Amuse 1:10 - Ngudradreadrekadhane Ka Sisiu 魯凱語聖經

¹⁰ Lakamani lri lamaku ku raedre ka kepale Tayre, si kabebetethe ku daane ki talialalaini.”

Amuse 1:10 Iomraidhean Croise

Yerimia 47:4

Ku akiamudane ki swa Pelisitine ku vai wakelanga; kulri kela paralubu amudu ki Tayre si Sidune ku vai wakelanga. Tamatamaku kalri amudu ki swa Pelisitine, la amudu ki twalai Kerete ka kabicelrakane ki laveke ki ngwababiabila ki laveke ka lanisurane ka umawmase.

Izikile 26:12

Ku badha lri malra ravase ku tacekecekelane si la siwbaisu, lai kadrulu ki balingibingi ki cekele, si kabebetethe ki latathaithariri ka daane, ku lamatatithiri ku lrenege, macacelra ku laangatu lri cilri pwa ki laveke.

Izikile 26:4

Kwi lalasu lri buruku ki balingibingi ki cekelesu, lri buruku ki kepale ki cekelesu. Lai lri mialriaku swape ku thuvugu patueelre, si kakathaanenga asuru elelelethe ku lrenege.

Izikile 28:18

Makalra kai piapiasu kai ngialisiane, kaisu paluludu ki kakudhane siwbai, la kudrulrusu ki Alrivilrivi ka taikaikaiyane. Lakamani ku lamali muswane, la aabungasu, kidredrele ki laumawmase.

Yuile 3:4

“La swa Tayre, Sidune, si Pelisitine ka umawmase, lri papia numi nakwane bilri? Alaiyasi ka unu, lri kirarimwaku papia numiane bilri.

Amuse 1:4

Lakamani lri arakaiyaku ku apwi lama ki daane ki Hazaele ka talialalai, si kabebetethe ku daane ki Bine Hadade ka talialalai.

Amuse 1:7

Lakamani lri lamaku ki laraedre ka kepale Gaza, si kabebetethe ku daane ki talialalaini.

Zakaria 9:4

Ai ku Tamatama lri tara malra iluku patuelre ku lamanemaneini ki swa Tayre, ku tacekecekelaneini lai lri cilri pwadringi ki laveke, kikai cekele la lri kilama.