1 Timuthi 3:4 - Ngudradreadrekadhane Ka Sisiu 魯凱語聖經

⁴ Luka ngiathiingale marasikai ki tacekecekelaneini, si kalrigili bulru ki lalalake, kwi lalalake la dulru pasalaladha patueelre.

1 Timuthi 3:4 Iomraidhean Croise

Tabekacane 18:19

Ku pilrili iniane yai, lri kamani kai lasu ku lri pelaela ki lalakeini si lamwabaibalrithi ku apasalaladhane nakwane, kamani ku marasiakai ku aparamaramavane, si paruswadrau ku dringelresane. Luka ngimiyaiya kai, lrika pangiamianga naku ku tapukawnanengali ki Aberahame.”

Nisikawlane 10:2

Ka mwasakene turamuru ki Twaumase ku takaumawmasaneini; ku wacekecekeleini makanaelre la tupapalra iniane mukuludru usakene ki Twaumase, matwabake turamuru kai watelrai palribulu ki matiakukuru ki swa Yuda, la kisamula turamuru inulri ki Twaumase.

Ipisu 5:24

Mia ki kiwkai pasalaladha ki Kirisitu, kai taelrelre ka ababai lri pasalaladha ki taelrelreini sanaka maneemane.

Pilripi 4:8

Ku bibiilrilinga, laretesane, katakiraraketaana kudra la mathariri si matiadrengedrengere ku awngane. Sanaka patengane, matiausakene, dringelresane, bulane, matiangulwalwadhane, si lrigu ka awngane tukucingalra patuelre.

1 Timuthi 3:12

Sanaka taraparaluralubu lri tangeangea ku taelrelreini, si laka ngiathingale bulru ki lalalake si marasikai ki tacekecekelane.

Titu 1:6

Ku ciwru naika kakadrwa ku takitakaiyane kikaelaela. Lri savaeva ku taelrelre, laka sinzia makanaelre ku lalalakeini, si kakadrwa ku ngilralraingane kai kibulrubulru.

Titu 2:2

Pakipapawlringava ki tarudrawdrange, kapapedrenga iya liniane, si ikai ku mathariri ku kakwakudhane, la ngiraruthuku, pikaiya ku kiatulrepenge ku salrwane, ku sakialibake, si sakiadiadili.

Titu 2:7

Ala kusu, adravane ikai ki maneemanenga tara pikaiya ku mathariri ku kakwakudhane, atakitwalravane ki palrapalra. Lu bulrusu ki umawmase kapatengatengana, si kapapedrenge,

Yesua 24:15

Lwiyasi kai numi palraingi marasikai iniane, ala, kaikameane tara turingaringava, ku apasikaiyane numi kipuawngane luka aneane, luka amani kwini sukusukubu ki cucungulane numi sa ikaiyana Mesuputamia ka latwaumase, luka amani kikai taikaiyane numi ka sukusukubu ki swa Amuri ka latwaumase? Ala kunaku si wacekecekeleli, lri tara kipuawngane nai ki Tamatama.”