Amuse 1:12 - Ngudradreadrekadhane Ka Sisiu 魯凱語聖經

¹² Lakamani lri lamaku ku cekele ki swa Temange, si kabebetethe amudu ku daane ki talialalai Buzera.”

Amuse 1:12 Iomraidhean Croise

Isaiya 34:5

Ku Tamatama yakai belenge twadreadreme ku dramu; lri papacai kudra tupasalrivanengaini ka lri kamudu ka swa Idume.

Isaiya 34:6

Ku dramuini lri suete ku erai si lamace lini, mia ki sarakaiyane patarumara ka erai ki tikiane ka kiu si kisisi, si pede ki balase ka kiu. Ku Tamatama lri ikai cekele Buzera patarumara, lri ikai Idume papacai ki laumawmase.

Isaiya 63:1

“Kudra twalai cekele Buzera ikai Idume kainganai yai aneane? Kavai sialaimai ka duduli ka palimemelre ka mathariri aneane? Kavai matiangeange ka papiapia cucubungu adiadili yai aneane?” “Amani kwidra yakai ku madrau ka puku palribulu ka Tamatama; ka wakela pelaela ku tapamalebeaneini.”

Yerimia 49:13

Nangiakaketeketenga naku iya kai, ku cekele Buzera lri aubulane, lrika taukulukuludranenga ki umawmase, kitusinalrelrelreme, ka takipusupusuanenga. Ku ngwadadethe ku lacekele lrika palralrawthunga atawlrakavane. Kwaku ka Tamatama ka amia kikai.”

Yerimia 49:20

Lakamani, kunumi yai kilalra kai apianeli: Lri kiecebaku ki swa Idume, lri madradresengaku ki umawmase ki cekele ki swa Temange. Adravane ka lavavalake lini lri kibilibili kililuku, lri kakiucu makanaelre.

Yerimia 49:22

Drela, ku badha mia ki takanga ka wapaipai ku sapakepake, kirarimu ciwgailri papulelebe si garawcu ki Buzera. Kwini ki vai, ku lagaragarange ka kwapingi ki swa Idume lri mia ki kiangeangeeange kalri tulalake ku thathiburane.”

Yerimia 49:7

Ku ngwakai ki swa Idume, ku Tamatama ka abebeelengenga ki sanaka kwapingi amia kai, “Ikai Idume kai maka kiadringainga ku lrigilane? Ikai liniane ku malrigili ulecege kai lri maka pelaelanga liniane ku apiane ku awngane? Maulrawnga ku lrigilane lini?

Izikile 25:13

Lakamani amiaku kai pelaela ka abebeelengenga ka Tamatama: Lri pathavungaku ki Idume, la amudu ki umawmase si nilapulapwane. Ku kadaengane twalai cekele ka Temange pakela cekele ka Didane lai acinilriane; ku laumawmase lai lri kipapacai makanaelre.

Ubadaiya 1:1

Kai lebe yai drele ki Ubadaiya ka maburusi, ka vaga ki abebeelengenga ka Tamatama patharukai ki swa Idume. Ku Tamatama siakawlu ki sasiakawlu belenge pamwa sanaka kuni; kialalra nai ku takelane pelaela ki sasiakawlu belenge. Kwi lasu amia kai: Ngidrakala makanaelre! Lri makakaruburuta ki swa Idume!

Habakuke 3:3

Ku Twaumase lri peela twalai Idume kainganai; ku sanianiangenga ka Twaumase lri twalai Parange lregelrege kainganai. Ku lriguini lri kabungu subelebelenge; kai lebe lai lri suete ku wadrengedrengere iniane ku lingau.