Amuse 4:12 - Ngudradreadrekadhane Ka Sisiu 魯凱語聖經

¹² Lakamani, swa Iseraylri, lri pathavungaku numiane! Ngwalai kikai lri kiecebaku numiane, kunumi kirimwa padulru ku apapiane ki Twaumase numi kisaibange!”

Amuse 4:12 Iomraidhean Croise

Isaiya 32:11

Amani numi kudra kadrwa ku thekelrane, ngulwalwalwadhane ku tacekecekelane; kikainga lri kathathiburunga numi. Lri mwalranga numi ku laimai, si arakai ku puripurici ku makalrilau silakete.

Isaiya 47:3

Ku laumawmase lri drele ku tavilralrakananesu, lri drele ku tangilisiananesu. Lri bilriaku muswane; kadrwa ku umawmase kulri maka ruthuku nakwane.

Isaiya 64:2

Lri manugiligili, mia ki sawngulane ka ngiathathwathuku ibelenge ki madrareange ka apwi. Ala papia ki badhasu padrelane ku pukusu, lani manugiligili ikai cucubungu muswane sanaka kuni!

Yerimia 5:22

Kwaku ka Tamatama nau kivaga numiane: Anu kai mukuludru musakene nakwane? Ikai cucubungu nakwane, anu kai ukuludru? Paswatelradhaku ki aenaenai tupagisane ki laveke, ku laveke kai lri maka lribate kai ki pagisane. Adravane ka lriau ki acilai ki laveke kai lri dulru lribate; ku bikabiki ki laveke kai lri maka buruku.

Izikile 13:5

Kwi takaburukane ki raedre ki cekele, kwi lalasu kai wacakupu; ku tamukadrulane ki balingibingi, kwi lalasu kai twapela pudriadringai. Ngwalai kikai, lu kelanga ku vai ki Tamatama, lu makakaruburuburunga, kai swa Iseraylri kai lri maka ngipapalribulu.

Izikile 22:30

Yakaiyaku liniane silape, drele lulri ikai ku umawmase lutumane, ku lri dulru pudriadringai ki balingibingi ki cekele, la acegecege ikai ki takaburukane ki balingibingi ki cekele, ku lrika adulrwane palakebe lu kalisiaku si buruku ki cekele, ai kainaku maka kiadringai kuna tangeanga.

Husia 13:8

Lri miaku ki sakawlrau ku lalake ka cumai lredepe numiane, si lalita numiane. Lri miaku ki garagarange ka raiyungu makakaai thangapulu numiane, mia ki waudriwdripi baburau numiane.”

Amuse 2:14

Adravane ka ridaridare lailai lri kai maka mubere; ku sapukuane lri amalreme; ku kwapingi lai kai maka ngipapalribulu.

Matai 24:44

Lakamani kwidra, kunumi la mialri katangipapadulrwana, asi lwiyane ku Lalake ki Umawmase lu kai numi pulringalringau lri pangitutuluku kela.”

Matai 5:25

“Alaiyasi ikai ku umawmase ku lri kukusu muswane, si malra bilibili muswane mwa ki takisaibaibangane, sakaiyana mucucubungu ki takisaibaibangane, paswalana kikadalru iniane. Lu kai mia kwini, lu mwanga ki takisaibaibangane, lri malra muswane baai ki tarasaibaibange, ku tarasaibaibange lai lri malra muswane baai ki kisace, si emenge putaememengane.

Nipadrelane 3:3

Lakamani, kusu madha karimurimuru kwi kilalrasu, kwi tarumarasu kwi sabulrwane, laka patengane paluludu, si katwase cilri ki pasalrivanesu. Alaiyasi kaisu pulringalringau, lri miaku ki tarakupawpa pangitutuluku kela, lai kaisu maka thingale lutuumane lu lri kelaku lukaigane.