1 Samuile 26:8 - Ngudradreadrekadhane Ka Sisiu 魯凱語聖經

⁸ Ku Abisai la kawriva ki Davidi, “Kai maungu, ku Twaumase wamalra kai ki badhasu pwa ki alrimasu. Kai ala nau arakai ka idirini culrulu iniane, lri aru vavale madu pwathethere iniane pikai ki daedae, kai madu lri ara pusale!”

1 Samuile 26:8 Iomraidhean Croise

2 Samuile 16:9

Ku Abisai (ku tinaini Ziruia) la kawriva ki talialalai, “Talialalai, asu palraaingi pakainganai kai ki wapacainga ka tawpungu kaelaelaela pusupusu muswane? Ala nau mwa thiabe ki awlruini!”

Lasenai 31:8

Kaisu pawalrabuku nakwane pikai ki alrima ki badha; wamalrasu nakwane pikai ki asutelraadhane ka taikaiyane.

Yerimia 40:15

Sakabilrilinga, ku Yuhanane la tangeangeea iya kai ki Gidalria, “Palraingaili nau katwase papacai ki Isemaele, kadrwa ku lri thingale ka aneane ku paiya. Lani kai papacai muswane, alaiyasi kipapacaisu, kai ngiathalringulu muswane kai laumawmase lri kipasawvagavagai; ku abalu ki swa Yuda lai lri kiamudu makanaelre.”

Nahumu 1:9

Kunumi anu kibububuli madrekadrekase si baebalre ki Tamatama? Kwi lasu lri pakitulrepenge amudu numiane; kadrwanga ku umawmase kulri dulru pela baebalre iniane.

Ruma 11:32

Kai Twaumase waemenge ki sanaka umawmase pikai ki kaika tapasalaladhane, pakai ku apathingalane ku sakialibakeini liniane.

Tapelane Drekase 32:30

Ani maka dulru ku tangeangea pakatwase ki takudrulu ku umawmase? Ku tadrwadrusa ku umawmase ani dulru pamalebe ki lakwapingi? Amani sacilri ki tarapalakebe liniane, ku sapupukwane ka Tamatama wacilri liniane.

Yesua 21:44

Ku Tamatama wabaai liniane ku akasulivalivatane palraelrenga, pangimia ku tapuvaganengaini ki lacucungulane lini. Kwini labadha lini kadrwa ku maka kiaecebe liniane, asi lwiyane ku Tamatama wamalra kwini ki labadha lini si baai pikai ki alrima ki swa Iseraylri.

Tamagarange 1:4

swa Yuda la maelre katwase kikaruburu; ku Tamatama la malra ki swa Kanange si swa Perizi baai liniane. Kwini lalasu la papacai ku takudrai ku umawmase ikai Bizeke,

1 Samuile 23:14

Ku Davidi la pacungulu ikai talikai Zipe ubulane kilepelepenge. Ku Saule la silasilapeana iniane, ai ku Twaumase kai wamalra ki Davidi baai iniane.

1 Samuile 24:4

Ku kwapingi ki Davidi la kawriva iniane, “Kikai vaingasu! Ku Tamatama nakawarivanga muswane, lri malra ki badhasu pwa ki alrimasu, lri dulrusu ngisasingikai ku apangimianesu iniane.” Ku Davidi la tinulrawlrakwane kidethe iniane, si kibubuli malra kipithingi ku piyu ki palimemelre ki Saule.

1 Samuile 24:5

Sakabilrilinga ku Davidi ngwalai kudra ki tapangimianeini si kai kasulivalivate ku kidremedremeini,

1 Samuile 26:23

Ku Tamatama pakalreva kudra ki pasusu ku vagaini ku madringelrese ku umawmase. Kaikameane wamalra muswane pwa ki alrimali, ai kainaku wadula muswane ka tutalialalai ki Tamatama.

1 Samuile 26:7

Kwini sakamaungu, ku Davidi si Abisai la mudaane ki takwapingane ki Saule, la drele ki Saule wapece ikabicelrakane ki takwapingane, ku idirini la cegecege pithili ki tali awlruini daedae; ku Abinere si lakwapingi la lringulu iniane apece.

1 Samuile 26:9

Ai ku Davidi la kawriva, “Kusu madha pakaduladula iniane! Luka aneane ku wadula ki padelreme cegecege ki Tamatama tutalialalai, ku Tamatama lri tara pathavungu iniane.”