Filemoo 1:6 - Séréel Ndút

⁶ So⁠ˈ nék, yee na ɗaŋ mi ra daa ri bitih, ngémë boku yen baa ra lah njiriñ, nda fu yúh níi lan iñi wunna ɓéeɓ lahu yen gémë gémú yen Yéesú-Kiristaa na ra, ɗi lah ndam.

Filemoo 1:6 Iomraidhean Croise

Fílíp 4:8

Leegi mi won ɗon tee koy-yaayyi ƴeh : lah nuffon homa yii hente kaah, yii mit on cér, yii júɓpé, yii lante íllí Koope, yii wunte a yii mit laas. Yii baahte mbée yii mit sím ɓéeɓ, nuffon homa na.

Téerëe bíníyú unna won Pool Tít ɗë 3:14

Koy-yaayya filiɓ ngémë ɓal warutee pokoh paŋ yin wun nda wa lah njiriñ, wa dímlë⁠ˈ ɓëewë homu coono ra.

Saak 2:14

Koy-yaayyi ƴeh, ow won biti ɗi gémpé te na teeɓeeh ri pagaɗɗi raa, ngémí baa lahte njiriñ a ? Ngémí baa ay rii sëmlë⁠ˈ ë ?

Saak 2:17

Ti ɗaaha nen, ngémí ay teye ɓúk ii teeɓuu pagaɗ, ngémí baa lahay njiriñ, saatate.

1 Peer 2:12

Lah pésíi wun leelii ɓëewë nëníh ɓëewí Koope ra ; ɗon hena⁠ˈ ri ɗaaha raa wuti wa tík ɗon yin ɓos, won biti ɗon i pagoh ɓos raa sah, wa ay ot biti ɗon pagu yin wun, wa kañ Koope yiin nay ri waa feeñiyee ra.

1 Peer 3:1

Ɗon fi ɓeleɓɓa ɓal, ëní ƴaallon cér⁠ ⁠! Hen ɗaa wa ot ɗon pagee ri ɗaaha raa, wuti ɗeef wa gémúy unni Koope merees raa, yii baa ay tah wa ay gém te ɗon ii waa won dara :

1 Peer 3:16

Ɗon ƴahti rii lof raa nék, lah pëgíi rí a teey, ɗon on ɗi cér. Lah sëyíi nufi lante, nda ɓëewë na yahu tii yon af pesadi wunon Kiristaa na ra sopoh wonni wa.