Amuse 3:7 - Ngudradreadrekadhane Ka Sisiu 魯凱語聖經

⁷ Ku abebeelengenga ka Tamatama lulri ngivelevelenga, lri tara paswala pelaela ki sasiakawluini ka layuginsia ku kikakeini.

Amuse 3:7 Iomraidhean Croise

Tabekacane 18:17

Ku Tamatama la ngikakawriva, “Kainaku lri sesekete ki Aberahame ku apianeli ku awngane.

Tabekacane 6:13

Ku Twaumase amia kai ki Nua, “Malrithethengaku ku amudane ki laumawmase. Kai kawmasane swaeteanenga ku tapasalrivane lini, lri pakarededelaku liniane kai kawmasane amudu.

2 Latalialalai 22:13

la iya kai, “Lu mwa pasikai nakwane si mapapangale ki swa Yuda makanaelre kivaga ki Tamatama, la drele pulringalringau lukamanemane ku sabulrwane kai ki hungu. Ku Tamatama ku kalisini mitane amani sa kai kilalra ku cucungulaneta ku vagaini, kai singiakai ki tapacasane kai ki hungu si pangimia.”

2 Latalialalai 22:20

Lakamani kwidra, lu kaisu pacaiana, kainaku lri pulebe ku amatikurwane baai ki swa Yerusalrime; lri pakasulivaliivataku muswane katwase kai kawmasane.’ ” Kikai laumawmase la malra kikai mathariri ka vaga iluku si baai ki talialalai ka Yusia.

2 Latalialalai 6:12

La ikai ku tangea ku amia kai, “Talialalai, kadrwa naiane. Amani ku yuginsia ka Ilrisa ka peaelaela ki talialalai ki swa Iseraylri; kwini lasu wamalra kudra takawrivanesu ikai ki tapeapecanesu patuelre pelaela iniane.”

Lasenai 25:14

Ku Tamatama siatalragi ki mwasakene mukuludru iniane ka umawmase, si pelaela papia liniane ku sakiketeketaneini.

Isaiya 18:4

Ku Tamatama amia kai nakwane, “Lri kababiitingaku twalai belenge paswalebe drele, mia ki lamu luka kalakitalekane, si ledra ki vai luka kaladralrangedrangane.

Yerimia 23:22

Kai lalasu alaiyasi ka naacegecegenga ikai daane belenge, si tarumara ku vagali, nai papia ki kawkawluli kai lalasu padaruru ku vagali, kwi lalasu la nai cilri ki ngialisiane.

Izikile 29:21

“Lukamaninga kwidra, lri pakagarangaku ki swa Iseraylri; kusu ka Izikile lai lri ikaisu ki akilalrane sanaka umawmasenga kawriva. Luka ngimiyaiya kikai, kwi lalasu lai lri thingale ala ka Tamatamaku.”

Daniele 11:2

Kikaiasasane kai lrika apelaelaneli muswane kai vaga patengatengane.” Kwini sasiakawlu belenge amia kai, “Lri ta tulrwana ku talialalai ku lri rathudu ki Perisia, ala lri ikai ku mwasakasupate ku talialalai. Kikai mwasakasupate ka talialalai lrika silrialribate ku tacekecekelane ki drumane ka talialalai. Kwi lasu luka taicengecengane ikai ku puku, ka magagarangenga, kwi lasu lri papia ki Gurike kikaruburu.

Daniele 2:47

Ku talialalai amia kai, “Amani sa lalrwaisu kikai kaika athingalane ka matiasamaimali, wathingalaku ki Twaumasesu ka sanianiangenga ki latwaumase, Tamatama ki sanaka talialalai, padrele ku kaika athingalane ka matiasamaimali ki Twaumase.”

Yuhani 15:15

Lri kainaku tusasiakawlunga numiane, asi lwiyane kai sasiakawlu kai wathingale ku tapiapiane ki tawki. Ku tatutalragianeli numiane, amani sa pelaelanga naku patuelre numiane ku kilalrali patwalai ki Ama.

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:19

Ku drelesu, ku angimiane kaiasasane ku lrika angimiane lukabibilrili, pacasa patuelre.

Nipadrelane 10:7

Lu ngirapa ku mwasakapitu ku sasiakawlu belenge, ku Twaumase lri pangimianga ku pelaelangaini papia ki layuginsia ka sasiakawluini kudra kaika athingalane ka matiasamaimali.”

Nipadrelane 4:1

La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”

1 Samuile 9:15

Ku Saule salri makavalenga ala kela kikai, ku Tamatama nawacunu ki Samuile,