Amuse 2:3 - Ngudradreadrekadhane Ka Sisiu 魯凱語聖經

³ Lri papacadhaku ki tamatama ki swa Muabe, si papacai demedeme ki kiacapili ki lamabelenge lini.” Ku Tamatama amia kikai pelaela.

Amuse 2:3 Iomraidhean Croise

Yubu 12:21

Pakiarubwane kudra ki laabelenge ku taetalane, la pakaulrau ku kindri ki la yakai ku puku.

Lasenai 141:6

Kwi tarasangililuku liniane lu tuverevere ki abelenge ka tukadrane, ku laumawmase lri thingale ala ka patengane ka kai madraedrangelre kai vagali.

Lasenai 2:10

Latalialalai, dradrela! Lawarathudu ki kuni, kilalra kai sapakipapawlringavane!

Isaiya 40:23

Ku Twaumase wamudu ki yakai ku puku ki latalialalai, la pakawlrau kai kawmasane ki tarasangililuku.

Yerimia 48:25

Ku puku ki kwapingi ki swa Muabe kiatatithiringa, ku elrelreini ku puku kiakabebetethenga. Tamatamaku; ka amia kikai pelaela.”

Yerimia 48:7

Swa Muabe, nasatalusu ki puku ki kwapingisu ki tacekecekelanesu, kaiasasanenga, lri mialrisu kalri kiruthukunga. Ku twaumasesu ka Kemuse lri acaicali; ku labarakalaini, latabebelenge lri mialri kipakarededele kiravase.

Amuse 5:12

Maadrawnga turamuru ku pasalrivane numi, makaalranga turamuru ku pasalrisalriu numi. Wadrepete numi ki mathariri ka umawmase, la tarumara ku pavangalre, ikai ki tasaibaibangane la telenge numi ku akiparamaramavane kisaibange ki matiakukuru ka umawmase.

Amuse 5:7

Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Amuse 6:12

Ku rigi lri dulru ikai ki twatukadrane lrabwabwale? Ku lwange lri dulru ikai ki laveke kauawngu? Ai, kunumi wamalra numi kwini aparamaramavane si paaduku, la malra numi kwini dringelresane si paamapalili ka sasulravane.

Taasipane 24:17

Pwadailaku drele kwini ki bilrilane; wadrelaku ki kuni ki swa Iseraylri. Yakai ku vaeva ku waleedra ka tariau twalai ki Yakubu mutaluvaivai; Yakai ku tangea ku talialalai twalai ki swa Iseraylri acegecege. Lri tatuithi ki latarasangililuku ki swa Muabe, si paukadrulu demedeme ki umawmase ki swa Sethe.