Amuse 1:2 - Ngudradreadrekadhane Ka Sisiu 魯凱語聖經

² Ku Amuse amia kai kawriva, Ku Tamatama twalai ka Ziyungu kaelaela, patwalai Yerusalrime dreredrere. Ku laubulu ki tapagwagwane marudame. Ku laubulu lregelrege Karemele abwaburavane.

Amuse 1:2 Iomraidhean Croise

Lasenai 29:4

Ku lingau ki Tamatama madrau ku puku; ku lingauini matiamukuludru turamuru.

Lasenai 46:6

Ku lakuni lri manugiligili, lai kalrithavulu ku lakuni; ku Twaumase sana avavaga drekase, kai kadaengane lri ngiderenau.

Kavagavagane 20:2

Ku elathane ki talialalai, mia ki tagiringane ki raiyungu; ku pakagirimucu ki talialalai sia ngiakakabebetethenga.

Isaiya 33:9

Ku kadaengane aubulanenga; ku angatungatu Lebanungu marudame; ku valrwalru lregelrege Sarungu matiasepele; ka Basane si lregelrege Karemele ku lavasau ki angatu mwarurunga patuelre.

Isaiya 35:2

Ku thaliagumu ki aenaenai madirele, kiarararagai senasenai. Lri mia ka Lebanungu ku adravane tharirane, mia ka Karemele si Sarungu ku takalrangeane. Sanaka umawmase lri drele ku lrigu ki Tamatama, lri drele ku matiukuludrane usakene ki Twaumaseta.

Isaiya 42:13

Ku Tamatama maru garagarangenga ka matwase kikaruburu; ngiararukudru ukalavalava ku akatwasane, padulrudulru ku akikaruburane. Akwadrau karaleale, si mwa ciwru ki takikaruburububane, papia ki badha daidai si magaguruguru.

Yerimia 12:4

Ku kadaengane nai lri tarathainwana cengelrau? Kai laubulu ki laumawma lri pakela lwigane karudame? Kai langiapalapalai ka adhadhame si wadadadavace ka waudriwdripi wapacainga patuelre. Asi lwiyane kai sakacekeleli ngialisiane; kwi lalasu amia kai: Ku Twaumase kai lri maka drele ki kakwakudhaneta.

Yerimia 14:2

Ku Yuda watubitubi, ku lacekele amaki si kasuburunga. Ku laumawmase waapece ikai cakena si tubitubi; ku Yerusalrime maralealeale tubi kitubitubi ku akiparalubane.

Yerimia 25:30

“Yerimia, tara pelaela liniane patuelre ku pelaelali muswane: Ku Tamatama lri twalai belenge putaluvaivai ku lisiane ka lingau, lri twalai ki saniange ka taikaiyaneini akwadrau kalisi. Lri papia ki kawkawluini karaleale kaelaela, mia ki taavavagane ka lingau ki wapepe ki budu ka laumawmase. Ku lingauini lri daruru sanaka inininunga; kai kawmasane sanaka umawmase lri dulru kilalra makanaelre. Ku Tamatama lri kukusu ki lakuni. Lri saibange ki sanaka umawmase, si papacai ki manganga ka umawmase. Ku Tamatama amia kikai pelaela.

Yerimia 28:8

Twalai kunadruma, ku aswalalala mitane ku layuginsia wasakalainga ka lri ikai ku amakaruruburane, ku silravane si ku swalrubu mulebe mwa ki takaalra ka laminzuku si latagagarange ka kuni.

Yerimia 50:19

Lri ililukaku ki swa Iseraylri siwlri mwa ki nakadaengane lini. Kwi lalasu lri kane ku taleke ku twalai lregelrege Karemele si Basane, si kisupilri ku taleke ku twalai tali Iparaime si Gileade.

Husia 11:10

“Lri ngimiaku ki raiyungu papia ki labadha ki swa Iseraylri giringi, kai kawkawluli lai lri tupapalra nakwane. Kwi lalasu lri twalai tali sapakalriwgu karidare siwlri mwa nakwane.

Husia 13:8

Lri miaku ki sakawlrau ku lalake ka cumai lredepe numiane, si lalita numiane. Lri miaku ki garagarange ka raiyungu makakaai thangapulu numiane, mia ki waudriwdripi baburau numiane.”

Yuile 1:19

Tamatama, lri papiaku muswane kitubi, asi lwiyane ku apwi walamanga ki laubulane, ku apwi walamanga patuelre ki laangatu ubulane.

Yuile 2:11

Ku Tamatama wadrekase ki lakwapingini. Ku lakwapingini tagagarange, ku kiadawlu si katilibi akwapingi takalra turamuru. Ku asaibangane ki Tamatama ka vai matiaukuludru turamuru! Aneane kulri maka siamece?

Yuile 3:16

Ku Tamatama twalai Ziyungu kaelaela; kwi lasu twalai Yerusalrime padreredrere. Ku subelebelenge si kadaengane manwagiligili, ai ku Tamatama lri palakebe ki kawkawluini, si atapalakebane ki swa Iseraylri.

Amuse 9:3

Kwi lalasu adravane mubere mubelenge ki lregelrege Karemele, lri mialriaku katwase silape, si kidringai liniane! Kwi lalasu adravane kilepenge ikai lebe ki laveke, lri mialriaku dawlu ki maelaelane ka waudriwdripi ikai laveke si kane liniane!

Nahumu 1:4

Lu kaelaela ki laveke, kai laveke mameeale; pakameale ki kadravane. Wadulru paaru engele ku kadaengane ki swa Basane, ku lregelrege Karemele abwaburavane, malraici ku bengelrai ki swa Lebanungu.

1 Samuile 25:2

Yakai ku tangea ku umawmase ka swakai ki Kalebe, sia Nabale, ka twalai kavai Maune. Kwini lasu tarathathakai ikai cekele ka Karemile, ka sapaiswane, sakiuane ku 3,000 ku nikiubawbalane ka kiu si kudrulu ku lakiu. Kwini labaibaini sia Abigaile, mathariri ku tacebeane si ka mathariri ku takaababadhaneini, ai kwini Nabale laka malilisi turamuru.