1 Samuile 12:3 - Ngudradreadrekadhane Ka Sisiu 魯凱語聖經

³ Kaiasasane, yakaiyaku kikai; lwiyasi la ikai ku tapasalrivaneli, lri dulru numi ikai cucubungu ki Tamatama si pilrini paatalialalai kukusu ku pasalrivaneli. Waribicingaku ku lwange ki palrapalra ku ruba? Ku walrilrigilingaku si tavuvulrucu ki aneane? Wamalrangaku ku pavangalre? Lwiyasi la ikai ku ngimiyaiya kikai ku tapianeli, lri tara sawlriaku cugu.”

1 Samuile 12:3 Iomraidhean Croise

2 Samuile 22:22

Paluludaku ku kadadalranane ki Tamatama; kadrwana ku tabaebalreaneli ki Twaumase.

Nihimi 5:11

si supilri pademedemenga kudra kiame lini, adravane ka paisu ka taleke, ku bava ku lawlau, kai lri pasawlringa liniane. Lai lri makakaai malra kwini nipadrepetane ku umawma, babudwane, maulriwlrivane si daane sawlri baai liniane.”

Lasenai 15:5

Kai lasu lu pakisalru ku paisu ki umawmase kai wamalramalra ku lalake, la kai malramalra ku pavangalre si tulisi ki kadrwa ku pasalrivane. Ku pangiamia kilakikai ku umawmase lri kai sipai palralrawthu.

Takatwasane Izipiti 20:17

“Madha kararau ku daane ki palrapalra; la madha kadaladalame ku taelrelre ki palrapalra, si karau ku duri, lwange, ruba si ku drumane ku lawbubulu ki palrapalra.”

Takatwasane Izipiti 23:8

Madha malramalra ku pavangalre; asi lwiyane kai pavangalre pakamukici ki maca ki umawmase, kilrungu kwidra ki sapelaelane ka vaga ki kadrwa ku pasalriu.

Kavagavagane 15:27

Ku marau ku kai madringelrese ku tacekecekelane, mabebetethe ki daaneini; ku watelenge ki pavangalre, lri kalragi ku niake.

Lrivi 6:4

Lwiyasi ka pasalriu kikai taiyane belenge patuelre, kwini lasu lri tara sawlri kwini nikadraedrangelrane si malra kwini lamanemane; ku kwaupa, ku wamalra vutha, ku nipaswalane baai ka paisu, ku nikidringadhane ka lamanemane, ku nitavuvulrucane kiketekete si malra ku lamanemane, ikai ki takitupasalrivananeini ka vai, kwi lasu lri tara pakanaelre sawlri baai ki pimanemanane, lai lri padrima baai ku idai lrika mapusale.

Taasipane 16:15

Ku Musi la kalisi. Si iya kai ki Tamatama, “Kiatubiaku muswane madha tarumaramara kikai patarumara kai ki laumawmase. Kadrwa ku tatulisianeli liniane; adravane ka tikiyane ka ruba kadrwa ku tamalraneli.”

Matai 22:21

La tubalre kwini lalasu, “Tinuhika ki swa Rumane” iya. Lakamani ku Yesu iya kai liniane, “Lakamani ku tinuhika ki swa Rumane ku lamanemane baadha ki tinuhika ki swa Ruma, ku lamanemane ki Twaumase la baadha ki Twaumase.”

Luka 19:8

Ku Zakai la acegecege si iya kai ki Tamatama, “Tamatama, lri malraku kai tacekecekelaneli ku apararamau si pavalavala ki matiakukuru; alaiyasi ikai ku lrilrigilingali ki aneane, lri sawlriaku si drima ku taisupatane baai iniane.”

Nisikawlane 20:33

Kadruana ku karauli ki naaneeanenga ku kingi gingi si laimai.

2 Kurintu 12:14

Kikai yai padulrudulrwaku ku saka ngusitulrulu lrikape numiane, kainaku lri pakwalri numiane, asi lwiyane amani numi kudra urikaikaili, kaika paisu numi. Ku patengatengane, ku lalalake kai lri cukingi pasikai ki marudrawdrange, amanilringa ku marudrawdrange ku lri cukingi pasikai ki lalalake.

Tapelane Drekase 16:19

Tara aparamaramaava kai ngitatukucingalre, kai capange pangimia ku takipuawnganane; la kai malra ku pavangalre, asi lwiyane kikai pavangalre pakamukici ki wathingale ku kakudhane, ku madringelrese ka umawmase la baebalrenga ku pacengecenge si kai pacengecenge ki madringelrese.

1 Tisaruniki 2:10

Papia numiane ka lasinzia, ku vaga nai si kakwakudhane yai mabula, madringelrese, kadrwa ku pwalane. Kikai, kunumi si Twaumase lri dulru numi patengane iya.

1 Tisaruniki 2:5

Wathingale numi, kai nai kawarivana numiane ku talravai ku vaga, la kakadrwa ku sekete nai ku ravane; kikai yai ku Twaumase lri dulru tengane iya naiane.

1 Pitiru 5:2

agwagwa ku sudralru numiane ki Twaumase ku lakiu, pasingikidremedreme kiragai singikai ku kidremedreme ki Twaumase sirapale liniane, kaika nivuthane, kaika ngwalai ku akipawlrawlravane ka awngane, ngiakakamaani pasikai kaungu.

1 Samuile 10:1

Ku Samuile la malra ku akuvaeva ku lawlau ka ulrive, si gugu pwa ki awlru ki Saule, si uma iniane, iya kai, “Ku Tamatama pwalawlau si pacegecege muswane ka amani ku tararathudu ki kawkawluini ka swa Iseraylri; lri marasikaisu ki kawkawluini, palribulu liniane kidaili sanaka baadha. Kikai lebe kai, amani ku sapatuthingalane ku tapacegecegane muswane ki Tamatama tutararathudu ki kawkawluini:

1 Samuile 12:4

Ku mapapangale la tubalre, “Kadrwa ku talrilrigilanesu tavuvulrucusu naiane; kadrwa ku malrasu ku manemane ki naneanenga.”

1 Samuile 12:5

Ku Samuile kawariva, “Kaikameane, ku Tamatama si pilrini paatalialalai amani kulri pelaela ku tangimianeli; wathingale numi ka mabulaku.” Ku mapapangale la kawriva, “Unu, Tamatama ku lri pelaela ku tangimiamianesu.”

1 Samuile 2:35

Lri pilriaku ku tangea si pacegecege abarakalai, kwini lasu lri tara tukucingalre nakwane, singikai kudra takidremedremaneli kipuawngane. Lri patarumaraku ku mwabalrithi iniane; kwini lasu la lrika taikaiyane kudra ki pilrili si cegecege ku talialalai kipuawngane.

1 Samuile 24:11

Tamatamali, drela! Drela kikai yakai ki alrimali kai piyu ki palimemelresu. Nau papacai ana iyaku muswane kaika makucingalre, la malraku kipithingi ku piyu ki palimemelresu, kikai naika masalrusu, kadrwa ku nau balre ku nau tulisi iyaiyali muswane. Laka kadrwa ku pasalrisalriuli muswane, kikai la silasiilapeanasu nakwane, nau papacai iyaiya.

1 Samuile 24:6

la kawriva ki kwapingini, “Ku Twaumase ani ruthuku nakwane ku kaika apakadulane tulisi ki naneanenga; asi lwiyane talialalai ka lasu, amanini ku Tamatama ku padelreme cegecege tutalialalai iniane.”

1 Samuile 24:7

Ku Davidi la pakasuburu ku kidremedreme ki lakwapingini, kai palraingi liniane ku pakadula tulisi ki Saule. Ku Saule la ngidrakale, mulatadre ki barungulu, si lri katwase;

1 Samuile 26:11

Ku Tamatama kai lri palraingi nakwane pakadula kudra padelremeini cegecege tutalialalai, ta malra kavai idiri si taaciladhaneini katwase!”

1 Samuile 26:9

Ai ku Davidi la kawriva, “Kusu madha pakaduladula iniane! Luka aneane ku wadula ki padelreme cegecege ki Tamatama tutalialalai, ku Tamatama lri tara pathavungu iniane.”