1 Samuile 2:2 - Ngudradreadrekadhane Ka Sisiu 魯凱語聖經

² Kathane ku Tamatama ka sanianiangenga; kathaneini, kadrwa ku saniange. Ku Twaumaseta kathane ka tarapalribulu.

1 Samuile 2:2 Iomraidhean Croise

2 Samuile 22:3

ku Twaumaseli amani ku paidringi ka takibaladhane, amani ku palakebe ka alathareli, si takilakebane, amani ku takipalribulribulaneli, palribulu nakwane kidaili ki akilrumadhane.

2 Samuile 22:32

Kathane ka Tamatama, kadrwa ku drumane ku Twaumase; kathane ku Twaumase ka alrisapesape palakebe mitane.

2 Samuile 7:22

Abebeelengenga ka Tamatama, saniangelringaasu turamuru! Kadrwa ku lri maka dulru kiramau muswane. Wathingalenga naai, kathanesu, kadrwa ku drumane ku Twaumase.

1 Latalialalai 8:23

Kwi lasu wainulri iya kai, “Tamatama ka Twaumase ki swa Iseraylri, kai belenge kai kawmasane kadrwa ku drumane ku Twaumase ku lri maka kiramau muswane! Pangiamiasu ku takiketeketanesu ki kawkawlusu: Alaiyasi la salikavaeva ku kidremedreme kwi lalasu pasalaladha muswane, ala pathingalana ku thalradhanesu papia liniane.

Lasenai 111:9

Ku Twaumase palribulu ki kawkawluini, si kapalralrawthu ku kiketeketeini liniane. Saniange si matiukuludru!

Lasenai 18:2

Ku Tamatama amani ku palakebe nakwane ka alrisapesapeli si kepaleli; ku Twaumaseli amani ku paidringi nakwane ka taikaikaiyaneli kilakebe, ka walakebe nakwane ka alathare, si palribulu ka pukuli ka tasakaikaiyaneli kikaruburu.

Lasenai 18:31

Kathane ku Tamatama, kadrwa ku drumane ku Twaumase; kathane ku Twaumase ka palakebe mitane ka alrisapesape.

Lasenai 71:19

Twaumase, ku dringelresanesu wadaruru kavai talikaiyane ki ememe. Pangiamiasu ku maadrau ka awngane; kadrwa ku umawmase kulri maka kiramau muswane.

Lasenai 71:3

Kiatubiaku muswane kamania kudra mapapedrenge ka takilakebaneli, ka amani ku palakebe nakwane ka makecenge ka kepale; asi lwiyane amanisu ku takilakelakebaneli, ka kepaleli.

Lasenai 73:25

Kathanesu, ikai belenge aneanana ku yakai? Kudra yakaingasu, ikai kai kawmasane aneanana ku amurikaiyaneli?

Lasenai 86:8

Tamatama, kadrwa ku drumane ku twaumase ku lrika silrialribate muswane; kadrwa ku drumane ku twaumase kulri maka dulru pia ku tapianesu.

Lasenai 89:6

Tamatama, ikai subelebelenge kadrwa kulri dulru kiramau muswane; kadrwa ku drumane ku twaumase kulri dulru kitilibi muswane.

Lasenai 89:8

Tamatama ka abebeelengenga ki sanaka kwapingi, ku adravane ki pukusu aneane kulri dulru kiramau? Tamatama, ikaisu ki sanaka awngane patengatenganesu.

Lasenai 99:3

Sanaka umawmase lri drengedrengere ku saniange matiwsakene ka naganeini; ku Twaumase saniange matisalru!

Lasenai 99:5

Drengedrengera ki Tamatama ka Twaumaseta! Icucubunga ki taetalaneini sukubu! Ku Twaumase saniange matisalru!

Lasenai 99:9

Drengedrengera ki Tamatama ka Twaumaseta; ikaiya ki saniange ka lregelregeini sukubu iniane. Ku Tamatama ka Twaumaseta saniange matisalru!

Takatwasane Izipiti 15:11

Tamatama! Ikai ki latwaumase yakai ku miyaiya muswane? Aneane ku miyaiya muswane, ikai ku saniangane matisalru? Aneane ku miyaiya muswane, dulru pia ku pinangu Twaumasane ka puku ka matiasamali?

Isaiya 40:18

Aneane kulri dulru kiramau ki Twaumase? Ku Twaumase ngiamia ki manemane, si lri dulru numi arakai ku manemane pakiramau ku tangimiamianeini?

Isaiya 44:6

Ku Tamatama ka talialalai ki swa Iseraylri, abebeelengenga ki sanaka kwapingi ka Takipalribulribulane amia kikai: Amaniaku ku sapathagili, amaniaku ku satwalrepenge; kathanaku kadrwanga ku drumane ku twaumase.

Isaiya 44:8

Kawkawluli, madha ngituluku si mukuludru! Kainaku ka wayugingiinga twalai kunadruma ku angimiane? Amani numi ku siwmili. Kathanaku, yakaiyana ku drumane ku twaumase? Yakaiyana ku drumane ku madrau ku puku ka twaumase ku kaika kilalranali?

Isaiya 57:15

“Kwaku ka sabebelengenga, ka saniange ka Twaumase; palralrawthaku ikai. Yakaiyaku ki abebeelengenga ka saniange, ai mialriaku ikai ki kiangeangeange ngitatasiwlriwlri si ngitatupela si ngiatatwalebe ka umawmase. Kudra ki ngiatatwalebe ku umawmase lri pasiwliwlianaku ku salrwane ku kidremedreme, ku kiangeange ngitatasiwlriwlri si ngitatupela ku umawmase lani malra ku sasiadradrama.

Isaiya 6:3

Kwi lalasu la matubaebaebalre iya kai: Sanianiangenga, sanianiangenga, sanianiangenga! Tamatama ka abebeelengenga ki sanaka kwapingi! Ku lriguini swaete kawmasane.

Yerimia 10:6

Tamatama, kadrwa ku umawmase ku lri dulru kiramau muswane; tengatenganesu ka matiasamali, ku saniange ka naganesu maadrau ku puku.

Lrivi 11:44

Kunaku Tamatamaku ka Twaumase numi; kunumi ngipapakabula, si alrivilrivi, kunaku lri ngitatusaniangaku, si kabula. Asi lwiyane alrivilrivaku turamuru. Kunumi la madha kanekane kilakikai lawagulagulai si ngikakudrulru.

Lrivi 11:45

Kunaku Tamatamaku; wasangilukaku numiane katwase Izipiti, pakai ku a Twaumasananeli numiane. Kunumi kabula alrivilrivi, asi lwiyane kunaku alrivilrivaku.

Lrivi 19:2

papia ki mapapangale ki swa Iseraylri pelaela, “Kunumi kabula, asi lwiyane kwaku ka Tamatama, ka Twaumase numi yai mabula.

Ruma 15:4

Kai vaga ki Sisiu wabulrubulru mitane patuelre ku tapacasane, ku pacugane yai pakai ku adulrwaneta patwalai ku sabulrwane ki Sisiu ku akiadilane si sapasapukwanane la tarumara ku sasiadradrama.

Ruma 4:8

Ku pasalrivane la kai kiatupasalrivane ki Tamatama ka umawmase yakai ku akaesadhane!

Tapelane Drekase 3:24

‘Abebeelengenga ka Tamatama! Wathingalaku ku pathingalanesu nakwane amani ku pathagilane ki saniangane matisamaliane ka takaunganesu. Kai kawmasane kadrwa ku drumane ku Twaumase kulri dulru pia ku tapangimianesu!

Tapelane Drekase 32:20

Amia kai: Kainaku lri paralubunga liniane, lri dredrelaku ku lrika angimiane lini; kai lalasu makelrathe turamuru, ka kai savaeva ku kidremedreme ka kawkawlu.

Tapelane Drekase 32:39

Kathanaku ka Twaumase, kadrwa ku drumanenga ka Twaumase. Papacadhaku ki umawmase, la papanianiakaku ki umawmase, pakadulaku ki umawmase, la pawdringadhaku ki umawmase. Kadrwa ku umawmase ku lri maka katwase ki alrimali.

Tapelane Drekase 32:4

Ku Tamatama amani kudra sapupukuanenga ka tarapalakebe, ku tapianeini kiatulrepenge, aparamaramau. Ku Twaumase patengatengane, matisudralru, ku tasaibanganeini pacengecenge, aparamaramau.

Tapelane Drekase 4:35

Ku Tamatama ku pathingalaneini numiane kilakikai, sapelaelane ala ka kathaneini ka Twaumase; kathaneini, kadrwa ku druma ku Twaumase.

Tapelane Drekase 4:39

Lakamani kwidra, kunumi tara ngulringava, madha karimurimuru, kai kawmasane kathane ku Tamatama ka Twaumase; kathaneini kadrwa ku drumane ku Twaumase.

1 Pitiru 1:16

Amia kikai kai Sisiu, “Kunumi kabula, asi lwiyane mabulaku.”