Amuse 3:8 - Ngudradreadrekadhane Ka Sisiu 魯凱語聖經

⁸ Lu girigiringi ku raiyungu, aneane ku kai lri mukuludru? Lu kawrivariva ku abebeelengenga ka Tamatama, aneane kulri lreme kai pelaela ku vagaini?

Amuse 3:8 Iomraidhean Croise

Isaiya 21:10

Sakacekeleli ka swa Iseraylri! Kunumi takangimiyaiyane numi ki yakai ki balraku ka kiataputapusu ka mugi; ai kikaiasasane peaelaelanga naku numiane kikai vaeva ka mathariri ka vaga, ka kilalrali patwalai ki Tamatama ka abebeelengenga ki sanaka kwapingi, ka Twaumase ki swa Iseraylri.

Isaiya 31:4

Ku Tamatama amia kai nakwane, “Mararaamau ki raiyungu ki lrulai ka raiyungu lu pwalra ku vaeva ku waudriwdripi, adravane lu tumanaiyaiya karaleale ku taraagwagu ki kiu, kai lri ukuludru kai lri kathathiburu. Thadaalrane, kwaku ka Tamatama, ka abebeelengenga ki sanaka kwapingi lri palakebaku lregelrege Ziyungu; kadrwa ku umawmase kulri dulru ruthuku.

Yerimia 20:9

Lu iyaku kai, “Kainaku lri matikainga ki Tamatama, lai kainaku lri pangukainga ku naganeini pelaela”, ku vagasu mia ki apwi ka yakai ki kidremedremeli kudaladalai, si mwa adringi ki culrale ki lusuli. La kainaku maka besere kikai yakai adringi nakwane kikai vagasu; kainaku wadulru kai putaluvaivai kawriva.

Yerimia 26:12

La pelaelaku ku tapacengecenganeli iya kai, “Ku Tamatama siakawlu nakwane kainganai pelaela kilakikai sapuswane ki daane ki Tamatama si kikai ki cekele ka vaga, kialalra numi patuelre.

Izikile 29:21

“Lukamaninga kwidra, lri pakagarangaku ki swa Iseraylri; kusu ka Izikile lai lri ikaisu ki akilalrane sanaka umawmasenga kawriva. Luka ngimiyaiya kikai, kwi lalasu lai lri thingale ala ka Tamatamaku.”

Amuse 1:2

Ku Amuse amia kai kawriva, Ku Tamatama twalai ka Ziyungu kaelaela, patwalai Yerusalrime dreredrere. Ku laubulu ki tapagwagwane marudame. Ku laubulu lregelrege Karemele abwaburavane.

Amuse 2:12

Ai kunumi wavutha numi paungulu ku bava kwini ki la ngiapapatarumaranga baai ki Twaumase la pakaicilri numi ki yuginsia pelaela ku vagali.

Amuse 3:4

Ku raiyungu lu kai maka kidringai ku apananeini, lri maka ikai angatungatu girigiringi? Ku yacengecenge ku raiyungu lu kakadrwa ku panaini, lri maka ikai ki barunguluini girigiringi?

Nisikawlane 4:20

Ku drele nai ku kilalra nai, kai nai lri dulru kai kawriva putaluvaivai.”

Nisikawlane 5:20

“Kunumi lu mwa, la acegecega ikai ki daane ki Twaumase, si pelaela ki mapapangale ku patharukai kikai ki niake ka vaga.”

Nisikawlane 5:29

Ku Pitiru si la drumane ka nisikawlane la tubalre iya kai, “Kunai lri tara pasalalaadha nai ki Twaumase, kai nai lri pasalaladha ki umawmase.

1 Kurintu 9:16

Kadrwa ku atakaiyaneli ku tapelaelaneli ku hukuingi si ngilralrigu ki tadindwane; nisikawlanaku kipadindu sikakathane. Lu kainaku dindu lri matikurwaku!

Nipadrelane 5:5

Ikai ki laciwru la ikai ku tangea ku amia kai nakwane, “Madha tubi! Drela, kavai twalai ki swakai ki zuku ki Yuda ka raiyungu, ka mwabaibalrithi ki Davidi pamalebenga! Kwi lasu lri dulru mwalra ki pitu ka hange; si paipai ki nibalrulane ka hungu.”