Amuse 1:3 - Ngudradreadrekadhane Ka Sisiu 魯凱語聖經

³ Ku Tamatama amia kai, “Ku laumawmase ki swa Damasekuse apapelaela pasalriu, lri tara pathaavungaku liniane. Kai lalasu arakai ku matiangeange ku sapathavungane ki swa Gileade.

Amuse 1:3 Iomraidhean Croise

1 Latalialalai 19:17

Lukaaneane ku mwabere ki lrabu ki Hazaele, lrikamani ku kiapapacai ki Yehu; luka aneane ku mwabere ki lrabu ki Yehu, lrikamani ku kiapapacai ki Ilrisa.

2 Latalialalai 13:3

Lakamani kwidra, ku Tamatama papia ki swa Iseraylri kalisi, la palraingi ki talialalai ki swa Siria ka Hazaele si lalakeini ka Bine Hadade apapelaela pamalebe ki swa Iseraylri.

2 Latalialalai 13:7

Ku talialalai ki swa Siria waamudu ku kwapingi ki Yehuahaze, la malra liniane paparu thuvugu dredre, la pasusurunga ku tamalrialrimalenga ku tarangurigi ka kwapingi, mangeale ku palridingi ka rigi, kudrai ku taradadavace ka kwapingi.

2 Latalialalai 16:9

Ku Tigelathe Pilesere la palraingi ku kitubi ki Ahaze, la sangiluku ki kwapingi mwa kikaruburu ka Damasekuse, la malra kwini ki cekele, si papacai ki talialalai ka Rizingi, si malra ravase ki mapapangale pwa kavai Kire.

2 Latalialalai 8:12

Ku Hazaele la kivaga, “Sinsi, asu tubi?” Ku Ilrisa la iya kai, “Asi lwiyane wathingalaku muswane lri piasu ku matiangeange si kabebetethe ki mapapangale ki swa Iseraylri. Lri arakaisu ku apwi lama ki kepale lini, papacai ki layacengecenge lini, cagecage papacai ki lavavalake lini, la buci ki tawbaliri.”

Yubu 19:3

Kai numi yasadrasadra tusinalrelreme nakwane; lu pakiangeange numi nakwane la kai numi kaininu.

Yubu 5:19

Tamukalavaane ku apalribulane muswane; lri apapelaela palribulu muswane pakidaili ki sapapacai.

Kavagavagane 6:16

Yakai ku taipitwane ku kavalracevace ki Tamatama, ka kaika amaka tarumaraneini, amani kai: Diracane ki maca, tavuvulrucane ki lridame, alrima ka papacai ki kadrwa ku pasalrivane ka laumawmase, madrekadrekase kibubuli ku ngialisiane ka kidremedreme, walailai ngukakai ki ngialisiane ki kadalranane ka drapale, twabeabekace ku kaika patengane tupasalrivane, yakai ki latalrailragi apakalilisi.

Wabulru 11:2

Apakaelaela ku tapikaiyane, patalu kaalrale cukingi, asi lwiyane kaisu lri thingale kai kawmasane lu lrika manemane ku akipadradresengane ku amulisiane.

Isaiya 28:27

Kwi lasu kai lri arakai ku mabitulru ku ukudru sititi ki madradrau ka lalikange si titikiane ka kumenge; ku arakai ki lasu ku ukudru takekelreetane ku adravane ku tikianane.

Isaiya 41:15

Lri malraku muswane tusavelavelatane, si pwa ku bavane si kamarangisi ku valisi; lri baburawsu ki lalregelrege, si amudu liniane; lri baburawsu ki tatitiki ki lalregelrege, lai lri athuvugu.

Isaiya 7:16

Adravane kwi lasu sakaiyana dulru drele ku pacengecenge si kai pacengecenge, kudra kadaengane ki cekele ki tadrusa ka ngikararakacane ka talialalai lri aubulane palraelre.

Isaiya 7:8

Asi lwiyane, kai Damasekuse tangadrane ki cekele ki swa Siria sikakathane; kai talialalai ka Rizingi tamatama ki swa Damasekuse sikakathane; kadrwa ku tawkalrivilane. Kikai ngwakai ki swa Iseraylri, ikai kai ki nitara 65 ka caili lri mialri kipamalebe, si kamudu ku cekele.

Isaiya 8:4

Kwini lalake lu kaiyana thingale ama ina iya, ku tacekecekelane patuelre ki swa Damasekuse si lawbubulu ka ravase ki swa Samaria patuelre lri kiravase nguelre ki tinuhika ki swa Asiria.”

Amuse 1:11

Ku Tamatama amia kai, “Ku umawmase ki swa Idume apapelaela pasalriu, lri tara pathaavungaku liniane. Kadrwa ku kilibakane, arakai ku lrabu kabebetethe ki retesane lini ka swa Iseraylri. Ku ngikarakacanane lini kadrwa ku tapalikaiyane, ku lisiane lini kadrwa ku sasadra.

Amuse 1:13

Ku Tamatama amia kai, “Ku swa Amune apapelaela pasalriu, lri tara pathaavungaku liniane. Pakai ku aparu swadravane ku daedae lini, kai lalasu pakeela kudra wabuci ku barange ki tawbaliri ki swa Gileade.

Amuse 1:6

Ku Tamatama amia kai, “Ku swa Gaza apapelaela pasalriu, lri tara pathaavungaku liniane. Kai lalasu waravase ki umawmase ki pasiagisi ka kuni, si kilangai ki swa Idume tuduri.

Amuse 1:9

Ku Tamatama amia kai, “Ku laumawmase ki swa Tayre apapelaela pasalriu, lri tara pathavungaku liniane. Kai lalasu kai paluludu ku tamatutalragiane lini si makaketekete ki maelane ka cekele. Pakatuaselringa kwini ki laumawmase ki pasiagisi ka kuni mwa ka Idume paaduri.

Amuse 2:1

Ku Tamatama amia kai, “Ku swa Muabe apapelaela pasalriu, lri tara pathaavungaku liniane. Kwi lalasu wamalra ku culrale ki talialalai ki swa Idume si lama paabunga.

Amuse 2:4

Ku Tamatama amia kai, “Ku swa Yuda apapelaela pasalriu, lri tara pathavungaku liniane. Kwi lalasu wacilri ku sabulrwaneli, kai paluludu ku padradrekaseli. Kwi lalasu kiaililuku kudra ki samiamiange ka kisususu ki cucungulane lini, la katwasenga kidaili ki pacengecenge ka sabulrwane.

Amuse 2:6

Ku Tamatama amia kai, “Kai swa Iseraylri apapelaela pasalriu, lri tara pathavungaku liniane. Kwi lalasu marau ki paisu, la kilangai ki mwalecege ka umawmase, arakai ku naika balrithane ki kece ka varazi ku paisu kilangai tuduri ki matiakukuru ka umawmase.

Zakaria 9:1

Kikai pelaela ki Tamatama ka vaga: Peaelaelanga kalri pathavungu ki swa Haderake si swa Damasekuse ka cekele. Kaika kathane kai lazuku ki swa Iseraylri ka Tamatamane, kai swa Siria ka cekele mialri ka Tamatamane.

Zakaria 9:2

Ki lapagiagisane ki swa Haderaki ka Hamathe mialri ka iniane, ku umawmase ki Tayre si Sidune ka drusa ka cekele si puku ki lrigilane lini mialri ka Tamatamane.