Amuse 1:11 - Ngudradreadrekadhane Ka Sisiu 魯凱語聖經

¹¹ Ku Tamatama amia kai, “Ku umawmase ki swa Idume apapelaela pasalriu, lri tara pathaavungaku liniane. Kadrwa ku kilibakane, arakai ku lrabu kabebetethe ki retesane lini ka swa Iseraylri. Ku ngikarakacanane lini kadrwa ku tapalikaiyane, ku lisiane lini kadrwa ku sasadra.

Amuse 1:11 Iomraidhean Croise

2 Lacaili 20:10

“Kikai kwidra, wakelanga kai swa Amune, swa Muabe si swa Idume kikaruburu naiane. Kunadruma ku cucungulane nai sa twalai Izipiti kainganai, kaisu palraingi liniane mwa mucekele kwini ki kadaengane ki swakai kwini ka laumawmase, lakamani ku cucungulane nai katwase lragau lribate, kai waamudu liniane.

2 Lacaili 20:11

Kikai kwini lalasu la pangimia kikai bilri naiane! Kwini lalasu lri patwalai kai ki baaisu naiane ka kadaengane pakatwase naiane.

Lasenai 137:7

Tamatama, kiatubiaku muswane pulringaava ku ngikarakacanane ki swa Idume. Sakavai ka taamakiane ki Yerusalrime, kwi lalasu maka karalealeale: Buruka! Buruka! Alra paadratane!

Lasenai 85:5

Bekacesu palralrawthu papia naiane kalisi? Kwi lisianesu lri palralrawthu kai idreengere?

Wabulru 7:9

Madha cacapange kalisi; ku piakidremedreme kalisi yai makulrungu.

Isaiya 57:16

Patarwamaraku ku niake baai ki kawkawluli, kainaku lri siasilapenga ku tangilisianane lini, lai kainaku lri kapalralrawthunga papia liniane kalisi.

Husia 8:3

ai kwi lalasu wacilri ki mathariri. Ngwalai kikai, ku badha lri kurisi liniane.

Yuile 3:19

Izipiti lri anicilriane ka kadaengane, Idume lri aubulane; asi lwiyane kwi lalasu natwalisi ki Yuda, si patueraerai ki kadrwa ku pasalrivane ka laumawmase.

Mika 7:18

Tamatama, kadrwa ku drumane ku twaumase kulri dulru kiramau muswane; pacepesu kudra ki abalu ka laumawmase. La kaisu ka tapikidremedreemane ku elathane, arakaailringasu ku thalradhane kilibake naiane.

Zakaria 1:15

ai lri kalisiaku kudra ki maswalrealreke kudra la kuni. Asi lwiyane saicengecengaku ngidradrepete ku elathaneli ki kawkawluli, kwi lalasu arwa driimalringa pakwalri ki kawkawluli.

Malaki 1:2

Ku Tamatama amia kai ki kawkawluini, “Kialibaliibakaku numiane.” Kwi lalasu la tubaalrelringa iya kai, “Watumanesu paathingalane ala ka kialibakesu naiane?” Ku Tamatama la iya kai, “Ku Isau si Yakubu mababitake, ai madalamaku ki Yakubu,

Malaki 1:4

Alaiyasi iya kai ku mwabaibalrithi ki Isau ka swa Idume, “Kiakabebetethe kai cekele nai, ai lri tupela nai paacegecege tudaane”, ku Tamatama ka abebeelengenga ki sanaka kwapingi lri tubalre iya kai, “Patupela paacegecege tudaane liniane, lri pelaku kabebetethe liniane. Ku laumawmase lri tu ‘Cekele ki pasalrivane’ si ‘Akaelaelathane ki Tamatama palralrawthu ka laumawmase’. ”

Ipisu 5:1

Kikai kinilibakanenga numi ka lalalake ki Twaumase, tara twalralrava iniane.

Tapelane Drekase 23:7

“Kunumi madha sidrekadrekase ki swa Idume. Asi lwiyane kwini lalasu retesane numi. Kunumi madha sidrekadrekase ki swa Izipiti, asi lwiyane nayakaikai numi ki kadaengane lini.