Amuse 4:11 - Ngudradreadrekadhane Ka Sisiu 魯凱語聖經

¹¹ Ku Tamatama amia kai, “Ikai numiane lri ikai ku apakamudaneli ku laumawmase, mia sa pakaamudaku ki swa Sudume si swa Gumura. Kunumi ka latedranenga ka waudripi panianiake mararaamau ki niribicane patwalai ki apwi ka vaeva ka angatu. Ai kunumi sakamiyana numi kai maka ngibangulu papia nakwane.

Amuse 4:11 Iomraidhean Croise

Isaiya 13:19

Kai Babilunia nangiaradhekane turamuru ka kuni, ka lrigu ki laumawmaseini. Ai kwaku ka Tamatama lri balreaku iniane, mararaamau ku nataamudaneli ki Sudume si Gumura.

Isaiya 7:4

Lu pakipapawlringava iniane, ku lrika adradrelaneini, si kai mukuludru. Ku Rizingi ka talialalai si kwapingini ka swa Siria, si lisiane ki talialalai ka Peka ka paramiamiya ki ebelre ki drwadrusa ka angatu ka kwalama.

Isaiya 9:12

Ku swa Siria yakai tali talrawane, ku swa Pelisitine yakai tali sapakalriwgu; manwanganga makanaelre ku ngudwi lri lrungulrungu amudu ki swa Iseraylri. Adravane ka miyaiya kikai, ku lisiane ki Tamatama kai yadrengere; lri ciidingiana ku alrima si lrumai liniane.

Yerimia 23:14

Wadrelaku ki layuginsia ki swa Yerusalrime laka manganganga: Kwi lalasu pasalriu ki ababai, watavuvulrucu, la pakalrumale ki umawmase pia ku ngialisiane; ngwalai kikai kadrwa ku umawmase ku wacilri ki ngialisiane si papia ki pacengecenge. Ikai ki macali kai lalasu mararaamau ki swa Sudume kanganga, la mararaamau ki swa Gumura ngilisiane.

Yerimia 49:18

Kunadruma kiakabebetethe kilama ku swa Sudume, swa Gumura, si ngiathalringulu ka lacekele, ku swa Idume lri mialri ka thadaalrane kikabebetethe, kai lri ikainga ku umawmase kulri ikai. Tamatamaku; ka amia kikai pelaela.

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Yerimia 50:40

Kunadruma kwaku ka Twaumase mabebetethaku ki swa Sudume si swa Gumura, si ngiathalringulu ka lacekele, ku swa Babilunia lai mialri ka thadaalrane kiamudu, kadrwanga ku umawmase kulri ikai kwini. Kwaku ka Tamatama amiaku kikai.

Izikile 24:13

Yerusalrime, ku kangangangasu ki sawvalai wakudrulrunga muswane. Adravane kisanu bulabulaku muswane, takakudrulranesu. Lu kainaku gugu pakaelre kai girimucaneli pwa ki kinawmasanesu, lri kaisu maka ngipelane kabula.

Husia 11:5

“Ngwalai ku kaika tamubangalrane papia nakwane ki Iseraylri, kwi lalasu lri tara siwlri mu Izipiti; ku swa Asiria lri rathudu liniane.

Husia 11:8

“Swa Iseraylri, lri tumanaku dulru cilri numiane? Lri tumanaku sarare numiane? Lri dulrwaku mia ku taamudaneli ki Adema kabebetethe numiane? Lri dulrwaku mia sa kiecebaku ki Zebuime si tungimiyaiya numiane? Kainaku walreme tungimiyaiya kikai, asi lwiyane madalamaku numiane!

Amuse 4:6

“Unu, amaniaku ka Tamatama ka pwalebe pwa ki sanaka cekele numi ku silravane, ala kamani ku kakadrwa ku taleke numi. Ai kunumi kai numi maka siaulriwlri mwa nakwane.

Hagai 2:17

Lu arakaiyaku ku maculu ka valrigi si kananu kabebetethe ku lredreke numi ku lamanemane, kai numi maka mwabangalreana ngitatupela.

Zakaria 3:2

Ku sasiakawlu ki Tamatama la iya kai ki Satange, “Satange, ani kaelaela ku Tamatama muswane! Ku madalame Yerusalrime ka Tamatama ani kaelaela muswane. Kikai umawmase kai ngiamia ki nipatwaladhane ki apwi malra bilibili ka vaeva ka angatu.”

Ruma 9:29

Mararaamau kunadruma ku taiyane ki Isaiya kai, “Alaiyasi ku Tamatama ka abebeelengenga ki sanaka kwapingi lu kai pasikai mitane pasuru ku lamwabaibalrithi, nai ngimiangata ki swa Sudume si swa Gumura ku tangimiane lini.”

1 Kurintu 3:15

Alaiyasi kudra takaunganeini tudaane lu kulama ki apwi si kawtu, kai lasu lai asipunu, ai lri kipalribulu kai lasu, mia kudra mwabere twalai ki apwi.

Tapelane Drekase 28:24

Ku Tamatama lri arakai ku thuvugu ku enai ngitalikaiyane ki udale ki valrigi, pakela ku tamalrane amudu numiane.

Tapelane Drekase 29:23

Lri aubulane ku laumawma, ki kadaengane lai lri suete ku balaru si timu, kaika adulrwanenga kaungu, adravane ka laubulu kai lri dulrunga cebe. Ku kadaengane numi lri mia kudra sa kalisi ku Tamatama si kabebetethe ki cekele ki swa Sudume, Gumura, Adema, Zebuime.

2 Pitiru 2:6

Ku Twaumase pathavungu ki swa Sudume si swa Gumura ka drusa ka cekele, pulebe ku apwi si lama, arakai tusabulrwane ki kai masalru ka laumawmase.

Yuda 1:23

yakai ku laumawmase, lri patwalai numi ki apwi kisaswarau palribulu liniane. Yakai ku drumane ku laumawmase, lri kakuru numi liniane, ai wadradreele madu ukuludru, adravane kwidra wasaela ki laimai lini ku pasalrivane madha kielrelre.

Yuda 1:7

Si kudra yakai Sudume, Gumura, si ngwadadeethe ka lacekele ku umawmase, ngiamia kwidra ki lasasiakawlu belenge, kwidra kakudhane lini wacapange ki sawvalai si ababai, pangilralraingi ki beate lini, lakamani ku kiarakai lini ku kai lri kaedrepenga ka apwi kipathavungu. Kikai miyaiya kikai akipapawlringavaneta sanaka umawmase.

Nipadrelane 9:20

Kudra drumane ku umawmase ku kai yakai kai ki matikurwane kipapacai thadaalraneana kai ngitatupela, la kai cilri ku ngipapia lini ku samiamiange. Kwi lalasu thadaalraneana sukusukubu ki Akema, si kingi, gingi, lriwlu, lrenege, si niaraangatwane pia ka la kai wadulru drele, kai wadulru kilalra kai wadulru dadavace ka lamanemane.