Amuse 3:14 - Ngudradreadrekadhane Ka Sisiu 魯凱語聖經

¹⁴ Lu pathavungaku ku tapasalrivane ki swa Iseraylri, lri burukaku ku tapatarumaramarane kavai Bithele; sanaka piu ki tapatarumaramarane lri kipici, si ukadrulu ikai cakena.

Amuse 3:14 Iomraidhean Croise

2 Latalialalai 23:15

Ku Yusia mialri buruku ku yakai Bithele ku tapatarumaramarane, amani kwidra wailuku ki swa Iseraylri pasalriu ka lalake ki Nibate ka talialalai ka Yerubuame ka wadarepe kai tapatarumaramarane. Ku Yusia wasuburu ku tapatarumaramarane, la malra tatuthiri kwini lrenege paalamenge, la mialri lama kwini samiamiange ka ababai ka twaumase ka Asera.

2 Lacaili 31:1

Sangilribatenga ku tatulrisisiane, ku swa Iseraylri makanaelre wamwana ki lacekele ki Yuda, pangulru ki sadrengedrenge, thiabe ki samiamiange ki ababai ka twaumase ka Asera, mwalra pakalisi ku tapatarumaramarane si layalregelrege ka biu. Kwini lalasu la mialri ikai ki talidrumane Yuda si drumane ikai Biniyamingi, Iparaime si Manase ka thadalrane ku tapangimiane lini, ala katwase siwlri mwa ki cekele lini.

Takatwasane Izipiti 32:34

Kikai kusu lu mwa, la mailuku ki mapapangale mwa kwini pelaelali muswane ka kadaengane. Lri sikawlaku ki sasiakawlu sacucubungu sangiluku muswane. Ai kwidra vai lri darurunga, lri pathavungaku sanaka pasalriu lini.”

Amuse 2:8

Kai lalasu sikathuruanenga ikai thili ki tapatarumaramarane, si sapa arakai ku sadrepetane ki lalasu liniane ku laimai, kai lalasu sikathuruanenga ikai ki daane ki Twaumase, si malra ku nivuthane ka lapatwalai ki matiakukuru ku paisu si arakai langai ku bava la ungulu.”

Amuse 4:4

Ku abebeelengenga ka Tamatama amia kai, “Swa Iseraylri! Lu mwa kudra ki taikaiyane ka saniange ka Bithele si pasalriu! Lu mwa Gilegale si pakaelre ku kidremedreme numi pasalriu! Lukavaivai patarwamaara numi ku sapatarumarane, la kingivaale ki minakatulrulane patarumara ku taingeane ki taimangealane!

Amuse 7:10

Ku barakalai ki swa Bithele ka Amazia siakawlu ki umawmase katwase mwa ki talialalai ki swa Iseraylri ka Yerubuame si pelaela iya kai, “Ku Amuse pwatatata ki mapapangalesu, ku lrika abaebalreane lini muswane; ku takawrivarivaneini twalisilisi ki kuni.

Amuse 7:13

Kai Bithele yai daane ki talialalai daane ki Twaumase, ka amani ku tasukusukubane ki kuni, kaisu lri maka ikainga kikai bulrubulru.”

Amuse 7:9

Ku tasukusukubane ki mwabaibalrithi ki Isake lri tara kiburuku; ku saniange ka taikaikaiyane ki swa Iseraylri lai lri kikabebetethe kiburuku. Lri pakamudaku ki ngwakai ki talialalai ka Yerubuame.”

Amuse 9:1

Wadrelaku ki Tamatama acegecege ikai thili ki tapatarumaramarane; la iya kai, “Lri pangulraku ki bulri ki daane ki Twaumase, lani mulebe patueelre ku daane, la cwake ku awlru ki sanaka umawmase. Lri arakaiyaku ku lrabu papacai ki tedrane ka laumawmase, kadrwa ku natangeeanga ku lri kilragau, laka kadrwa ku natangeeanga ku lri mubere.