Amuse 1:13 - Ngudradreadrekadhane Ka Sisiu 魯凱語聖經

¹³ Ku Tamatama amia kai, “Ku swa Amune apapelaela pasalriu, lri tara pathaavungaku liniane. Pakai ku aparu swadravane ku daedae lini, kai lalasu pakeela kudra wabuci ku barange ki tawbaliri ki swa Gileade.

Amuse 1:13 Iomraidhean Croise

2 Samuile 12:31

la drekase kwini ki mapapangale ki cekele arakaiya ku ridraidri, kakara, kumugu si kaungu, la vutha liniane ikai ki tagagane ki lringiga pakisikawkawlu. Ku Davidi la mialri tuthadaalrane marasikai kudra ki drumane ka cekele ki Amune ka laumawmase. Kwini lasu ala karedele ki lakwapingi siwlri mwa Yerusalrime.

2 Latalialalai 15:16

Ku Menaheme sa twalai Tireza kela, sa ikai kadadalranane la papacai amudu ki swa Tipesa si laumawmase ki cekele patuelre, paelre kwini ki ngiathalringulu ka lacekele mialri papacai amudu, asi lwiyane kwini swakai kwini ku laumawmase kai papia iniane amalebe. Kwini lasu la mialri malra sanaka tawbaliri buci kwini labarange lini.

2 Latalialalai 24:2

Ku Tamatama la pakela ki kwapingi ki swa Babilunia, swa Siria, swa Muabe, si swa Amune wakela kikaruburu ki Yehuiakime, si amudu ki swa Yuda, mararaamau ku tapangukaiyane ki Tamatama ki lasasiakawluini ka layuginsia kawriva.

2 Latalialalai 8:12

Ku Hazaele la kivaga, “Sinsi, asu tubi?” Ku Ilrisa la iya kai, “Asi lwiyane wathingalaku muswane lri piasu ku matiangeange si kabebetethe ki mapapangale ki swa Iseraylri. Lri arakaisu ku apwi lama ki kepale lini, papacai ki layacengecenge lini, cagecage papacai ki lavavalake lini, la buci ki tawbaliri.”

2 Lacaili 20:1

Kai naka tarathainu ku tangilribatane, ku kwapingi ki Muabe si Amune si talragi lini ka swa Miuni la kela kikaruburu ki Yuda.

2 Lacaili 20:10

“Kikai kwidra, wakelanga kai swa Amune, swa Muabe si swa Idume kikaruburu naiane. Kunadruma ku cucungulane nai sa twalai Izipiti kainganai, kaisu palraingi liniane mwa mucekele kwini ki kadaengane ki swakai kwini ka laumawmase, lakamani ku cucungulane nai katwase lragau lribate, kai waamudu liniane.

Nihimi 2:19

Ku Sanabalate, Tubia si sia Giseme ka swa Arabia sa kilalra ku takikakane nai kudra apangimiane, la pulrialrivale naiane. Kwini lalasu amia kai, “Manemane kwini piyaiya numi? Lri baebalre numi ki tinuhika?”

Lasenai 83:7

swa Gebale, swa Amune, swa Amaleke; swa Pelisitine, swa Tayre.

Isaiya 5:8

Lri kipadradresenge numi ku amatikurwane! Yakainga kwi kadaengane numi si daane, la kararaauana numi ku kadaengane si daane. Ku palrapalra adravane ka aikaiyane kadrwa, la maalrana numi saelrelre kilakikai.

Izikile 21:28

“Lri tara kawlrau ka umawmase, lri yugingisu; lri pelaelasu ku taiyaneli ku vaga ka abebeelengenga ka Tamatama papia ki twasinalremelreme ki swa Iseraylri ka swa Amune. Lri pelaelasu liniane, ‘Ku lri papacai ki umawmase padulrunga; ku dramu niselredranenga paelelethe, mia ki lrikace ledra, lri papacainga ki umawmase.

Izikile 25:1

Ku Tamatama kawariva nakwane; kwi lasu amia kai,

Izikile 35:10

“Adravane ka Tamatamaku ki taidrusa ka kuni ka Yuda si Iseraylri, asu thuru muswane iya ki lalasu, si malranga elrelre ka kadaengane lini.

Husia 13:16

Kai Samaria lri ngwalai ku tabaebalreane nakwane si kipathavungu. Kwi swakai kwini ku laumawmase lri ngwalai ki tamakakaruburane si pacai; ku lalrulai lri kiverevere pikai cakena; ku tawbaliri lai lri mialri kibuci ku barange.”

Husia 14:1

Swa Iseraylri, patwabakebakenga numiane kwi pasalrivane numi; kunumi siwlriwlria papia ki Tamatama ka Twaumase numi.

Amuse 1:3

Ku Tamatama amia kai, “Ku laumawmase ki swa Damasekuse apapelaela pasalriu, lri tara pathaavungaku liniane. Kai lalasu arakai ku matiangeange ku sapathavungane ki swa Gileade.

Tapelane Drekase 2:19

Ala lri padethe numi kwini ki kadaengane ki lamwabaibalrithi ki Isau ka talikai ki swa Amune, ai kunumi madha vangavangavange ki swa Amune, la madha kipudawdawlu liniane. Wabaainga naku kikai kadaengane ki lamwabaibalrithi ki Lute; kainaku lri baai numiane kikai kadaengane.’ ”