1 Samuile 8:3 - Ngudradreadrekadhane Ka Sisiu 魯凱語聖經

³ Kwini lalasu la kai twalralrau ku kakudhane ki tama lini, akipaiswane, si malramalra kudra la pavangalre, kai arakai ku aparamaramavane turathudane sikakathane.

1 Samuile 8:3 Iomraidhean Croise

Tapelane Drekase 16:19

Tara aparamaramaava kai ngitatukucingalre, kai capange pangimia ku takipuawnganane; la kai malra ku pavangalre, asi lwiyane kikai pavangalre pakamukici ki wathingale ku kakudhane, ku madringelrese ka umawmase la baebalrenga ku pacengecenge si kai pacengecenge ki madringelrese.

1 Timuthi 6:10

Ku marau ku tacekecekelane yai tatwaladhane ki sanaka ngialisiane. Yakai ku laumawmase ku ngwalai ki ravane ki lapaisu si katwase kidaili ki kadalranane ki takisuswane, la kipakwalrialrialri, si kasuburu ku kidremedreme.

Lasenai 15:5

Kai lasu lu pakisalru ku paisu ki umawmase kai wamalramalra ku lalake, la kai malramalra ku pavangalre si tulisi ki kadrwa ku pasalrivane. Ku pangiamia kilakikai ku umawmase lri kai sipai palralrawthu.

Takatwasane Izipiti 23:8

Madha malramalra ku pavangalre; asi lwiyane kai pavangalre pakamukici ki maca ki umawmase, kilrungu kwidra ki sapelaelane ka vaga ki kadrwa ku pasalriu.

Takatwasane Izipiti 18:21

Lakai kamaani kikai, kusu sikawla ku tapiya ku malrigili ka umawmase lani kicapili ki swa Iseraylri, ani ikai ku kiacapili ki takudrulu, si lani tara ikai ku kiacapili ki taidai, ki tamalrimale, ki tamangeale. Kwini lalasu lri tara ka amani ku mwasakene ukuludru ki Twaumase, ka asudralrwalrwane, kai wamalramalra ku pavangalre ku takaumawmasane.

1 Timuthi 3:3

kaika tara ungulu kabusubusuku, kaika tara kikalisi lrumai, masulrapele ku takaumawmasane, kai marau ku lapaisu.

Isaiya 33:15

Sana ulecege kwi kakwakudhane numi, kapatengatengane ku taavavagane, lri dulru numi panianiake. Madha tusinalremelreme dredrepete ki matiakukuru ka umawmase; madha malramalra ku pavangalre; madha kipaelrelre madrekadrekase ku apapacadhane ki umawmase; madha piapia ku ngialisiane.

2 Samuile 15:4

Kwini lasu la padriimana ku niaku valane, “Samalra anaka tarasaibaibangaku! Ku palrapalra lu kikarivwane lu ikai ku akitubiane, la nai kela kai nakwane, nai tara aparamaramavaku kivavaga.”

Wabulru 2:19

Kwini umawmase ku malrigili ku makulrungu, aneane ku wadulru thingale? Ai, kwi lasu lri malra simanemane ku taikaiyaneli kawmasane arakai ku sakwalrialri, ku lrigilane malra patuelre. Kikai mialri ka ungawngau.

Lasenai 26:10

Kwi lalasu kai wasusu ku akangangane, la mwa kidruanga alra ku pavangalre.

Takatwasane Izipiti 23:6

“Madha ikaikai ki tamakakusukuswane la capange dralrili ki matiakukuru.

1 Samuile 2:35

Lri pilriaku ku tangea si pacegecege abarakalai, kwini lasu lri tara tukucingalre nakwane, singikai kudra takidremedremaneli kipuawngane. Lri patarumaraku ku mwabalrithi iniane; kwini lasu la lrika taikaiyane kudra ki pilrili si cegecege ku talialalai kipuawngane.

1 Samuile 12:2

Kaiasasane, yakainga ku talialalai kulri sangiluku numiane. Kunaku yai, tarudrawdrangenga naku, kai lalalakeli makitwa tapalra numiane. Twaladhaku ki vavalake pakeelanga kikai, wasangililukaku numiane.

Isaiya 1:23

Kwi tabebelenge numi ki kunkwane yai wabaebaebalre, maredededele ki sadre, marau makanaelre ki kaika madringelrese ka akaesadhane, si malra ku pavangalre; kai palribulribulu ki pakulrulrulu, la kai pusakaikai ki lawalibakane.

Mika 3:11

Ku tabebelenge ki cekele amani ku pavangalre ku kauawngu, ku barakalai amani ki hukiu ku pelaelaela swacenge ki hulrice, ku yuginsia amani ki paisu ku pelaelaela lini ku angimiane lukabibilrili. Adravane ka ngimiyaiya kikai, kwi lalasu tasatalwane nai ki Tamatama amiamiyana. Kwi lalasu amia kai, “Ku Tamatama tapalra naiane, kai nai lri kidaruru ku amatikurwane.”