1 Samuile 7:3 - Ngudradreadrekadhane Ka Sisiu 魯凱語聖經

³ Ku Samuile la kawriva ki mapapangale ki swa Iseraylri, “Lwiyasi la salikavaeva ku kidremedreme numi papia ki Tamatama, lri tara cilri numi kwini twaumase ki badhane si samiamiange ka ababai ka twaumase ka Asetarete. Kunumi pakanaelrea ngipapatarumara ki Tamatama, kathane ku amarasikaiyane numi. Lumia kikai, lri palribulu numiane pakidaili ki sarathudane ki swa Pelisitine.”

1 Samuile 7:3 Iomraidhean Croise

Tabekacane 35:2

Ku Yakubu la iya kai kwini ki wacekecekeleini si sanaka twapapalra iniane, “Kwini mailuku numi kwini lasamiamiange ki maelane ka zuku cilria verevere; ngibabula, kipabalrithi ku mabula ku laimai.

1 Latalialalai 11:33

Kudra pangimiali kikai amani sa kidaili cilri nakwane ku Sulumungu, la katwase mwa sukubu ki twaumase ki maelane ka kuni, twaumase ki Sidune ka ababai ka twaumase ka Asetarete, Kemuse ka twaumase ki Muabe, Muleke ka twaumase ki Amune. Ku Sulumungu wabaebalre nakwane; pasalriunga, kai ngimia ki tamaini ka Davidi paluludu ku hulrice si drekaseli.

1 Latalialalai 8:48

Lwiyasi la ikai kwini si ka patengatengane pasingikidremedreme ngitatupela, la cubungu papia kikai ki kadaengane ka baaisu ki cucungulane nai papia muswane si inulri, cucubungu kai ki pilrisu kai cekele si pasikaili muswane tudaane ka daanesu inulri,

2 Latalialalai 17:39

Kunumi musakena mukuludru nakwane ka Tamatama, ka Twaumase numi, lri palribulaku numiane kidaili ki alrima ki labadha.”

2 Latalialalai 23:15

Ku Yusia mialri buruku ku yakai Bithele ku tapatarumaramarane, amani kwidra wailuku ki swa Iseraylri pasalriu ka lalake ki Nibate ka talialalai ka Yerubuame ka wadarepe kai tapatarumaramarane. Ku Yusia wasuburu ku tapatarumaramarane, la malra tatuthiri kwini lrenege paalamenge, la mialri lama kwini samiamiange ka ababai ka twaumase ka Asera.

1 Lacaili 22:19

Kunumi pakaelrea ku kidremedreme ku gathimi numi marasikaikai ki Tamatama ka Twaumase numi, la pathagili tudaane ku daane ki Tamatama. Lukamiyaiya kikai, ala lri dulrunga numi malra ku Langiane ki Tamatama si patuelrenga sanaka mabula ka sarakaiyane sukubu ka lamanemane pikainga daane.”

1 Lacaili 28:9

Ku Davidi la kawriva ki Sulumungu, “Lalakeli, kusu thingala ki Tamatama ka Twaumase ki tamasu, saliakavaeva ku kidremedreme marasikai iniane. Ku Tamatama wathingale demedeme ku kidredredremeta si sidramadramata. Lu kipasilapesu iniane, lri tarumara muswane; lu kidailisu iniane, lri kapalralrawthunga cilri muswane.

2 Lacaili 19:3

Adravane ka miyaiya kikai, thadalraneana ikai ku takathariranesu. Mwalrasu ku yakai ki kuni sanaka samiamiange ki ababai ka twaumase ka Asera; malrithethesu kisilape ki Twaumase.”

2 Lacaili 20:33

Ai, kwini lasu kai mwalra ku labiu ku yakai lregelrege; ku mapapangale laka thadalraneana kai pakaelrelre ku kidremedreme sukubu ki Twaumase ki cucungulane lini.

2 Lacaili 30:19

“Mathalrai ka Tamatama ka Twaumase ki cucungulane nai, ala pacepa kwidra ki kai pangiamia ki kakudhane ki Alrivilrivi ka taikaikaiyane si ngibabula, ai pakanaelre ku kidremedreme sukubu muswane ka umawmase.”

Kavagavagane 16:1

Ku akikakane yakai ki umawmase; ku angimiane yakai ki Tamatama.

Isaiya 55:7

Ku manganga ku umawmase cilria si katwase ku kadalranane ki ngialisiane; ku pasalriu ku umawmase ngibangula siwlri kwi kidremedreme. Kwi lalasu nai ngibangulu papia ki Tamatama, lanai tarumara ku kalithaneini. Kwi lalasu lri papia ki Twaumase, lani kipacepe iniane.

Yerimia 24:7

Lri paikaiyaku ku salrwane liniane, lri thingale nakwane ka Tamatama. Kwi lalasu lri akawkawlu nakwane, lai lri a Twaumasaku liniane, asi lwiyane kwi lalasu lri savaevanga ku kidremedreme papia nakwane.

Yerimia 36:3

Ku laumawmase ki swa Yuda sana kilalra ku lrika apapianeli liniane pulebe ku amatikurwane, alau lri cilri ki ngialisiane ka kadalranane. Lukamiyaiya kai lri pacepaku ku tapasalrivane lini.”

Yerimia 4:1

Ku Tamatama amia kai kawriva, “Swa Iseraylri ka laumawmase, alaiyasi lri siwlriwlri numi, bwala mwaili kai! Alaiyasi mwalra numi kwidra kalraseli ka samiamiange, si kai kavangavangenga,

Izikile 14:6

“Lakamani, lri pelaelasu ki swa Iseraylri, amiaku kaika abebeelengenga ka Tamatama: Bwala siwlriwlria! Cilria ki samiamiange numi, cilria kwini ki lamatiavalracevace ka lamanemane!

Izikile 18:31

Cilria kudra piapia numi ku ngialisiane patueelre, la balrithi ku bavane ku kidremedreme, bavane ku ri! Swa Iseraylri, asingithaanga pacai?

Husia 14:1

Swa Iseraylri, patwabakebakenga numiane kwi pasalrivane numi; kunumi siwlriwlria papia ki Tamatama ka Twaumase numi.

Matai 15:8

Kikai mapapangale arakai ku bibiane lini musakene nakwane; ai ku kidremedreme lini wadailinga nakwane.

Matai 4:10

Ku Yesu la tubalre iya kai, “Satange, katwasa! Kai Sisiu amia kai, ‘Sukuba ki Tamatama ka Twaumasesu, kathane ku apasikaiyane usakene iniane.’ ”

Matai 6:24

“Kadrua ku umawmase kulri dulru pasikai ki tadrusa ku tawki. Lu kai kalrase kikai, lri kadaalame kikwini, lai lri tukucingalre kikai, si sidrekase kikwini. Kunumi kai numi lri maka dulrulriinga apasilange asasiakawlu ki Twaumase, la aduri ki paisu.

Luka 4:8

Ku Yesu la iya kai, “Ku Sisiu amia kai, ‘Sukuba ki Tamatama, ka Twaumasesu, savaeva musakene pasikai iniane!’ ”

Yuhani 4:24

Ku Twaumase amani ku Ri, ku wasukusukubu iniane ku umawmase lri tara arakaai ku abake si nipasingikidremedremane sukubu.”

Tapelane Drekase 10:20

Kunumi musakena mukuludru ki Tamatama ka Twaumase numi, marasikai iniane. Tukapatengatengana kwini kidremedreme numi ki Twaumase, kathane ku naganeini ka apangukaiyane numi kiketekete.

Tapelane Drekase 13:4

Kunumi tupapalra ki Tamatama ka Twaumase numi, musakene mukuludru iniane; kunumi kilalra pasalaladha iniane, paluludu ku padradrekaseini; kunumi tara marasikaiya iniane, savaeva ku kidremedreme iniane.

Tapelane Drekase 4:29

Ikai kwini, kunumi kipasilapa ki Tamatama ka Twaumase numi; lwiyasi salika vaeva numi kipasilape iniane, lri tara maka kidringai numi iniane.

Tapelane Drekase 6:13

Kunumi musakena ki Tamatama ka Twaumase numi, kathaneini ku asukubane, pangwakai ki naganeini kiketekete.

Yesua 13:31

La mialri paelre kwini palraelre ki pararamau ki Gileade si talialalai ki swa Basane ka Uge ka tadradrau ka cekele—Asetaruthe si Ideri. Kikai lakadaengane makitwa baainga ki pararamau ka Manase ka zuku; kikai pararamau ka zuku amani ku lamwabaibalrithi ki Makire ka lalake ki Manase.

Yesua 24:14

Ku Yesua la pacungulu kawriva, “Kunumi musakena si sukubu ki Tamatama, tukapatengatengaana ku kidremedreme ku gathimi si marasikai iniane. Kunumi mwalra kudra latwaumase ku sukusukubu ki cucungulane numi sa ikaikaiyana Mesuputamia si Izipiti, salikavaeva marasikai ki Tamatama.

Yesua 24:23

Ku Yesua ala drekase liniane, “Sanaka miyaiya kikai, kunumi mwalra nguelre sanaka twaumase ki maelanane ka zuku, si kalritheethe tukucingalre tupapalra ki Tamatama ka Twaumase ki swa Iseraylri.”

Tamagarange 10:16

Kwini lalasu la musuburu cilri kwini yakai liniane ka twaumase ki sakamaelanane ka kuni, si sukubunga ki Tamatama. Ku Tamatama la ngwalai ku sakwalrialri ki swa Iseraylri si la kwalri ku kidremedremeini turamuru.

Tamagarange 10:6

Ku swa Iseraylri la pasaalriwnga ki Tamatama. Kwini lalasu la sukusukubu ki Baale si Asetarete, si latwaumase ki Siria, ki Sidune, ki Muabe, ki Amune si Pelisitine. Kwini lalasu kiadaili ki Tamatama, kai sukubu iniane.

Tamagarange 2:11

Sakabilrilinga, ku swa Iseraylri la pasalriunga ki Tamatama, si pathagilinga sukubu ki Baale.

Tamagarange 2:13

Kwini lalasu la kidaili ki Tamatama, si sukubunga ki Baale si Asetarete.

1 Samuile 31:10

Kwini lalasu la malra kwini sakikaruburuburane ki Saule pikai ki biu ki ababai ka twaumase ka Asetarete, la malra kwini kinawmasaneini pakedrekedre pikai ki taraeraedrane ki cekele kavai Bithe Sane.