1 Samuile 26:10 - Ngudradreadrekadhane Ka Sisiu 魯凱語聖經

¹⁰ Ku Davidi la pela kawriva, “Lri papiaku ki palralrawthu panianiake ka Tamatama kiketekete, wathingalaku ku Tamatama lri ngikakamani papacai ki Saule, lu kelanga ku apacadhane lri paacai, si alau lri pacai ikai ki takikaruburane.

1 Samuile 26:10 Iomraidhean Croise

Tabekacane 47:29

Kwi lasu salri pacainga, siakawlu ki umawmase dawlu ki Yusepe, la iya kai iniane, “Pwa ki kabicelrakane ki vagisili kwi alrimasu kiketekete, la papia nakwane arakai ku thalradhane si tukapatengatengane ka kidremedreme kiketekete nakwane, kaisu lri dralreke nakwane pikai kai Izipiti.

Yubu 14:14

Sana pacai kai umawmase, wadulrwana siwlri panianiake? Ai lri mukalavaku kwini ki mathariri ka vai, mukalava ku angilribatane ka vai ki matikurwane.

Yubu 14:5

Kai lragiane ki niake ki umawmase nikelretaneenga; ku cailini ikawmasane amanisu ku marasiakai. Ku tupagisanesu kadrwa ku umawmase kulri dulru lribate.

Yubu 7:1

Ikai kai kawmasane kai umawmase, mararamau ki kiavutha akwapingi, la kwalrialrialri kaungu lukakaiyaiyaiya,

Lasenai 37:10

Sana kedrape ku maca, ku tangangangace ka umawmase lri kamudu; lu silapesu liniane, lri kaisu maka kidringai.

Lasenai 37:13

Ai ku Tamatama mwalralrakai ki manganganga ka umawmase, asi lwiyane wathingale liniane kalri padaalrunga si kiamudu.

Lasenai 94:23

Ku Twaumase lri pathavungu ki ngangacane lini, ngwalai ki pasalrivane lini si amudu liniane; Tamatama ka Twaumaseta lri amudu liniane.

Wabulru 3:2

Yakai ku akitulalakane, yakai ku apacadhane; yakai ku alredrekane, la ikai ku akucane;

Luka 18:7

Bekace ku Twaumase kai pasikai putaluvaivai ku vinuthane kudra ki la piavaiyane pimaungu kitubitubi iniane ku akiparalubane kudra laumawmaseini? Ku taiyane, lri ngiabababalai ku apalribulane liniane?

Ruma 12:19

Laretesane, madha ngipapasikaikai bilri ki badhasu, maesaesai kamani ku elathane ki Twaumase lu putaluvaivai ku kivuthasu, asi lwiyane amia kai ku Sisiu, “Amia kai ku Tamatama: Ku pwataluvaivai ku vinuthane yakai nakwane, lri tara pangibiilriaku.”

Tapelane Drekase 31:14

Ku Tamatama kawariva ki Musi, “Lri kaisu tarathainunga si katwase kai kawmasane. Lu dawla ki Yesua mwa kai ki Alrivilrivi ka balrawbau, lri baadhaku iniane ku awngane.” Ku Musi si Yesua la kela ki Alrivilrivi ka balrawbau.

Tapelane Drekase 32:35

Ku Tamatama lri bilri ki badha, sana kela ku vai kwini lalasu lri tara pacai. Kudra akamudane ku vai yacucubungunga. Kudra lrika angimiane lukabibilrili la lri padaalrunga si kela.

Hiburu 10:30

Wathingaleta kudra amia kai, “Yakai nakwane ku lri putaluvaivai ku vinuthane, lri tara bilriaku”; la iya kai, “Ku Tamatama lri saibange ki umawmaseini.”

Hiburu 9:27

Lu kelanga ku vai, sanaka umawmase tara yakai ku apacadhane, lu pacainga lai tara kisaibange ki Twaumase.

Nipadrelane 18:8

Amani sakamiyaiya kikai, ikai ki vaivaai, ku amatikurwane lri mulebe mwa iniane: Yakai ku atubiane, ku silravane, ku apacadhane! Kwi alisu lri ikai ki apwi si kilamalama, asi lwiyane ku amani ka wasaibange ka Tamatama ka Twaumase maadrau ku puku!

1 Samuile 24:12

Anika Tamatamanga ku amani ka twaringaringau ku ini si unu ku tangimiamiane. Ani kamaninga ngitalikaiyane nakwane bilri, asi lwiyane kainaku lri tulisi muswane.

1 Samuile 24:15

Ku Tamatama lri turingaringau lri pelaela luka aneane ku pacengecenge si pasalriu mitane. Ani ka amani ku maka pwadriadringai drele, si palakebe nakwane, palribulu nakwane kidaili ki alrimasu.”

1 Samuile 25:26

Ku Tamatama kai pangiakakamani muswane bilri ki labadhasu, si papacai liniane. Kaiasasane papiaku ki Tamatama kiketekete, ku labadhasu si sanaka lri papacai muswane ani makitu mia ki Nabale kipathavungu.

1 Samuile 25:38

Samaka mangealenga, ku Tamatama ala lrumai ki Nabale, kwini lasu la pacai.

1 Samuile 25:39

Ku Davidi la kilalra ku wapacainga ku Nabale, la iya kai, “Lri drengedrengeraku ki Tamatama! Pasiakai nakwane bilri kudra tatusinalrelremeane nakwane ki Nabale, si la kainaku pasalriunga ka sasiakawluini. Ku Tamatama ngwalai ku pasalrivane ki Nabale la pathavungu iniane.” La kai tarathainu, ku Davidi la sikawlu ku umawmase mwa ki Abigaile kawriva ku amwane iniane karudrange.

1 Samuile 31:4

Kwini lasu la kawriva kwini ki taraililuku ku sakikaruburaneini ka kwapingi, “Sudra kwini lrabusu, la pwa culrulu nakwane! Amani lu tusinalreme nakwane kikavai kai kiagelregelre, ka kadrwa ku Twaumase lu drele ka swa Pelisitine.” Ai kwini tarapalakebe la mukuludru turamuru, mwakuludru nau pia kwini iya. Ku Saule la malra sudru ku lrabuini, si mwa gurapangane ki lrabu ngicaculrulu si pacai.

1 Samuile 31:6

Kikai amani ku tangimiane pacai ki Saule si tatulru ka sawvalai ka lalalakeini, si kwini langukathabarane ka tarapalakebe, ikai kwini ki vai kwidra lakwapingi ki Saule la pacai makanaelre.