Amuse 3:9 - Ngudradreadrekadhane Ka Sisiu 魯凱語聖經

⁹ Lu katwasa pelaela kudra ki la yakai ki daane ki talialalai ka swa Izipiti si swa Asedude ka laumawmase iya kai, “Lri irubu numi ikai ki ngiathalringulu Samaria ki lalregelrege, si dredredrele ku lrika angimiane kalrithavulu, madredredrepete ikai adringi ki cekele.”

Amuse 3:9 Iomraidhean Croise

2 Samuile 1:20

Madha pelaelaela ikaikai Gathe; madha pasarasarau ikaikai Asekelungu kadalranane ki cekele. Madha pakirararagai ki lalabaibai ki swa Pelisitine; madha pakapeapeaperau ki lalabaibai ki sakamaelanane ka umawmase.

Kavagavagane 1:13

Lri malrata ku la makaelaela ku lawbubulu, si pasueete ki daane ku niribicane ku lamanemane!

Kavagavagane 11:16

Ku mapapedrenge ku ababai kiamusakene ki umawmase; ku kai mwalecege ku ababai ngiadadawlu ku akiarubwanane. Ku masasalrai ku umawmase matiakuru turamuru ka kadrwa ku namaneemanenga; ku magarange si sakiadilane ku umawmase amani ku maesaesai satacekecekelane.

Wabulru 4:1

La pelangaku dredrele kai kawmasane patuelre ku kaika niaparamaramavane. Ku kiatusinalremelreme kidredredrepete ku umawmase alralreselrese tubitubi, kadrwa ku umawmase ku paralubu liniane. Kwi lalasu kai maka kiaparalubu, asi lwiyane ku twasinalremelreme dredrepete liniane sapukwane si sanaganane turamuru.

Yerimia 31:5

Lri siwlriwlri numi ikai lregelrege Samaria lredreke ku budu; ku walredreke lri kane ku twalai ki babudubudu.

Yerimia 46:14

Ikaiya ki lacekele ki swa Izipiti pelaela, ikaiya Migedule, Mimepise, si Tapanese pelaela: Ngidrakala, si padulru ku akikaruburane! Ku apwi ki tamakakaruburane lri amudu muswane patuelre.

Yerimia 50:2

Papia ki lakuni pelaela ku vaga, pakatwasa ku watawtau! Pakatwasa ku sapatuthingalane, putaluvaivai pelaela: Ku swa Babilunia amakinga! Ku twaumaseini ka Merudake kiacacwakenga! Ku samiamiange ki swa Babilunia kiatudreadrekasenga; kudra mativalracevace ka samiamiange kiacilringa kicacwake!

Izikile 36:8

Ai, lalregelrege ki swa Iseraylri, kwi laangatu numi lri pelana ngiesadhane, si pumadru pasikai ki kawkawluli. Kawkawluli lri padaalrunga numi si siwlri mubalriu.

Izikile 37:22

Lri ikaiyaku kwini, ikai ki lalregelrege ki swa Iseraylri, malra liniane pangielre, si ngidarepe avaeva ka kuni. Kwi lalasu lri tangeangea ku talialalai ku lri rathudu liniane, kai lri ka drusanga ka kuni.

Husia 7:1

“Kai watelrai lu nau pangiradhekane ki Iseraylri, nau pawdringai ki kawkawluli lu iyaku, tara wadrelaku ku pasalrivane lini; kwi lalasu watavuvulrucu, kwaupa, yakai kadalranane ki cekele ravase;

Amuse 1:8

Lri papacadhaku demedeme ki laumawmase ki swa Asedude si mabelenge ka tarasangililuku ki swa Asekelungu. Lri pathavungaku ki cekele Ikerungu, ku yakaai adringi ki cekele Pelisitine ku umawmase lri pacai makanaelre.” Ku abebeelengenga ka Tamatama amia kai pelaela.

Amuse 4:1

Lalabaibai ki swa Samaria, kilalra kai vagali. Kwi bitulrwane numi mia ki tina ka lwange ki Basane. Twasinalrelreme numi ki twaramuru, la dredrepete numi ki matiakukuru. La pagugu numi ki taelrelre numi ku bava si paungulu numiane!

Amuse 5:11

Twasinalrelreme numi dredrepete ki matiakukuru ka umawmase, la ribici numi ku taleke lini; lakamani kunumi lri kai numi maka ikai ki raedre numi si tudaane, lai kai numi maka ungulu ku ngitatubava numi patwalai ki babudwane numi.

Amuse 6:1

Kudra yakai Ziyungu pakamaesaesaesai ku umawmase, lri matisalregesege numi! Kudra yakai Samaria lregelrege si malakebe nai iyaiya ku umawmase, lri matisalregesege numi! Anai athingathingaalane ikai ki kuni ki swa Iseraylri, la kiusakesakene ki palrapalra amiamia numi!

Amuse 6:3

Lu kidremedreme numi kudra maadrau ka amatikurwane ka vai kaina lri kela amiamia numi; ai kwini kakwakudhane numi ngiapapakamwamudunga numi.

Amuse 8:6

Lri dulru nai tukucingalre ku kai mathariri ku takamugiane, lri silape nai ku kai lri dulru ukiame ku matiakukuru ku umawmase, si arakai ku mararaamau ku vaeva ku sulripa ku kucingalrane ku paisu si langai iniane tuduri.”

Mika 6:10

Ku tacekecekelane ikai ki latavanane ki manganga ka umawmase yai niara lrilrigilane malra. Kwi lalasu arakai ku makakaela ku tintingi si bungubungu, kikai yai kalraseli turamuru.

1 Samuile 5:1

Ku swa Pelisitine sa malranga ravase ku Langiane ki Twaumase, kwi lalasu patwalai Ibinezere bulri pwa ka cekele Asedude,