Amuse 2:15 - Ngudradreadrekadhane Ka Sisiu 魯凱語聖經

¹⁵ Ku taralraili lri kai maka acegecege; ku maridare lailai ku kwapingi lai kai maka mubere; ku tarangurigirigi ka kwapingi kai lri maka ngipapalribulu.

Amuse 2:15 Iomraidhean Croise

Wabulru 9:11

La drelenga naku ku taingeane: Ikai kai kawmasane, ku taralailai ka umawmase alau lri kai kipakalreva, ku magagarange ka umawmase alau lri kai maka akaci lu kikaruburu, ku ngiathingale ka umawmase alau lri kai ikai ku akaneane, ku malrilrigili ka umawmase alau lri kai kaesai, ku magagarange twatumane ka umawmase alau lri kai maka abelenge. Kulri ka angimiane amani ku wakelrete patuelre.

Isaiya 31:3

Ku swa Izipiti kaika Twaumase; umawmase si ka kathane. Kwi rigi lini kaika twaumase ka rigi. Ku Tamatama sana sege ku alrima, ku ngiaradhekane ka kuni lri mialri kalri kasuburu, kudra paraluralubu lini ku twaramuru ka kuni lai lri mialri kaamudu; kikai taidrusa lri tara kaamudu.

Yerimia 51:56

Kwi lalasu wakela amudu ki swa Babilunia. Ku garagarangeini kiaravasenga; ku bu lini macelranga. Amaniaku ku pathavungu ki pasalrivane ka Twaumase; lri tara bilriaku ki swa Babilunia.

Izikile 39:3

Ala lri mwalraku kwi ecenge ki virisu kwi bu, ecenge ki vanalesu kwi lraili.

Amuse 9:1

Wadrelaku ki Tamatama acegecege ikai thili ki tapatarumaramarane; la iya kai, “Lri pangulraku ki bulri ki daane ki Twaumase, lani mulebe patueelre ku daane, la cwake ku awlru ki sanaka umawmase. Lri arakaiyaku ku lrabu papacai ki tedrane ka laumawmase, kadrwa ku natangeeanga ku lri kilragau, laka kadrwa ku natangeeanga ku lri mubere.

Hagai 2:22

si pakamudu sanaka kuni, la palikainga ku puku lini. Lri pangibalreaku patubakebake ki ngwapalridilridingi; ku larigi lri pacai patuelre, ku tarangurigirigi lai lri mapapacapacai.

Zakaria 10:5

Ku laumawmase ki swa Yuda lri mia ki garagarange ka lakwapingi pamalreme ki badha, lri miakau wadredre ki dae ka thuvugu ikadalranane. Kwi lalasu lri kagarange kikaruburu, asi lwiyane kwaku ka Tamatama lri ikai tapalra liniane, kwi lalasu lri pakeela ku pamalebe ki tarangurigi ki kwapingi ki badha.