1 Samuile 26:6 - Ngudradreadrekadhane Ka Sisiu 魯凱語聖經

⁶ Ku Davidi la kivaga ki Ahimileke ka swa Hite si Abisai ka agi ki Yuabe ka lalake ki Ziruia, “Kunumi ka tadrusa aneane ku palraingi tupalra nakwane mwa ki takwapingane ki Saule?” Ku Abisai la kawriva, “Palraingaku!”

1 Samuile 26:6 Iomraidhean Croise

Tabekacane 10:15

Ku lalalake ki Kanange amani kai Sidune (takatakanga) si Hite.

Tabekacane 15:20

swa Hite, swa Perizi, swa Ripaime,

Tabekacane 23:3

Ku Aberahame la katwase kidaili kwini ki tasararane pikai ki kinawmasane ki taelrelreini, la kela si mwa ki swa Hite, si iya kai,

Tabekacane 26:34

Ku Isau sa taramasupatelenga ku caili la karudrange mwa ki tadrusa ka ababai ki swa Hite. Kikai tadrusa ka ababai amani kwini Yudithe ka lalake ki Beri si kwini Basemathe ka lalake ki Ilune.

2 Samuile 11:21

Marimurunga numi kudra tangimiane ki lalake ki Gidiungu ka Abimileke luka ngiatumane pacai? Kwini lasu yakai kavai Thebeze kidrepete kwidra lrudrulu ki ababai ku vaeva ka tapasilribulribwane ka lrenege la pacai. Anungitha adethe ki alradre ki cekele kikaruburu?’ Lwiyasi ku talialalai la kivaga kikai, kusu pelaela iniane, ‘Ku mabelenge ki kwapingi ka Uria mialri kipapacai amia madu.’ ”

2 Samuile 11:24

kwini lalasu sakai belenge ki alradre ki cekele lrailraili naiane. Kudra mabelenge ki kwapingisu ka talialalai la makitu kipakai si pacai; ku swa Hite ka Uria la mialri kipapacai.”

2 Samuile 11:6

Ku Davidi la sikawlu ki umawmase mwa pelaela ki Yuabe iya kai, “Pakainganadha ki swa Hite ka Uria kela kai nakwane.” Ku Yuabe la pakatwase ki Uria mwa kidrele ki Davidi.

2 Samuile 12:9

Asu kiriimu baebalre ki padradrekaseli? Asu kiriimu pia kikai matiakagirimucu ka awngane? La pakipapacaisu ki Uria ikai ki tamakarururuburane, kiasalrusu ku lrabu ki Amune si papacai iniane, ala malrasu ribici ki taelrelreini.

2 Samuile 18:5

Ku talialalai la drekase ki Yuabe, Abisai, si Itai iya kai, “Ngwalai nakwane, kunumi madha pakaduladula kwini ki langukathabarane ka Abesalrume.” Kwini lakwapingi makanaelre la makitu kilalra ku tadrekasane ki Davidi ki lakiacapilini.

2 Samuile 2:13

Ku lalake ki Ziruia ka Yuabe si sasiakawlu ki Davidi wamwa thili ki baiyu ka Gibiungu, yatalikai kwini ku taingeane, la ibalrealreanane ku taingeane.

2 Samuile 2:18

Ku tatulru ku lalalake ki ababai ka Ziruia la makitu ikai kwini, kwini lalasu amani kwini Yuabe, Abisai si Asahele. Kwini Asahele lu lrabwale mia ki salawngane ku ridarane,

2 Samuile 23:18

Ku Abisai ka agi ki Yuabe amani ku tamatama ki “Tamatulrulu ka tamagarange ka kwapingi”. Kai lasu naarakai ku idiri culrulu papacai ki ta 300, lakamani ku athingalaneini ikai ki “Tamatulrulu ka tamagarange ka kwapingi”.

1 Latalialalai 10:29

si twalai Izipiti kilangai ku palridingi ki rigi. Kwini lalasu wamalra kwini larigi si palridingi pakatwasenga kilangai ki latalialalai ki swa Hite si swa Siria: Ku vaeva ku palridingi ki rigi twa 600 ku gingi; ku vaeva ku rigi twa 150 ka gingi.

2 Latalialalai 7:6

Ala ku Tamatama pakialalra ki swa Siria ku tadadavacane bengebengethe ki tapaangale ku kwapingi rigi si palridingi, talika pawalrawlrau ku talialalai ki swa Iseraylri ki latalialalai ki swa Hite si latalialalai ki swa Izipiti si lakwapingi kela kikaruburu liniane la iya.

Yesua 3:10

Lu aru cucubungu numi, ku Twaumase lri tara pakatwase ki swa Kanange, Hite, Hivi, Perizi, Giregasi, Amuri si Yebuse. Kudra amani ka magagemegeme kawmasane ka Tamatama ku Langiane ki Twaumase lu icucubungu numiane talubalre kadravane Yuredange, lri thingale numi ku apalralrawthu ka Twaumase ka watapalra numiane.

1 Samuile 26:7

Kwini sakamaungu, ku Davidi si Abisai la mudaane ki takwapingane ki Saule, la drele ki Saule wapece ikabicelrakane ki takwapingane, ku idirini la cegecege pithili ki tali awlruini daedae; ku Abinere si lakwapingi la lringulu iniane apece.