki dradrimitane. Wadrekase ki laveke, si gugu pikai cakena daedae. Lri kipasi Tamatama.

Amuse 6:8

Ku abebeelengenga ka Tamatama ka abebeelengenga ki sanaka kwapingi ka Twaumase ngiapapapia kiketekete, si iya kai, “Magirimucaku ki swa Iseraylri lu ngikalrilrigu; la kalrasaku ku tinutharirane turamuru ku daane lini. Lri malraku kwi tangadrane ki kuni lini ka cekele si ku yakai adringi ku tacekecekelane ki daane patuelre si baai ki badha lini.”

Amuse 8:9

Lu kelanga kwini ki vai, lri palriwgaku ki vai lu icengecenge ulringedele, la apaadradrimitane ki vaiyane. Ki kikai yai amaniaku ka abebeelengenga ka Tamatama ka amia.

Amuse 9:6

Ku Tamatama yakai subelebelenge tudaane ku taikaikaiyane, arakai subelebelenge kabungu kawmasane. Ku Twaumase wadrekase ki laveke, si gugu pikai ki kadaengane. Lri kipasi Tamatama!

Mika 1:3

Drela! Ku Tamatama mwalatadre ki daaneini; lri mulebe mwa kai kawmasane, si dredre ki abelenge ka lregelrege.

Habakuke 3:19

Ku abebeelengenga ka Tamatama wabaai nakwane ku puku. Wamalra nakwane tungimiyaiya ki thadi pakapapedrenge ku tapudrapalane; si pakapapedrenge nakwane ku tadadavacaneli ikai ki abelenge ka lregelrege.

Zakaria 12:1

Kikai bilrilane tapelaelane ki Tamatama ka ngwakai ki swa Iseraylri ka vaga. Ku Tamatama wapaipai subelebelenge, wabekace kawmasane, la baai ku niake ki umawmase. Kwi lasu amia kai,

Matai 9:4

Ku Yesu la thingale lukamanemane ku kidredredreme lini, la kivaga iya kai, “Kunumi anu pikai kwi ngialisiane ku takidremedremane?

Yuhani 2:25

Kai mwarikai ki umawmase ku apelaelane iniane ku ngwakai ki takaumawmasane, asi lwiyane wathingale turamuru ki kidremedreme ki umawmase.

Yuhani 3:8

Kai valrigi ngiasasingikai kasasevere, kialalrasu ku lingauini, ai kaisu wathingale luka twalai inu, lu lri papia inu. Sanaka twalai ki Siri kitulalake, laka miyaiya kwini.” La iya tubalre.

Tapelane Drekase 32:13

La parathudu liniane kwini ki takaabelengane, kisupilri ku nikitalekane ki umawma. Kwini lalasu wakane ku twalai ki alrisapesape ku valu, twalai ki lralrenegane cebe ku lawlau ki ulrive.

Tapelane Drekase 33:29

Iseraylri, ala mwaesaisu turamuru! Amanisu ku kiapalribulu ki Tamatama ka kuni, aneane ku lri maka kiramau muswane? Ku Tamatama yai, alatharesu, dramusu. Palakebe muswane, ala akacisu. Ku badhasu lri kusange muswane, lai lri dredresu liniane.