1 Samuile 26:16 - Ngudradreadrekadhane Ka Sisiu 魯凱語聖經

¹⁶ Kaisu pangiamia ku awnganesu, Abinere! Papiaku ki palralrawthu panianiake ka Tamatama kiketekete, kunumi nai pacai numi makanaelre! Asi lwiyane kwini kai numi maka palakebe ki tamatama, kwini ki cegecege tutalialalai ki Tamatama. Lu mwa drele! Yakai inu ku idiri ki talialalai? Kudra yakai tali awlruini ku taciladhane yakai inu?”

1 Samuile 26:16 Iomraidhean Croise

2 Samuile 12:5

Sa kilalra ku Davidi, la pakamalisi kwini ki sapaiswane, la iya kai, “Lri papiaku ki palralrawthu panianianiake ka Tamatama kiketekete, ku pangiamia kai ku umawmase lri tara kipapaacai la iya!

2 Samuile 19:28

Lakamani ku wacekecekele ki ama naika kiapapacai makanaelre, ai kialibakesu, la maka dulrwaku kibalrulu muswane, yainuana ku pukuli ala kilibakanaili iya muswane ka talialalai.”

1 Latalialalai 2:26

Ku Sulumungu ka talialalai la kawriva ki barakalai ka Abiathare, “Lu siwlria mubalriu ki cekelesu kavai Anatute! Naika kiapapacaisu, ai kikai kainaku lri papacai muswane; asi lwiyane yakaisu ki zidai ki ama ka Davidi ka natarabulribulri ku Langiane ki abebeelengenga ka Tamatama, la natwapapalrasu ki ama ngilribate ku akwalriane.”

Lasenai 102:20

Ku Twaumase kialalra ku la daange ki kiaemenge; mwaelebe ki kiatupasalrivane ka apapacadhanenga ka umawmase.

Lasenai 79:11

Tukurwana kilalra ku tadangane ki lakiaemenge; arakaiya ku maadrau ku puku muelebe ki kiaemenge kalri kipapacai.

Ipisu 2:3

Ku patengatengane, sakanadruma namiyaiyata liniane, pangialralraingi ku kadalame ki sakwaka takaumawmasaneini, si la pasalaladha ki murikai ki beateini. Lakamani, kadrwa ku tamakakaelaneta ki palrapalra, ka nipasudalepanenga ka lri kipathavungu ki Twaumase.

1 Samuile 20:31

Laibekace kaisu thingale, lu makavale panianiake ku Davidi, ka kaisu lri maka atalialalai kai ki kuni? Lu mwa silape iniane, la iluku mwa kai. Kwini lasu lri tara kipapacai!”

1 Samuile 24:6

la kawriva ki kwapingini, “Ku Twaumase ani ruthuku nakwane ku kaika apakadulane tulisi ki naneanenga; asi lwiyane talialalai ka lasu, amanini ku Tamatama ku padelreme cegecege tutalialalai iniane.”

1 Samuile 26:11

Ku Tamatama kai lri palraingi nakwane pakadula kudra padelremeini cegecege tutalialalai, ta malra kavai idiri si taaciladhaneini katwase!”

1 Samuile 26:15

Ku Davidi la tubalre, “Abinere, kaisu kamani kudra sapupukuanenga ka tamagarange ki swa Iseraylri? Asu kai maka pudriadringai palakebe ki talialalai ka tamatamasu? Yakai ku umawmase ku wamwa ki takwapingane, lri papacai ki tamatamasu!

1 Samuile 26:9

Ai ku Davidi la kawriva, “Kusu madha pakaduladula iniane! Luka aneane ku wadula ki padelreme cegecege ki Tamatama tutalialalai, ku Tamatama lri tara pathavungu iniane.”