Amuse 3:2 - Ngudradreadrekadhane Ka Sisiu 魯凱語聖經

² amia kai, “Ikai kai ki kiacaebe belenge ka tathathatha ka lakuni, kathane numiane ku pilrili, la pasalrisaalriwana numi ka thathatha; ngwalai kikai, lri tara pathaavungaku numiane.”

Amuse 3:2 Iomraidhean Croise

Tabekacane 10:32

Kikai yai tamatwalaladhane ki tatulru ka lalalake ki Nua, ka singikai ku tapacasane ki lazuku, ki tamatwalaladhane. Sa ngilribatenga ki telebe, kai kawmasane sanaka minzuku makanaelre mwacungulu twalai ki lalalake ki Nua.

Tabekacane 18:19

Ku pilrili iniane yai, lri kamani kai lasu ku lri pelaela ki lalakeini si lamwabaibalrithi ku apasalaladhane nakwane, kamani ku marasiakai ku aparamaramavane, si paruswadrau ku dringelresane. Luka ngimiyaiya kai, lrika pangiamianga naku ku tapukawnanengali ki Aberahame.”

Lasenai 147:19

Ku vagaini wabaai ki Yakubu, ku sabulrwaneini si hulrice wabaai ki swa Iseraylri.

Takatwasane Izipiti 32:34

Kikai kusu lu mwa, la mailuku ki mapapangale mwa kwini pelaelali muswane ka kadaengane. Lri sikawlaku ki sasiakawlu sacucubungu sangiluku muswane. Ai kwidra vai lri darurunga, lri pathavungaku sanaka pasalriu lini.”

Isaiya 63:19

Ku tapangimianesu naiane, miasu ki amani kudra kaiyana warathudu naiane, mia nai ki amani kudra kaiyana akawkawlu muswane.

Yerimia 1:15

Asi lwiyane lri sarubwaku ki swa tali dradha sanaka kuni; ku talialalai lini lri ngithalringulu ikai taelelebane ki cekele si kepale Yerusalrime, si swa Yuda sanaka ceekele pacegecege ku puku ki sihu lini.

Yerimia 10:25

Ku lisianesu gugwa pikai ki kai mwasakene mukuludru muswane ki lakuni, pikai ki kinawmasane ki kai paswadalepe muswane. Asi lwiyane kwi lalasu papacai ki kawkawlusu; kwi lalasu wamudu naiane, la atawlrakavanenga ku daane nai.

Yerimia 11:22

Lakamani ku Tamatama ka abebeelengenga ki sanaka kwapingi amia kai, “Lri pathavungaku liniane! Ku yacengecenge lini lri pacai ikai ki takikaruburuburane, ku lavavalake lini lai lri kiarasilravane pacai ikai kadadalranane cekele.

Yerimia 13:21

Kudra matatutalragi nai iyaiyasu anika amani ku wakela pamalebe muswane, ku warathudu muswane; yakaiyana ku manemane ku akawrivanesu? Lri miasu ki twalalalake ka ababai ku takiangeangane kiangeange turamuru.

Yerimia 14:10

Ku ngwakai kai ki laumawmase, ku Tamatama amia kai, “Kai lalasu madalame baebalre si cilri nakwane, la ngisasingikaai ku kidremedreme lini katwatwatwase. Lakamani, magirimucaku liniane; lri pulriingavaku ku tapasalrivane lini, si pathavungu ku pasalrivane lini.”

Yerimia 9:25

Ku Tamatama amia kai, “Lri ikai ku minakavalane, ku apathavunganeli ki swa Izipiti, swa Yuda, swa Idume, swa Amune, swa Muabe, si yakai calragulragu kwidra wakaciane tuedreekane ku isiu ka minzuku. Kwi lalasu ikai ki beate kiagelregelrenga tulrisi, ai kwi lalasu si swa Iseraylri ikai ki kidremedreme kai kiagelregelre tulrisi, kai paluludu ku sapatuthingalane ka kiagelregelre tulrisi ka sakiketeketane.”

Izikile 5:9

Asi lwiyane ku piasu ku awngane kavalracevaceli patuelre, lakamani lri pathavungaku muswane. Kainaku paiyana kikai pathavungu muswane, lubibilrili lai kai lri pianga kikai pathavungu muswane.

Izikile 9:6

Adravane ka tarudrawdrange, langukathathabarane, ka ngiatawvaileleketenga, ka latina, ka lrulai, papacadha patuelre; ai madha papacapacai kudra ki la yakai ku sapatuthingalane ikai ki punu ku umawmase. Kaiasasane twaladha kikai, twaladha ki Alrivilrivi ka taikaikaiyaneli paswala pwalrima!” Kwi lalasu la pwalrima papacai kudra ki acegecege ikai ki daane ki Twaumase ka laciwru.

Daniele 9:12

Piakaisu ki kinawmasane nai si lawarathudu pangimia ku taiyanesu ku vaga. Ku tapathavunganesu ki Yerusalrime parawramuru ki tapathavunganesu ki sanaka cekele kawmasane;

Husia 2:13

Lri silapaku iniane si kikawriva; asi lwiyane kai alisu yakai ki tatulrisisisiane ka vai si lama patarumara ku sangwalreme ki la Baale, la sisilu ngiragelane, si katwase mwa ki siasilangane mupadruku, la ulrawnga nakwane. Kwaku ka Tamatama amiaku kikai pelaela.

Husia 5:3

Wathingalaku ki swa Iseraylri; kwi lalasu kai lri maka sekete nakwane. Kwi lalasu kaika patengatengane ku kidremedreme nakwane, kai swadalepe sukubu nakwane.”

Husia 8:13

Kwi lalasu madalame papia nakwane patarumara ku waudriwdripi, si karau ku akaneane ku sangu patarumarane ka beate; ai kwaku ka Tamatama kainaku ka malrase kilakikai sikakathane, lri pulriingawlringa naku ku pasalrivane lini, si pathavungu liniane; lri pasiwlriaku liniane pwa ka Izipiti.

Husia 9:9

Kilakikai umawmase maadrawnga turamuru ku pasalrivane, mia kunadruma kai lalasu sa ikai Gibia. Ku Twaumase lri tara pulringau ku pasalrivane lini, si pathavungu liniane.

Amuse 2:4

Ku Tamatama amia kai, “Ku swa Yuda apapelaela pasalriu, lri tara pathavungaku liniane. Kwi lalasu wacilri ku sabulrwaneli, kai paluludu ku padradrekaseli. Kwi lalasu kiaililuku kudra ki samiamiange ka kisususu ki cucungulane lini, la katwasenga kidaili ki pacengecenge ka sabulrwane.

Amuse 3:3

Ku tadrusa lu kai maka mapapalraingi, lri maka tarudradrusa dadavace?

Amuse 6:1

Kudra yakai Ziyungu pakamaesaesaesai ku umawmase, lri matisalregesege numi! Kudra yakai Samaria lregelrege si malakebe nai iyaiya ku umawmase, lri matisalregesege numi! Anai athingathingaalane ikai ki kuni ki swa Iseraylri, la kiusakesakene ki palrapalra amiamia numi!

Mika 2:3

Lakamani, ku Tamatama amia kikai: Wakikakenga naku lri pulebeaku ku amatikurwane pakakai ki kinawmasane lini; lai kai numi dulru mubere, lri kai numi maka tangeraranenga si dringelresane kwi tuku numi dadavace, asi lwiyane amaninga kikai ku akipakwalriane numi.

Nahumu 3:4

Ku tiatiama ki swa Ninivi lri kipathavungu; ku tharirane kwini ki alisu wathalrebeethebe ki umawmase. Ku nganganeini walrilrigili ki lakuni; ku tulrisini watavuvulrucu ki sanaka zuku.

Nisikawlane 17:26

Patwalai ki tangea ka umawmase si bekace, sanaka zuku la malra liniane pasawvagavagai pasalraelre kai kawmasane, la kelrete ku apalikaiyane ku caili si pagisane ki kadaengane.

Ruma 2:9

Sanaka paiyaiya ku ngialisiane ku umawmase makanaelre lri kai maka ubere ki amatikurwane si akwalriane, lri aswala ku swa Yuda, ala lrika sakamaelanane ka umawmase.

1 Kurintu 8:3

Ai, kudra madalame ki Twaumase ku umawmase kiathingale ki Twaumase.

Tapelane Drekase 10:15

Ku Tamatama kialibake ki cucungulane numi, lakamani ku pilrini numiane, la kai pilri ki drumane ka minzuku, tukawkawluini. Pakeela kaikameane, kunumi thadaalraneana numi ka pilrini ka kawkawluini.

Tapelane Drekase 26:18

Kaikameane, ku Tamatama la mialri singikai ku pukawnungaini pathingale ala ka kawkawlu numi iniane, wadrekase numiane ku apasuswane numi ku padradrekaseini patuelre.

Tapelane Drekase 32:9

Ai ku Tamatama wapilri ki lamwabaibalrithi ki Yakubu tukawkawluini, la tunipawkalrivilane ka tacekecekelaneini.

Tapelane Drekase 4:32

“Ku numi drela singibila ki tangilribatane numi, twalai sa kai numi kitulalakeana, drela pakela sa bekabekace ki umawmase ku Twaumase. Kunumi drela singibila palraelre kawmasane. Aneane ku wadrelenga ku kialalranga ku ngimiyaiya kikai ku maparamuru ku takaungane?

Tapelane Drekase 7:6

Kunumi swakai numi ki Tamatama ka Twaumase numi ka saniange ka kawkawlu; kunumi tara pangimia kikai. Amanini ka patwalai ki mapapangale pilri numiane amapapangale iniane.

1 Pitiru 4:17

Wakelaanga ku asaibangane, ku lalalake ki Twaumase lri aswala kisaibange. Alaiyasi ku asaibangane ka lri twalai mitane pathagili, lu mia kwini, ku kai masalru ku hukuingi ki Twaumase lrika ngitwatumane ku angimiane lini?