Filemoo 1:7 - Séréel Ndút

⁷ Ɗo fi koy-yaaso⁠ˈ, faha⁠ˈ⁠a faha⁠ˈ fu ɓëewí Koope ra, onte wa doole, sosilte keeñ so⁠ˈ, yëellíɗté rí.

Filemoo 1:7 Iomraidhean Croise

1 Tesalonik 1:3

Nuffi fun na koleeh ɗon na biti fun home ɗaŋi Koo, ɗi fi Boffi yen, di iña na pagu ron ndah gémë gémú ron Yéesú-Kiristaa Yíkëe rë, a pagaɗɗon ndah faha⁠ˈ fahuu ron ri ra, a yaakaara dékúu rën lah ɗii na ra.

1 Tesalonik 2:13

Yee tah fun ay dékée símí Koope ra biti ɓal : liiluu ron Un Koope fa komu fun ɗon ɗa, ɗon habute ri, te ɗon habuuy ri ti di na habuu un ow kese nen. Ɗon habuu ri biti ɗi Un Koope, te ri Un Koope kaah. Una ee paŋ yii wunte ɗon fa gémú Yéesú në rë.

1 Tesalonik 2:19

Kon henay ɗon moos, heneh ow kay⁠ ⁠! Ɗon daa yaakaari fun, ɗon daa sësɗú keeññi fun te ɗon daa baanii ndama nay teeɓee biti fun ɓagute níi fun damoh fíi Yéesú-Yíkëe yiin nay rii aye ra.

1 Tesalonik 3:9

Fun ay símée Koope ɗí níi mit ? Ɗon tahute keeññi fun sosse níi sos fíyí⁠ ⁠!

2 Timoote 1:16

Onesifoor nék, na hoñ soo toñ te homa hom mi kasaa bee ra, ɗi sopaay na. Kon, Yíkëe ɗémpí teeɓ ɓëy faami naa⁠ˈ-keeñ.

Filemoo 1:20

Ahaŋkay, ɗo fi koy-yaaso⁠ˈ, pagiɗ so⁠ˈ yii baa ndah Yíkëe, fu yëellíɗ keeñ so⁠ˈ ndah nona nonu yen Kiristaa na ra.

2 Saŋ 1:4

Keeñ so⁠ˈ sosse níi sos ola⁠ˈ mi biti filiɓ fi koyyu, lahte na ƴi pesuu kaah ti di túuƴë⁠ˈ rí yen Boffa nen.