1 Timuthi 4:3 - Ngudradreadrekadhane Ka Sisiu 魯凱語聖經

³ Kai lalasu pakaicilri pakarudrange, la ikai ku pakaicilri lini pakane ku akaneane, ai ku Twaumase ku bekace kilakikai akaneane yai, wabaai kudra ki masalru si thingale kai ki patengane ka sabulrwane ka umawmase kiaseasene si kane.

1 Timuthi 4:3 Iomraidhean Croise

Tabekacane 9:3

Kunadruma wabaadhaku numiane kai lalacenge ka akaneane numi, kikai lai lri mialriaku baai kikai lawaudriwdripi ka akaneane numi.

Wabulru 5:18

Ku tadrelaneli yai: Ku mathariri ku tapanianianiakane amani kudra yakai ki patarumara ki Twaumase kudra edreekane ku tapanianiakane si kanekane ungungulu, kisupisupilri ku nikwalriane ikai tailebe ki vai; kikai yai amani ku angimiane ki umawmase.

Daniele 11:37

Kikai talialalai kai mwasakene ku sukusukubu ki cucungulane ka twaumase, la kai musakene kudra kadalame ki lalabaibai ka twaumase. Ku patengatengane, kwi lasu kai mwasakene ki sanaka twaumase, asi lwiyane kwi lasu ngiatatu sanianiange ki sanaka twaumase.

Matai 14:19

Ala kawriva ki mapapangale si panene, ala malra kwini lrima ka pange si drusa ka kange, la drele paswabelenge, si kiaseasene ki Twaumase, ala apapipithingi kwini pange, si baai apavalavala ki lasitu, ku lasitu la baai ki mapapangale.

Matai 15:11

Kudra twalai ki ngudui ki umawmase mwadringi ku lamanemane kai lri pakakudrulru ki umawmase; ala kudra twalai ki ngudui ki umawmase ngibwale ala amani ku lri pakakudrulru ki umawmase.”

Matai 15:36

la malra kwini pitu ka pange si luka piya ka tatiitiki ka lakange, si kiaseasene ki Twaumase, la apapipithingi, si baai ki lasitu; ku lasitu ala apavalavala baai ki mapapangale.

Luka 24:30

Sa nenenga kikai lalasu si lri kane ku aga, ku Yesu wamalra kudra pange, si kiaseasene ki Twaumase, ala apapipithingi kwini pange, si baai liniane.

Yuhani 6:23

Yakai ku luka piya ku twalai Tibiria ku tatiitiki ku lavarukuru ku yasadra ikai babiabila, amani kwidra yadethe ki takiaseasenane ki Tamatama si apavalavala baai ki laumawmase pakane ku pange.

Nisikawlane 27:35

Sa iyanga kai kawriva, ku Pawru la malra kudra lapange, si icucubungu liniane makanaelre la papia ki Twaumase patarumara ku sakiaseasenane, ala apapipithingi si kane.

Ruma 14:17

Asi lwiyane ku puku ki Twaumase kai ngwalai ki akaneane, yakai ki aparamaramavane, ki rathudane, ki sakiaragai ka baai ki Siri.

Ruma 14:3

Kudra wakane sanaka maneemane ku umawmase madha sidrekadrekase kudra ki kai wakane; kudra wakane ku lacenge sikakathane la madha raeraeratenge kawriva kudra ki wakane sanaka maneemanenga, asi lwiyane ku Twaumase tarwamaranga iniane.

Ruma 14:6

Yakai ku umawmase ku pawakalrivili tukucingalre kudra ki minakavalane ka vai, ka sapelaelane ku usakenaneini ki Tamatama; la ikai ku wakane sanaka maneemane, la mialri ka sapelaelane ku usakenaneini ki Tamatama, asi lwiyane kwini lasu pasiakai ki kaneini kiaseasene ki Twaumase. La ikai ku umawmase ku kai wakane kudra drumane ku akaneane, laka thadalrane ka sapelaelane ka mwasakene ki Tamatama, mialri kiaseasene ki Twaumase.

1 Kurintu 6:13

Yakai ku umawmase ku lri iya kai, “Kai akaneane pasiakai ki barange, kai barange pasiakai ki akaneane.” Kai pasalriu, ai ku Twaumase lri kabebetethe kai ki drusa. Kai kinawmasaneta kaika pasiakai ki akangangane ki sawvalai si ababai, pasiakai ki Tamatama ku italuvaivai, ku Tamatama amani ku patarwamara ku urikai ki kinawmasaneta.

1 Kurintu 7:28

Alaiyasi karudrangesu, kaika pasalriu; ku kaina marudrange ku ababai la karudrange laka kadrwa ku tapasalrivane. Ai anatumane la kaika ngimiyaiya kikai amiaku numiane, ka kipadradresedresenge ku akwalriane ikai ki sikace lukavaivai.

1 Kurintu 8:8

Ku patengatengane, kai akaneane kai lri dulru tupela aru tuthariri ku tamangangimianeta ki Twaumase; ku kai wakane kadrwa ku asipunane, ku wakane lai mialri ka kadrwa ku muesaini.

Kulusia 2:16

Lakamani, madha kiarakaikai ku nitukakudhanane ku pacase ki umawmase si ruthuku numiane ki ngwakai ki akaneane numi, ki lrisi, ki bavane ka dramare, ki Taisadrasadrane ka vai.

Kulusia 3:17

Adravane ka atumanane ku manemane, ku aiyane ku manemane, pangukaiya ki nagane ki Tamatama ka Yesu patuelre kiaseasene ki Tama ka Twaumase.

1 Timuthi 2:4

Ku Twaumase ani kipalribulu sanaka umawmase, si thingale ki pacengecenge ka sabulrwane makanaelre amia.

1 Timuthi 4:4

Sanaka beekace ki Twaumase mathariri patuelre, ka arakaiyane ku kiaseasene ku kidremedreme si tarumara, inaku madha iyaiya,

1 Timuthi 5:14

Lakamani, maesaesai lu pela karudrange ku walibakane ka yacengecenge, si tulalalake lapwana ki lalalake, marasikai ki tacekecekelane, ku kiaecebe mitane ku umawmase lani kakadrwa ku atakaiyane tulilisi.

Hiburu 13:4

Sanaka aneane tukucingalra kai tamacacapilane ki ngwakai ki akarudrangane, ku ladrwadrusa lri pakaelre ku kidremedreme ka patengatengane mapapasikai. Ku Twaumase lri saibange ku wacapange ki sawvalai si ababai ku umawmase.

Hiburu 13:9

Madha pamamama ki kadalranane numi kudra maelaelane ku la taiyane. Satalwa ku migemi ki Twaumase, si pasapukwane kitulrepenge ku kidremedreme numi, madha satalutalu ki nitukakudhanane ku ngwakai ki akaneane, ku satalu ki nitukakudhanane ku umawmase kadrwa ku akiparalubane.