Amuse 1:14 - Ngudradreadrekadhane Ka Sisiu 魯凱語聖經

¹⁴ Lakamani lri lamaku ku raedre ki cekele ka Raba, si kabebetethe amudu ku daane ki talialalai lini. Lu makaruruburunga, lri ikai ku mapapacapacai ku lingau, ku tamawlululucane lri mia ki waumumuku.

Amuse 1:14 Iomraidhean Croise

2 Samuile 11:1

Saka taradrusa ka caili ki kalarigarigane, yacengecenge ka kalakikaruburane ki latalialalai, ku Davidi la sikawlu ki Yuabe katwase sangiluku ki kwapingi tupalra ki kwapingi ki swa Iseraylri kikaruburu. Kwini lalasu la pamalebe ki Amune, malra kwini cekele Raba; ai ku Davidi asuru ikai Yerusalrime.

2 Samuile 12:26

Ku Yuabe la pacungulu kikaruburu ki kacekelane ki swa Amune kavai Raba, sa lri padaalrunga si lalri maka malra.

2 Samuile 12:31

la drekase kwini ki mapapangale ki cekele arakaiya ku ridraidri, kakara, kumugu si kaungu, la vutha liniane ikai ki tagagane ki lringiga pakisikawkawlu. Ku Davidi la mialri tuthadaalrane marasikai kudra ki drumane ka cekele ki Amune ka laumawmase. Kwini lasu ala karedele ki lakwapingi siwlri mwa Yerusalrime.

1 Lacaili 20:1

Saka taradrusa ka caili ki kalarigarigane, ka takatwatwasane kikaruburu kwidra ki latalialalai, ku Yuabe waililuku ku kwapingi si drikisi malra ku kadaengane ki swa Amune; ai ku Davidi ka talialalai asuru ikai Yerusalrime. Ku Yuabe kiakaruburu si malra Raba cekele.

Yubu 39:25

Sana kilalra ku ngiarapa, twangawngau karariau; wadulru ikai adaaili sabalri ku saseverane ki makakaruburuburu, la dulru kilalra ku takaralealane avavaga ki mabelenge ki kwapingi.

Lasenai 83:15

kiatubiaku muswane tuthadalrana arakai ku maadrau ku valrigi saladha liniane; kiatubiaku muswane tuthadalrana arakai ku udale kukuludru liniane.

Isaiya 29:6

Ku Tamatama ka abebeelengenga ki sanaka kwapingi lri arakai ku pakialringau ku dreredrere si lingilingi, lri sikawlu ki kwadrau ka lingau, maadrau ka valrigi, si kelrabe ka apwi kainganai palribulu muswane.

Isaiya 30:30

Ku Tamatama lri pakilalra sanaka umawmase ku lingau ki lrekemeini; ku Twaumase lri arakai ku apwi, ku ememe, ku kananu, si udale pathingale ki umawmase ku elathaneini.

Isaiya 9:5

Ku kece ki mwa cekele kikaruburu, ku eraeradhane ku laimai ka sakikaruburane, lri kilama ki apwi patuelre.

Yerimia 23:19

Drela! Ka lisiane ki Tamatama mia ki makecenge ka alrilrawgu, ka yakai ki belenge ki awlru ki manganga ka umawmase ngipalrivaevaevange.

Yerimia 49:2

Drela, lri kelanga ku vai, kudra yakai Raba ka madradraunga ka cekele ka swa Amune lri kilalra ku lingau ki makakaralealeale itamakakaruburane. Ku Raba lri atawlrakavane, ku lacekeleini kialama amudu. Ku swa Iseraylri ala lri patwalai ki alrima ki wadrikisi liniane sawlri malra ku kadaengane lini.

Izikile 21:20

ku sivale wadrukange papia Amune ka cekele Raba, ku sivale papia ka Yuda, samamwa ka Yerusalrime ka nitukecenganane tukepale ka cekele.

Izikile 21:22

Kudra ecenge ki vanale ka alrimaini ku lraili nipacasane ‘Yerusalrime’ iya! Kikai yai peaelaela iniane lri tara papia Yerusalrime ku lakwapingi. Kwi lasu lri padulru ku saarakaiyane buruku ki cekele ku bulri, lri arakai kwini buruku ki lrawlrawdru ki cekele; lri ara dae raedre, lai lri lruku tuvalrwalru, si makakaraleale papacadha iya.

Izikile 21:25

“Kusu ka manganga ka lri pacai ka tarasangililuku ki swa Iseraylri, ku alikaiyanesu wakelanga; lri maicubungusu kudra ki bibilrilinga ka akipathavungane ka vai.

Izikile 25:5

Ku cekele ki Raba lri atapagwagwanenga ki lrakeda, ku kuni patuelre ki swa Amune lri atapagwagwanenga ka tapeapecane ki lakiu. Luka ngimiyaiya kikai, lri thingale numi ala ka Tamatamaku.

Izikile 25:7

lri malraku numiane si baai ki maelane ka kuni; kwi lalasu lri kainganai malra ravase numiane patueelre. Lri amudaku numiane, lai lri kasuburu numi kai ngikuninga, lai kaika numianenga kai kadaengane numi. Luka ngimiyaiya kikai, lri thingale numi ala ka Tamatamaku.”

Daniele 11:40

“Ku alikaiyane ki talialalai ki swa Siria lulri padaalrunga si kela, ku talialalai ki swa Izipiti lri iluku ku kwapingi kikaruburu iniane. Ku talialalai ki swa Siria lai lri sarubu sanaka kwapingini, lri arakai ku sakikaruburuburane ka palridingi, sakikaruburuburane ka rigi, si sakikaruburuburane ka varukuru kainganai kidresenge kikaruburu. Kwi lasu lri drikisi si malra ki takaalra ka kuni, lri mia ki walriau ka acilai suete kawmasane,

Amuse 2:2

Lakamani lri lamaku ki swa Muabe, la kabebetethe ku daane ki talialalai ka Kiriuthe. Lu makakaralealeale si ngirapapa ku lakwapingi, ku swa Muabe ikai ki tamakakaruburuburane lri tara paacai.

Zakaria 7:14

Lri miaku ki alrilraugu malra palrivaevange liniane, si malra liniane pikai ki kaika thingale lini ka maelane ka lakuni. Kikai mathariri ka kadaengane lri kaseepelenga, ka kadrwanga ku yakaikai ku umawmase.”

Tapelane Drekase 3:11

Kwini talialalai ka Uge amani ku bibiilrilinga ki swa Ripaime. Ku varukuruini niaralrenegane, lu singikaiyane ki lekete, supate ki mituru ku lragiane, drusa ku mituru ku ngulapane. Ikai cekele ki swa Amune ka Raba wadreleana madu kikai varukuru.