Amuse 3:12 - Ngudradreadrekadhane Ka Sisiu 魯凱語聖經

¹² Ku Tamatama amia kai, “Lri mia ki taraagwagu ki kiu ka umawmase ku malraini ribici patwalai ki ngudwi ki raiyungu drwadrusanga ka drapale ki kiu si vaeva ka calringa, kai yakai Samaria ka kadrwa ku ngikakelretane ku tacekecekelane ka swa Iseraylri lri mialri ka tabeekele ku lri dulru ngilribate ki matikurwane.”

Amuse 3:12 Iomraidhean Croise

1 Latalialalai 20:30

Kudra waudripi ku lakwapingi la makitu mubere mwa cekele Apeke; ku alradre ki cekele la kaburuku mulebe, la drepete papacai ku ta 27,000. Ku Bine Hadade la mubere mwa cekele, kilepenge ikai ki tali lrilrikudru ka daane.

1 Latalialalai 20:34

Ku Bine Hadade la iya kai, “Lri malraku kwini lacekele ku malra ki ama patwalai ki tamasu sawlri baai muswane, si lai pikaisu ku tamathathathakadhane ikai kavai Damasekuse, mararamau ki ama ku tapianeini ikai Samaria.” Ku Ahabe la tubalre, “Mathariri, pikai ki miyaiya kai ku tamalalangadhane, lri pakatwasaku muswane.” Ku Ahabe la makaketekete iniane, ala pakatwasenga iniane.

1 Latalialalai 22:25

Ku Mikaia la tubalre, “Luka takatwasanesu mwa ki tikiyane ka takilelepengane ka daane kilepenge, kwini ki vai lri thingalesu.”

2 Latalialalai 16:9

Ku Tigelathe Pilesere la palraingi ku kitubi ki Ahaze, la sangiluku ki kwapingi mwa kikaruburu ka Damasekuse, la malra kwini ki cekele, si papacai ki talialalai ka Rizingi, si malra ravase ki mapapangale pwa kavai Kire.

Isetire 1:6

Kikai babengelradhane arakai ku salesese si lrawlrapungu ka make pangiraeragelane, la arakai ku thilalatadhane ku lalasare ka kaimadhane ka sawculrungane malra kwini make pakerenge pikai ki gingi ka kalathe ikai ki belenge ki ulrudru ka talrise ka lrenege. Ku nidarepane arakai ku kingi si gingi ka tapeapecane ka taetale la pikai belenge ki nidralriane ku lrawlrapungu, duduli, salesese ka talrise ka lrenege si tinukucingalrane ka kalralringidri ki laveke,

Isetire 7:8

Ku talialalai satwalai ki babengelradhane siwlri mudaane yai, ku Hamange yacengecenge guruthungane ikai ki maelrelrenge ka taneneane apece ki Isetire kitubitubi ku akikakurwane. La drele ku talialalai kudra tangimiane kikai, la aru kaelaela akwadrau si iya kai, “Kikai umawmase kai sikathuruanenga ikai ki daane ki talialalai picucubungu nakwane tusinalreme ki labaibai ki talialalai?” Sa iya kwini ku talialalai, kudra la kiatinumwalranga ka sasiakawlu la makakai tamenge ki lringau ki Hamange.

Lasenai 132:3

Sa silasilapaku ku aikaiyane ki Tamatama, pasikai ki wadulru sanaka manemane ka Twaumase ki Yakubu silasilape ku aikaiyane ku daane; kainaku lri mudaane ki daaneli lutumane; kainaku lri apece lutumane, si kai ngikatatudru lutumane.

Isaiya 17:7

Sana kela kwini ki vai, ku umawmase lri ngibangulu papia ki wabekace liniane ka Tamatama, la papia ki saniange ka Twaumase ki swa Iseraylri kitubi.

Isaiya 31:4

Ku Tamatama amia kai nakwane, “Mararaamau ki raiyungu ki lrulai ka raiyungu lu pwalra ku vaeva ku waudriwdripi, adravane lu tumanaiyaiya karaleale ku taraagwagu ki kiu, kai lri ukuludru kai lri kathathiburu. Thadaalrane, kwaku ka Tamatama, ka abebeelengenga ki sanaka kwapingi lri palakebaku lregelrege Ziyungu; kadrwa ku umawmase kulri dulru ruthuku.

Isaiya 8:4

Kwini lalake lu kaiyana thingale ama ina iya, ku tacekecekelane patuelre ki swa Damasekuse si lawbubulu ka ravase ki swa Samaria patuelre lri kiravase nguelre ki tinuhika ki swa Asiria.”

Amuse 6:4

Asiamiya ala matiasalregesege numi! Kunumi ka laumawmase waapeceana numi ikai ki niarakaiyane ku valisi ki zu pangiragelane ka tapeapecane, la nene numi suteelrai ikai ki mathariri ka taetale, si kanekane ku niputalekane ka mamameelreana ka lwange si maricuru ka kiu.

Amuse 9:8

Kwaku ka abebeelengenga ka Tamatama walengethaku drele kikai maadrau ku pasalrivane ka swa Iseraylri. Lri patwaladhaku kai ki kadaengane mwalrathe liniane, ai kainaku lri amudu makanaelre ki mwabaibalrithi ki Yakubu.