Amuse 2:11 - Ngudradreadrekadhane Ka Sisiu 魯凱語聖經

¹¹ Patwaladhaku ki lalalake numi pilri ku yuginsia, la patwaladhaku ki layacengecenge numi pacebe ku wadulru ngipapatarumara baai ki Twaumase. Swa Iseraylri! Pasalrivaku lu iyaku kikai? Tamatamaku; ka amia kikai pelaela.

Amuse 2:11 Iomraidhean Croise

1 Latalialalai 17:1

Yakai ku yuginsia ka sia Ilria, ka swakai Tisebi ka Gileade. Kwini lasu kawariva ki talialalai ka Ahabe, “Lri papiaku ki musakeneli ka Tamatama ka palralrawthu panianiake ka Twaumase ki swa Iseraylri kiketekete. Lukabibilrili ki nitarapiane ka caili, kai subelebelenge kai lri udale, kai lri mulebe ku lamu, lu kitubiaku kai belenge lri udale.”

1 Latalialalai 18:4

Sa papacai ki yuginsia ki Tamatama ku Yezebile, ku Ubadaiya palribulu ki taidai ku layuginsia, la malra liniane paudrusa, tara tamalrimale, la pakilepenge pikai ki barungulu, si patarumaramara ku akaneane si acilai.)

1 Latalialalai 19:16

la padelreme cegecege ki agane ki Nimesi ka Yehu tutalialalai ki swa Iseraylri, la mialri padelreme cegecege ki lalake ki Sapate ka swa Abele Mehula ka Ilrisa mubalrithi muswane ayuginsia.

1 Latalialalai 20:13

Kikai kwidra, la ikai ku tangea ku yuginsia ku wamwa kikawriva ki talialalai ka Ahabe, kawriva iniane, “Ku Twaumase amia kai, ‘Madha mukulukuludru kwini ki tapangale ka lakwapingi. Kaikameane lri paakaciaku muswane liniane, lai lri thingalesu ala ka Tamatamaku.’ ”

1 Latalialalai 20:35

Yakai ku takaalra ku layuginsia, ikai liniane la ikai ku tangea ku kiadrekase ki Tamatama lri pangukai ki tangeea ka yuginsia lrumai iniane; ai kwini yuginsia kai mwabangalre pia kwini.

1 Latalialalai 20:41

Ku yuginsia la makakaai mwalra purici kwini sacabwane ki lringauini, ku talialalai la thingale iniane ala ka yuginsia.

1 Latalialalai 22:8

Ku Ahabe la kawriva, “Yakaiyana ku tangeanga, amani kudra lalake ki Imela ka Mikaia. Ai magirimucaku iniane, asi lwiyane kwini lasu kai kawrivariva ku mathariri ku vaga; kwini lasu takawrivane ku malisi ku vaga.” Ku Yehusapate la kawriva, “Kaisu lri maka iya kwini kawriva!”

2 Latalialalai 17:13

Ku Tamatama nasiakawlu ki yuginsiaini kidrele pakipapawlringau ki swa Iseraylri si swa Yuda iya kai, “Katwasa ki ngialisiane ki kakwakudhane numi, paluludu ku padradrekaseli, ka amani kudra baaili ki cucungulane numi ku hulrice si pangukaili ki sasiakawluli ka layuginsia pakela baai numiane ka hulrice.”

2 Latalialalai 6:1

Yakai saka minakavalane, ku sangiluku ki Ilrisa ku takaalra ku layuginsia la kalisi iya kai, “Swatiki turamuru kai taikaikaiyane nai.

2 Lacaili 36:15

Ku Tamatama ka Twaumase ki cucungulane lini kai watelrai sikawlu ki yuginsia pakipapawlringau ki kawkawluini, asi lwiyane twakucingalreana ki kawkawluini si daane ki Twaumase.

Yerimia 11:21

Ku swa Anatute lri papacai nakwane, wakukuludru nakwane, si pakaicilri nakwane pacungulu pelaela ku vaga ki Tamatama, alaiyasi kainaku kilalra, kwi lalasu lri papacai nakwane.

Yerimia 2:31

Swa Iseraylri, kicacaligira kilalra kai aiyaneli! Ngiamiaku ki ubulane ki matiaukuludru ka kadradridrimitane? Anu kirimu lri ngisasingikaai nai ku takidremedreemane nai iya, si kai kainganai siwlri mwa nakwane kai?

Yerimia 2:5

Ku Tamatama amia kai kawriva: Maneemanelringa ku drele ki cucungulane numi ku tapamamaneli, si la katwase cilri nakwane kwi lalasu, si mwa tupapalra ki kadrwa ku paluludane ka samiamiange, la kamaninga kudra kadrwa ku paluludaneini.

Yerimia 26:11

Ku labarakalai si layuginsia la papia ki latabebelenge si laumawmase kukusu nakwane; kai lalasu amia kai, “Kai umawmase kai apapacadhane, asi lwiyane kai lasu wasakalai tulilisi kai ki cekele; kialalranga numi makanaelre.”

Yerimia 7:25

Twalai sa katwase Izipiti kwini ki vai ku cucungulane numi, apapelaelaku sikawlu ki sasiakawluli ka layuginsia papia numiane pelaela ku vaga,

Silringau 4:7

Ku latalialalaita sakwa ka mabwabula ka malrawlrapungu ki pasabu ki mireke; kwi lalasu sakwa kagarange, la ngicaeme ku tacebeane.

Mika 2:6

Ku mapapangale la akulalisi akwadrau iya kai nakwane, “Madha papia naiane bulru! Madha pelaela ku kaika akasulivatane! Ku Twaumase kai lri pangulringavane naiane!

Nisikawlane 4:18

Lakamani, kai lalasu wadawlu kwini ki tadrusa, pakipapawlringau liniane adravane ka ngitwatwatumane madha pangukaikainga ki nagane ki Yesu avavaga si ku abulrwane ki umawmase iya.

Nisikawlane 5:28

La iya kai kwini lasu, “Anai pakiapapawlringau turamuru paisadra numiane madha pangukaikainga kwini ki nagane kai ki lasu bulru ki umawmase iya, kunumi la malralringa numi kwini sabulrwane pasalraelre kai Yerusalrime, si pasanu papiapia numi naiane kwidra kiame ka erai ku takipapacadhane kikai ki lasu!”

Nisikawlane 7:51

“Kunumi ka makelrathe ka laumawmase, nicelrepane kwini kidremedreme numi, yakai ku calringa numi, ai kai kialalra ku vaga ki Twaumase! Kunumi miyaiya numi ki cucungulane numi ka tara kiaecebe ki Siri!

Tapelane Drekase 18:18

Lri patwaladhaku ki sakacekele lini pacegecege ku tangea ku mia muswane ku yuginsia. Lri baadhaku ku lrika akawrivaneini; kwini lasu lri malra kikai drekaseli nguvavaeva pelaela ki mapapangale.

1 Samuile 19:20

ku Saule la sikawlu ku umawmase mwa pwalra iniane. Kwini lalasu la drele ku layuginsia, sangililuku ku Samuile, si dralradralrai karalealeale. Ku Ri ki Twaumase la kirimu mwa ki sasiakawlu ki Saule ka laumawmase, kwini lalasu la kirimu pathagili dralradralrai karalealeale.

1 Samuile 3:20

Ku mapapangale ki swa Iseraylri, twalai Dange kela Bereseba, makitu thingale ki Samuile ala ka Tamatama ka wacegecege paayuginsia.