Amuse 1:5 - Ngudradreadrekadhane Ka Sisiu 魯凱語聖經

⁵ Lri burukaku ku lrawlrawdru ki cekele Damasekuse, si papacai demedeme ki yakai dratane Avingi ka laumawmase si abelenge ka tarasangililuku ki swa Bithe Edenge. Ku laumawmase ki swa Siria lri kiravase pu Kire.” Ku Tamatama amia kai pelaela.

Amuse 1:5 Iomraidhean Croise

2 Latalialalai 14:28

Ku drumane ku takaungane ki Yerubuame, ku takagaranganeini ikai ki tamakakaruburane si tapangimianeini sawlri ka Damasekuse si Hamathe, pasiwlri ka swa Iseraylrianenga ka kadaengane, ninguvavaevane pacase pikai ki lrikisi ki Latalialalai ki swa Iseraylri ka hungu.

2 Latalialalai 16:9

Ku Tigelathe Pilesere la palraingi ku kitubi ki Ahaze, la sangiluku ki kwapingi mwa kikaruburu ka Damasekuse, la malra kwini ki cekele, si papacai ki talialalai ka Rizingi, si malra ravase ki mapapangale pwa kavai Kire.

Isaiya 22:6

Ku tarangurigirigi ka kwapingi ki swa Ilame wakelanga, ku lraili paswaete ki talrailane. Ku ngwalalebe ka kwapingi ki swa Kire wakelanga, padulrwa ku akikaruburane.

Isaiya 43:14

Tamatama ka sanianiangenga ka Twaumase ki swa Iseraylri, ka amani ku tarapalribulu numiane amia kai: Ngwalai ku apalribulane numiane, lri sikawlaku ki kwapingi si kikaruburu ki swa Babilunia; lri kikaruburaku si buruku ki lrawlrawdru ki cekele; ku taputarirane ki swa Babilunia lri akabalrithi tubi karaleale.

Isaiya 8:4

Kwini lalake lu kaiyana thingale ama ina iya, ku tacekecekelane patuelre ki swa Damasekuse si lawbubulu ka ravase ki swa Samaria patuelre lri kiravase nguelre ki tinuhika ki swa Asiria.”

Yerimia 50:36

Ku apacadhane wamwanga ki kaika patengane ka yuginsiaini; ku kulrungane lini kadrwa kulri kiramau! Ku apacadhane wamwanga ki tarakikaruburuburu ka lakwapingini; kwi lalasu ngiatuluku mukuludru turamuru!

Yerimia 51:30

Ku garagarange ki swa Babilunia wasararenga ku adreme lini, si kilepenge ikai adringi ki nikepalane ka cekele. Kwi lalasu kadrwanga ku garangane ku kidremedreme, mianga ki ababai ku turamurane. Ku lrawlrawdru ki cekele kiaburukunga! La kudaladalainga ku ladaane!

Silringau 2:9

Ku lrawlrawdru ki cekele kiadralreke ki sangukaburukane; ku tadrukudrukurane ki lrawlrawdru matatithiri. Ku latalialalai kiapakatwase acaicali. Kadrwa ku umawmase ku wabulrubulru ku hulrice; ku yuginsia kai maka tarwamaranga ku twalai ki Tamatama ku maburusi.

Izikile 27:23

Ku Harange, Kani si Idingi ka lacekele, tarasiwbawbai ka swa Seba, Asure si Kilemade ka lacekele masasiwbai numi.

Izikile 30:17

Ku layacengecenge ki lacekele ki swa Heliupulise si swa Bubasetise lri pacai ikai ki tamakakaruburane makanaelre; ku latedrane ku umawmase lri kiravase.

Husia 10:8

Ku la tapatarumaramarane ka Avenge, ka amani kudra tasukusukubane ki swa Iseraylri ka lasamiamiange, lri kiamudu patuelre. Ku tapatarumaramarane lini lri cebe suete ku cecenekane ka angatu si yakai ku duku ka ubulu. Kwi lalasu lri papia ki madrau ka lalregelrege iya kai, “Malra naiane sekete!” Lai lri iya kai ki tikiane ka lalregelrege, “Mukadrula makakai ki kinawmasane nai!”

Amuse 5:5

Madha mwamwa kavai Bereseba drihai. Madha mwamwa kavai Bithele silape nakwane; kai swa Bithele lri kawlrau. Madha mwamwa Gilegale; kai swa Gilegale lri acaicali kaamudu.”

Amuse 9:7

Ku Tamatama amia kai, “Swa Iseraylri, makalithaku ki swa Kuse, mia lu kakalithaku numiane. Waililukaku ki swa Pelisitine katwase Kerete, la ililukaku ki swa Siria katwase Kire, mararaamau sa patwaladhaku Izipiti ililuku numiane katwase.

Nahumu 3:13

Ku tarakikaruburu ka kwapingisu makanaelre lri ngimia ki twaraamuru ka ababai. Lri kaisu maka tumane icucubungu ki badha si palakebe ki lrawlrawdru ki cekele; ku apwi lri lama ki sadrukurane.