1 Timuthi 3:3 - Ngudradreadrekadhane Ka Sisiu 魯凱語聖經

³ kaika tara ungulu kabusubusuku, kaika tara kikalisi lrumai, masulrapele ku takaumawmasane, kai marau ku lapaisu.

1 Timuthi 3:3 Iomraidhean Croise

Kavagavagane 1:19

Ku waravase kupa ku umawmase amaanilringa ka wapacai; si ku satalutalu panianiake ki akupane ka umawmase ku akipadradresengane lini ngimiyaiya kikai.

Kavagavagane 15:27

Ku marau ku kai madringelrese ku tacekecekelane, mabebetethe ki daaneini; ku watelenge ki pavangalre, lri kalragi ku niake.

Wabulru 7:8

Ku tangimiane ki awngane silrialribate ki tapathagilane. Kai sakiadiadili silrialribate ki ngiakalrilrigu.

Isaiya 28:1

Ku kuni ki swa Iseraylri lri kipadradresenge ku amatikurwane! Kudra lriguini maulrau, mia kudra siatawpu ku bengelrai ka lamabusuku ka tarasangililuku. Kwini lalasu paralikiliki ku sangwalreme pwa kwini belenge ki awlru ki ngiakalrilrigu, ai matiataulra kwi lalasu mabusukunga turamuru, si tubakebake ikai cakena.

Isaiya 28:7

Ku layuginsia si labarakalai mialri kabusuku lridrawdrawdrau; kwi lalasu pingiadrau turamuru ungulu ku bava. Laka ngalradangadangade. Ku layuginsia mabusukunga turamuru, kai thingale ku baai ki Twaumase ku maburusi, ku labarakalai la mialri ku taungulane kai thingalenga drele ku pacengecenge si kai pacengecenge.

Yerimia 6:13

asi lwiyane kai lalasu adravane ka tabebelenge ka talelebe maraau makanaelre ki kaika madringelrese ka tacekecekelane, adravane ka layuginsia ka labarakalai mialri draedrangelre ki laumawmase.

Yerimia 8:10

Lakamani, lri malraku ki taelrelre lini si baai ki palrapalra, la alra ku kadaengane si baai ki bavane ka tawki. Kwi lalasu adravane ka laabelenge ka laalebe marau makanaelre ku kai madringelrese ku lamanemane, adravane ka layuginsia labarakalai mialri ka watavuvuvulrucu ki laumawmase.

Izikile 44:21

Ku labarakalai lulri mwa ki tali daane ka kalatadrane, kai lri maka ungulu sanaka baava.

Lrivi 10:9

“Kusu si lalalakesu lu ungulu numi ku malrulrupi ka bava ku makecenge ku bava madha mudadaane ki Alrivilrivi ka balrawbau, lu kai numi kilalra, lri tara paacai numi. Ku mwabaibalrithi numiane lri tara ka palralrawthu pasusu kikai kakudhane.

Mika 2:11

“Alaiyasi ikai ku wamwa kidruanga tavuvulrucu iya kai, ‘Lri sakaladhaku kawriva numiane lri ikai ku kaika amakaelemane numi ungulu ku malrupi ka bava si makecenge ka bava’. Kwi lasu lrika amani ku akadalamane ki laumawmase ka yuginsia.

Mika 3:11

Ku tabebelenge ki cekele amani ku pavangalre ku kauawngu, ku barakalai amani ki hukiu ku pelaelaela swacenge ki hulrice, ku yuginsia amani ki paisu ku pelaelaela lini ku angimiane lukabibilrili. Adravane ka ngimiyaiya kikai, kwi lalasu tasatalwane nai ki Tamatama amiamiyana. Kwi lalasu amia kai, “Ku Tamatama tapalra naiane, kai nai lri kidaruru ku amatikurwane.”

Mika 3:5

Ku layuginsia pamamama ki kawkawluli. Lu baadhane ku aga, amia kai kwi lalasu, “Masulivaliivatenga kai kawmasane”; ai papia kwini ki la kai kiabaai ku aga, kwi lalasu arakaai ku amakaruruburane kukuludru. Ku Tamatama papia ki miyaiya kilakikai ki yuginsia iya kai,

Malaki 1:10

Ku Tamatama ka abebeelengenga ki sanaka kwapingi amia kai, “Ikai numiane anatumane la ikai ku umawmase ku waelebe ki lrawlrawdru ki daane ki Twaumase amiaku, lanu kai dulrunga ikai ki tapatarumaramarane nakwane padalai ku kadrwa ku vai ka apwi. Kainaku madalame numiane, lai kainaku tarumara ku patarumara numi ku sapatarumarane.

Matai 21:13

La iya kai liniane, “Ikai ki Sisiu wapacase iya kai, amia kai ku Twaumase, ‘Kai daaneli lrika tainulrinulriane ka daane’, la maalralringa numi tudaane ki sadre!”

Nisikawlane 20:33

Kadruana ku karauli ki naaneeanenga ku kingi gingi si laimai.

Ruma 16:18

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

Ipisu 5:18

Madha kabusubusuku, amani ku lri pangilisiane ki umawmase, kisuetea ki Siri!

1 Tisaruniki 5:14

Laretesane, lri bulru nai numiane, maelaela madu ku masalrai ku umawmase, si pasapukwane ku masulri ku umawmase, la arake ku twaramuru ku umawmase, si arakai ku sakiadiadili ku kidremedreme pangibilri sanaka umawmase.

1 Timuthi 3:8

Ku taraparaluralubu ki kiacapili ki kiwkai luka makaleecege ku takaumawmasane, si lu kawriva laka patengatengane, la kai kabusubusuku, kai kararau ku zaisange;

2 Timuthi 3:2

Lukamaninga kwidra, ku umawmase lri ngikakalikaalithinga, kararau ku paisu, ngitatwadradrau, ngikalrilrigu, tulilisi, baebalre ki marudrawdrange, karimuru ku pakaesai iniane, kaika mabula,

Titu 1:11

Tara paidrengera ku akawrivane kilakikai umawmase, asi lwiyane, kwi lalasu ngwalai ki ravane ki paisu, la arakainga ku kaika apelaelaelane ku lavaga si kabebetethe ki taikaalra ki tacekecekelane.

Titu 1:7

Kudra atamatama ki kiwkai, si siamece ku awngane ki Twaumase, naika kadrwa ku akikaelaelane. Kai lasu lri kai dradrarane, kailri kawpupungu, kai kabusubusuku, kaika tarakiecebe, kai marau ku tacekecekelane

Titu 2:3

La pakipapawlringava ki labaibai ka tarudrawdrange, dradreela ki kakwakudhanesu iya. Madha kawrivariva ku angilisianane ki palrapalra, madha aduriduri ki bava. Atakitwalravana ka mathariri,

Titu 3:2

La pakipapawlringau ku kaika atulilisiane ki palrapalra, madha kawriva, kasulrapela kisudalru, ngitatu alebe paacepe sanaka umawmase iya.

Hiburu 13:5

Madha akuli ki lapaisu, ngulwadhana kudra pikaikai su patuelre. Asi lwiyane ku Twaumase amianga kai, “Kainaku lri katwase muswane, lai kainaku cilri muswane palralrawthu.”

Yakubu 4:1

Kwini maulrulrulrudru numi si karivurivu twalai inu? Twalai adringi numiane kwini makakaruburuburu ka gathimi ki kinawmasane kainganai!

1 Pitiru 5:2

agwagwa ku sudralru numiane ki Twaumase ku lakiu, pasingikidremedreme kiragai singikai ku kidremedreme ki Twaumase sirapale liniane, kaika nivuthane, kaika ngwalai ku akipawlrawlravane ka awngane, ngiakakamaani pasikai kaungu.

2 Pitiru 2:3

Kikai kaika patengane ka yuginsia paakai ku angulwadhanane ku ravane lini, arakai ku nibekacane ku abulru si lrilrigili malra ku lawbubulu numi. Twalai kunadruma, ku sasaibangane ki Twaumase tamukalavane ki miyaiya kai ki umawmase, kai lalasu kailri maka ubere ki akamudane!

Yuda 1:11

Kikai laumawmase lri kisacepe ku amatikurwane! Thadaalrane ku angukaiyane lini ki Kaingi. Ngwalai ki zaisange, twaverevere mwa ki tapasalrivane ki Balame. Miyaiya ki Kura baebalre, mararaamau kaamudu.

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

1 Samuile 8:3

Kwini lalasu la kai twalralrau ku kakudhane ki tama lini, akipaiswane, si malramalra kudra la pavangalre, kai arakai ku aparamaramavane turathudane sikakathane.