Amuse 4:10 - Ngudradreadrekadhane Ka Sisiu 魯凱語聖經

¹⁰ “Kwaku ka Tamatama pwalebeaku ku swalrubu pikai numiane, mia kunadruma sa pulebeaku pikai Izipiti. Yakaiyaku ki tamakakaruburane papacai ki layacengecenge numi, la pathirakupaku ki rigi numi. Pasabalriaku numiane ku sangwabalre ikai ki tasalikaiyane numi kikaruburu kudra ki kinawmasane ki lawapacai. Ai kunumi sakamiyana numi kai maka ngibangulu papia nakwane.”

Amuse 4:10 Iomraidhean Croise

2 Latalialalai 10:32

Sakamani kwidra, ku Tamatama la pathagilinga aru pasutiki ku kadaengane ki swa Iseraylri. Ku talialalai ki swa Siria ka Hazaele pamalebe ki swa Iseraylri.

2 Latalialalai 13:3

Lakamani kwidra, ku Tamatama papia ki swa Iseraylri kalisi, la palraingi ki talialalai ki swa Siria ka Hazaele si lalakeini ka Bine Hadade apapelaela pamalebe ki swa Iseraylri.

2 Latalialalai 13:7

Ku talialalai ki swa Siria waamudu ku kwapingi ki Yehuahaze, la malra liniane paparu thuvugu dredre, la pasusurunga ku tamalrialrimalenga ku tarangurigi ka kwapingi, mangeale ku palridingi ka rigi, kudrai ku taradadavace ka kwapingi.

2 Latalialalai 8:12

Ku Hazaele la kivaga, “Sinsi, asu tubi?” Ku Ilrisa la iya kai, “Asi lwiyane wathingalaku muswane lri piasu ku matiangeange si kabebetethe ki mapapangale ki swa Iseraylri. Lri arakaisu ku apwi lama ki kepale lini, papacai ki layacengecenge lini, cagecage papacai ki lavavalake lini, la buci ki tawbaliri.”

Takatwasane Izipiti 10:27

Ku Tamatama la pakakawlukulu ku takidremedremane ki talialalai ki swa Izipiti, ka sakamiana kai pakatwase ki swa Iseraylri.

Takatwasane Izipiti 10:3

Ku Musi si Arungu la mwa kikawriva ki talialalai ki swa Izipiti, iya kai iniane, “Ku Tamatama ka Twaumase ki swa Hiburu amia kai, ‘Lri pakelasu lwigane ala maka ngitatualebe icucubungu nakwane? Si pakatwasa ki kawkawluli, lani maka mwa si sukubu nakwane.

Takatwasane Izipiti 14:4

Lri pakakawlukulaku ku takidremedremaneini, lalri kainganai saladha numiane. Kikwini lri sabelengaku ki talialalai ki swa Izipiti si lakwapingini, lalri kirimu musakene nakwane, thingale ka Tamatamaku.” Ku swa Iseraylri la pangimia ku tacunane piya.

Takatwasane Izipiti 15:26

La iya kai, “Tamatamaku ka Twaumase numi, lwiyasi la pakaelre numi pasalaladha nakwane, pia kudra pacengecenge iyali ku tatumanane, paluludu ku padradrekaseli, kainaku lri arakai kudra pathavunguli ki swa Izipiti ku lacaemane si pathavungu numiane. Amaniaku ku wasulrau pawdringai numiane ka Tamatama.”

Takatwasane Izipiti 8:19

Ku taraivigi la pelaela ki talialalai, “Kikai yai Twaumase ka paiya!” Ai ngiamia ku taiyane ki Tamatama, ku takidremedremane ki talialalai lrika sakamiana kakawlukulu, kai kilalra ku vaga ki Musi si Arungu.

Takatwasane Izipiti 9:12

Ai ngiamia ku nataiyane ki Tamatama, ka amanini ku pakakawlukulu ki takidremedremane ki talialalai ki swa Izipiti, kai kilalra ku vaga ki Musi si Arungu.

Takatwasane Izipiti 9:17

Ai sakamiiananasu ngitatwadrau, si kai pakatwase ki kawkawluli.

Isaiya 34:3

Ku wapacai ka kinawmasane lini yalatadre italuvaivai, si sangubalre kaburaburau; erainga lregelrege si ubulane palraelre.

Isaiya 50:11

Sanaka mabebetethenga ki umawmase, lri kitulisi ki apianeini ku ngialisiane. Ku Tamatama paiya kikai kelrete: Ku ngimiyaiya kai ku umawmase lri tara kisacepe ki amatikurwane!

Isaiya 9:12

Ku swa Siria yakai tali talrawane, ku swa Pelisitine yakai tali sapakalriwgu; manwanganga makanaelre ku ngudwi lri lrungulrungu amudu ki swa Iseraylri. Adravane ka miyaiya kikai, ku lisiane ki Tamatama kai yadrengere; lri ciidingiana ku alrima si lrumai liniane.

Isaiya 9:13

Adravane ku Tamatama ka abebeelengenga ki sanaka kwapingi pathavungu ki laumawmase ki swa Iseraylri, kwi lalasu thadaalrane kai ngitatupela, kai kainganai mucucubungu ki Tamatama.

Isaiya 9:17

Lakamani, ku Tamatama kai lri palribate ki layacengecenge lutuumane, lai lri kai kakalithi ki lawalibakane si lapakulrulrulu; asi lwiyane ku laumawmase makanaelre ngiasasingikaai ka kadrwa ku ukuludru lini makanaelre, ku kawrivariva lini ku vaga ngialisiane patuelre. Adravane ka miyaiya kikai, ku elathane ki Tamatama lri kai idrengere; ku Tamatama lri ciidingiana ku alrima si lrumai liniane.

Yerimia 11:22

Lakamani ku Tamatama ka abebeelengenga ki sanaka kwapingi amia kai, “Lri pathavungaku liniane! Ku yacengecenge lini lri pacai ikai ki takikaruburuburane, ku lavavalake lini lai lri kiarasilravane pacai ikai kadadalranane cekele.

Yerimia 15:3

Kwaku ka Tamatama malrithethaku ku apakipadradresengane lini ku supate ku amatikurwane: Kiapapacai ki lrabu; kiasaralidri ki tawpungu ku wapacai ku kinawmasane; kiakane ki ngiapalapalai ka adhadhame; kiakane ki waudriwdripi.

Yerimia 16:4

Kwi lalasu lri ngwalai ki swalrubu si pacai makanaelre; kadrwa ku lri tubi liniane, ku lri dralreke liniane. Kudra kinawmasane lini lri mia ki lrange ka mabate ikai cakena. Kwi lalasu lu kaika kiara silravane, kiakaruburu si pacai; ku la wapacai ku kinawmasane lri aakaneane ki laadhadhame si lawaudriwdripi.

Yerimia 18:21

Ai kikainga? Tamatama, kiatubiaku muswane: Arakaiya ku silravane papacai ki lalalake lini; kwi lalasu ani pacai ikai ki takikaruburane; kwi laababai lini ani sakapacai ku taelrelre si lalalake; ku layacengecenge ku lasawvalai ani kiara swalrubu pacai, ku lalangukathabarane ani ngisarade itakikaruburane pacai.

Yerimia 48:15

Kai swa Muabe si lacekeleini atawlrakavanenga; ku lavavavalake ka tagagagaarangenga ka kwapingi kiamudunga. Talialaladhaku; ku naganeli yai Tamatama ka abebeelengenga ki sanaka kwapingi, Amiaku kikai pelaela.

Yerimia 49:26

Ikai kai ki cekele ku layacengecenge lri ikai ki lakadalranane ki cekele kipapacai; ku lakiakaruburu ku lakwapingi makanaelre lri ivaivaai kipapacai.

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Yerimia 6:11

Tamatama! Kwi elathanesu liniane mialri kudaladalai ikai ki kinawmasaneli, kainaku maka kiadilinga!” La pelaela nakwane ku Tamatama, “Malra kai elathaneli la gugu pikai ki kinawmasane ki yakadalranane ki cekele ki lavavalake si twaredededele ka layacengecenge. Ku ladrusa lri kipakaredele kiravase, ku tarudrawdrange lai mialri kadrwa ku lri abalu.

Yerimia 9:22

Ngiasarade ikai kidruanga ku kinawmasane ki wapacai, mia ki lriduku umawma, mia ki sanguketabane ka mugi, ka kadrwa ku umawmase ku sialudu. Ku Tamatama wadrekase nakwane iya kai pelaela.

Husia 11:5

“Ngwalai ku kaika tamubangalrane papia nakwane ki Iseraylri, kwi lalasu lri tara siwlri mu Izipiti; ku swa Asiria lri rathudu liniane.

Yuile 2:20

Lri pakidailaku numiane kudra twalai tali dradha turededele ka apapawku; lri pakatwasaku liniane pamwa ki tamatisepelane, ku aswalala ku twarededele lri kipamwa ki Titimwane ka laveke; ku bibilrili ka twaredele lri kipamwa Miditerania ka laveke. Ku wapacai ku kinawmasane lini lri kela belenge sangubalre. Ngwalai ku tadrimane baai numiane ku amatikurwane, lri amudaku liniane.

Lrivi 26:16

lri pathavungaku numiane. Lri pulebeaku ku amatikurwane numi, la lrika caemane numi ku gange, kacaeme ku culwane, kadrarumadrimi ku maca, ka kadrwa ku puku. Lri paivai numi, ai kadrwa ku akaesadhane numi, asi lwiyane ku badha lri malra kane kwini paivai numi.

Lrivi 26:25

Lri arakaiyaku ku makaruruburu pathavungu kwini ki tabalreane numi ki tamakaketeketane ka pasalrivane. Lwiyasi la kalrungulrungu numi mwa kacekelane nau kipawdripi iya, lri pulebeaku ku swalrubu pwa numiane; lai lri kivutha numi asalebe ki badha numi.

Amuse 4:6

“Unu, amaniaku ka Tamatama ka pwalebe pwa ki sanaka cekele numi ku silravane, ala kamani ku kakadrwa ku taleke numi. Ai kunumi kai numi maka siaulriwlri mwa nakwane.

Amuse 8:3

Kwini vai kwidra, ku senai ikai ki daane ki talialalai lri akabalrithi awatubitubi silringau; lri ngisarade ikai kidruanga ku lawapacai, si lri matiseepelenga.”

Hagai 2:17

Lu arakaiyaku ku maculu ka valrigi si kananu kabebetethe ku lredreke numi ku lamanemane, kai numi maka mwabangalreana ngitatupela.

Tapelane Drekase 28:21

Lri pakela ku swalrubu ku caemane ngiracuku, pakela ki amwane numi kwini ki kadaengane si kamudu.

Tapelane Drekase 28:22

Ku Tamatama lri arakai ku swalrubu, lapu, si dralrangedrangane lrumai numiane, si arakai ku cengelrau si dalacane ka valrigi amudu ki lataleke numi, pakela kudra takamudane numi.

Tapelane Drekase 28:60

Kwini kipucaemane lini sa ikai Izipiti ka matiukuludru ka caemane, lri mwa ki kinawmasane numi, kapalralrawthunga kai mudringainga.

Tapelane Drekase 7:15

Ku Tamatama lri palakebe numiane ki sapapacai ki lacaemane, kai lri pakisaelanga numiane kwidra matiaukuludru ka sapapacai ka lacaemane sa ikai numi Izipiti; kwini sapapacai ka lacaemane lri pamwa ki kinawmasane ki labadha numi.