1 Samuile 4:3 - Ngudradreadrekadhane Ka Sisiu 魯凱語聖經

³ Sa siwlringa kwini daduladulanenga ka kwapingi mwa ki takwapingane, ku ciwru ki swa Iseraylri la kawariva, “Kaikameane ku Tamatama ani pakela ki swa Pelisitine kikaruburu mitane? Ila tamwa ka Selu, la malra bulri kwini Langiane ki Tamatama! Lu mia kikwini, lri kirimu tupalra mitane, si malra mitane palribulu patwalai ki alrima ki badha.”

1 Samuile 4:3 Iomraidhean Croise

2 Samuile 15:25

Ku talialalai la kawriva ki Zaduke, “Malra sawlri pasiwlri kwini Langiane pwa ka Yerusalrime! Lwiyasi la kadalame nakwane ku Tamatama, itara ikaai ku minakavalane ku apasiwlriane nakwane, si dreleana pela ki Langiane si ku tapikaiyane sarare.

1 Lacaili 17:1

Ku talialalai ka Davidi yakaikai ki daane ki talialalai. Yakai saka nimakavalane, kwini lasu la sikawlu ku umawmase dawlu ki Nathange ka yuginsia, la kawriva iniane, “Drela, kikai yakaikaiyaku ki niarakaiyane ku cedare ka angatu tudaane ka daane ki talialalai, kai Langiane ki Tamatama la ikaaiyana ki balrawbau!”

Lasenai 74:1

Twaumase, asu kawlainga cilri naiane? Lri palralrawthusu papia ki lakiusu kalisi?

Lasenai 74:11

Asu kai paralubu naiane? Asu ithili la palraingi siavavava?

Isaiya 50:1

Ku Tamatama amia kai: Lu kidremedreme numi pakatwasaku ki tina numi? Luka ngimiyaiya kwini, ainu ku baaili ku sapisadrane ku pacase? Lu kidremedreme numi kialangadhaku numiane baai ki taakiamaneli, wabaadhaku ki aneane kilangai? Ku kikilangai numi ngwalai ki pasalrivane numi; ku kicilri ki tina numi ngwalai ki ngangane numi.

Isaiya 58:3

Ku swa Iseraylri kiavaga, “Alaiyasi kai kirarakete naiane ku Tamatama, lri tumane nai laisi? Alaiyasi la kai drele naiane, lri tuumane nai ngipapakwalrialrialri?” Ku Tamatama la iya kai liniane, “Walailaisi numi, si piapia ku apipia numi, la dredredrepete numi ki tarakawaungu.

Isaiya 59:1

Madha iyaiya kai, ku Tamatama kai lri dulru palribulu numiane, ka macele si kailri maka kilalra ku kitubi numi iya.

Isaiya 59:2

Ku kaika kilalraini, amani kwi pasalrivane numi; kwi pasalrivane numi pakiadaili numiane ki Twaumase, lu sukubu numi laka kadrwa ku paluludane.

Yerimia 3:16

Lu ikainga numi kai ki kadaengane ngipelane ngiradhekane aru takalra yai, kai laumawmase lri kai matikainga ki Langiane ki Tamatama, kai lri kidredremenga kai lri ngulrialringawnga. Kwi lalasu kai lri murikainga ki Langiane ki Tamatama, lai lri kai pianga ku vaeva ka maelane.

Yerimia 7:4

Madha kipawtengatenga kwidra la watavuvuvulrucu ki umawmase ka vaga, amia kai, ‘Swateelraita, kikai yai daane ki Tamatama; kikai yai daane ki Tamatama; kikai yai daane ki Tamatama!’

Taasipane 10:33

Ku swa Iseraylri matwase kidaili ki saniange ka lregelrege Sinai, si aru cucubungu makatulrulu ku vai. Ku Langiane ki Tamatama sacucubungu liniane, pasikai liniane si silape ku tapakaiyane tutasuladhane.

Taasipane 10:35

Lu katwase aru cucubungu ku Langiane, ku Musi kawariva, “Tamatama, kiatubi nai ngidrakala, pakatwase ki labadha, kwidra magirimucu muswane ani mawbebere!”

Taasipane 31:6

Ku Musi la paatamatama liniane kwini ki lalake ki barakalai ka Ilriazare ka Pinehase; ku Pinehase la iluku ku takaiyane ki Alrivilrivi ka taikaikaiyane si sapathingalane ka rapa ka lawngu.

Tapelane Drekase 29:24

Lukamaninga kwidra, kai umawmase kawmasane lri kivaga, ‘Ku Tamatama ani tungimiyaiya kai ki kadaengane? Ani ngithanga pia kikai kalisi?’

Tapelane Drekase 31:26

“Kunumi malra kikai hulrice ka hungu ki Twaumase pithili ki Langiane ki Tamatama ka Twaumase numi. Si suru pikai kwini, tusakukuswane ki kawkawluini.

2 Timuthi 3:5

Kai lalasu siapalimemelre ku ebele ki takisuswane, ai kai tarwamara ku patengatengane ka takisuswane. Kikai miyaiya kai ku umawmase, mubera liniane.

Hiburu 9:4

ikai adringi yakai ku saarakaikaiyane lama ki sangwalreme ka niara kingiane ka tapatarumaramarane, si niara kingiane cabu patuelre ka Langiane, ikai adringi ki lailangiane piakai ku tapikaiyane ku mana, la ikaiyana kudra nawarigarigi ka ukudru ki Arungu si drusa ka lrenege ka pinacasane ku Taimangealane ka padradrekase.

Yesua 4:7

kunumi pelaela liniane, ku Langiane ki Tamatama sa talubalrebalre kadravane Yuredange yadrengere ku acilai. Kikai lalrenege lrika palralrawthunga ka apangulringavane ki swa Iseraylri ikai kai yakai ku palrealrebane ku tangimiyaiyane.”

Yesua 6:6

Ku Yesua la sarubu ki labarakalai, la kawriva liniane, “Kunumi bulria ki Langiane, ikai kwini ku tapitu lri itali cucubungu ki Langiane ecenge ku rapa.”

Yesua 7:7

Ku Yesua la kawriva, “Abebeelengenga ka Tamatama, asu iluku naiane talubalre Yuredange? Lri baaisu naiane ki swa Amuri, si amudu naiane? Asu kai suru naiane pikai talikai kavai kadravane Yuredange?

Yesua 7:8

Tamatama, kaiasasane kai swa Iseraylri kiapamalebe ki badha si kipasiwlri, manemaneana ku aiyaneli?

1 Pitiru 3:21

kikai acilai sapathingalane ka sapabanavane. Kikai sapabanavane palribulunga numiane kikai, kaika wasinau ki kudrulru ki kinawmasane numi, pakabula ki kidremedreme ku apapiane ki Twaumase kiketekete, kikai sapabanavane ngwakai ki tasielane ki Yesu Kirisitu si palribulunga numiane.

Yuda 1:5

Adravane thingalenga numi kikai patuelre, lri pakipapawlringava naku numiane, ku tapangimiane ki Tamatama palribulu ki swa Iseraylri kidaili ki swa Izipiti, la pakaamudu kwidra ki kai masalru ka umawmase.

1 Samuile 1:24

Ku lalake sa isadranga ki thuthu, ku Hana la iluku iniane mwa ka Selu, la iluku ku vaeva ku taratulrunga ka caili ka sawvalai ka lwange, mangeale ka kukingi ku milrikinku, akuvaeva ki lrangici ka tabavane ku bava. Ku Hana la iluku ki vavalake ka Samuile mwa ka Selu, mwa ki daane ki Tamatama.

1 Samuile 14:18

Ku Saule la kawriva ki barakalai ka Ahiya, “Malra kwini Ipude!” (Kwini ki vai, ku Ahiya la tapai ku Ipude sacucubungu ki swa Iseraylri).

1 Samuile 4:2

Ku swa Pelisitine wamwa kikaruburu ki swa Iseraylri, samwanga pakilringau makakaruburu, la pamalebe liniane, la papacai ikai kau ta 4,000 ku umawmase.