Amuse 2:8 - Ngudradreadrekadhane Ka Sisiu 魯凱語聖經

⁸ Kai lalasu sikathuruanenga ikai thili ki tapatarumaramarane, si sapa arakai ku sadrepetane ki lalasu liniane ku laimai, kai lalasu sikathuruanenga ikai ki daane ki Twaumase, si malra ku nivuthane ka lapatwalai ki matiakukuru ku paisu si arakai langai ku bava la ungulu.”

Amuse 2:8 Iomraidhean Croise

Takatwasane Izipiti 22:25

“Lwiyasi la pakisalrusu ku paisu ki naneanenga ki kawkawluli ka matiakukuru, madha pangialralrau ki tarapakisalrwalru malra ku lalake.

Isaiya 57:7

Wamwa numi ki abelenge ka lregelrege si patarumara, la ikai numi kwini pasalriu ki ababai si sawvalai.

Izikile 18:12

Kai lasu la tavuvulrucu ki matiakukuru ki umawmase, ribici ravase, si malra pikai ku sadrepetane ku lawbubulu ki akiame. Kai lasu la mwa ki biu ki maelane ku takisususwane si sukubu ki matiavalracevace ka samiamiange,

Izikile 18:7

kai watavuvuvulrucu, kai waribiribici ravase. Kwi lasu ku sadrepetane ku lawbubulu wasawlri baai ki akiame ka umawmase, wamalra ku lamanemane si baai pakane ki masilrasilrau ka umawmase, wamalra ku laimai si baai pasi laimai ki vialralralrakane.

Izikile 23:41

Kwi lalisu la nene ikai ki mathaariri ka niapeapecane ka taetale, la picucubungu ku cukwi, si pibelenge pasueete ku baaili liniane ku lasangwalreme si lawlau ka ulrive ka latathaithariri ka lamanemane.

Husia 4:8

Ku kawkawluli pasalriu, walaapulringa numi pakabitulru, lakamani kunumi la aru papasalriu numi liniane.

Husia 7:14

Kwi lalasu kaika patengane ku kidremedreme papia nakwane kitubi, twalralrau ki la maelane ku takisuswane sikakathane, gwarapangane si tubitubi karalealeale; kwi lalasu ngiacacalricalrigi ngidadula, papia nakwane kitubi ku lataleke si mathariri ka bava. Kwi lalasu patengatengane ka lawabaebalre!

Amuse 3:14

Lu pathavungaku ku tapasalrivane ki swa Iseraylri, lri burukaku ku tapatarumaramarane kavai Bithele; sanaka piu ki tapatarumaramarane lri kipici, si ukadrulu ikai cakena.

Amuse 4:1

Lalabaibai ki swa Samaria, kilalra kai vagali. Kwi bitulrwane numi mia ki tina ka lwange ki Basane. Twasinalrelreme numi ki twaramuru, la dredrepete numi ki matiakukuru. La pagugu numi ki taelrelre numi ku bava si paungulu numiane!

Amuse 6:4

Asiamiya ala matiasalregesege numi! Kunumi ka laumawmase waapeceana numi ikai ki niarakaiyane ku valisi ki zu pangiragelane ka tapeapecane, la nene numi suteelrai ikai ki mathariri ka taetale, si kanekane ku niputalekane ka mamameelreana ka lwange si maricuru ka kiu.

Amuse 6:6

La ungulu numi ku malimeme ka bava, si ngisasakidri ku mathaithaariringa ka sangwalreme, ai kai numi watubitubi ku taaru turamuramurane ki swa Iseraylri.

1 Kurintu 10:21

Kai numi lri maka ungulu ku kupu ki Tamatama si la ungulu ku kupu ki aidridringane, kai numi lri dulru kipaelre ku pangiakaneane ki Tamatama, la kipaelre ku pangiakaneane ki aidridringane.

1 Kurintu 10:7

madha ngialralrau liniane kudra ki yakai kudra matwase sukubu ki samiamiange. Mararaamau ku taiyane ki Sisiu, “Kikai laumawmase wanene si kanekane ungungulu, la pakilringau ku takapeapeaperavane.”

1 Kurintu 8:10

Alaiyasi ikai ku umawmase ku yakai kikai turamuru ku takidremedremane, la drele muswane ka “Madrau ku thingalane” La ikaisu ki tasamiamiangane kanekane ungungulu, kikai kaika maru pasapukupukuanenga iniane ku akaneane ku nipatarumarane ki samiamiange ku akaneane?

Tamagarange 9:27

Kwini lalasu la mwa babudwane kibudu, si thalre ku bava, la pangitaleke. Kwini lalasu la mwa ki biu lini, ikai kwini kanekane ungungulu, si pusupusu ki Abimileke.