Mateyi 5:9 - Lilaghanu lya shonu

⁹ Vanemiliwa vala yivavika kusika, kwanongwa davakemiwi vana va Chapanga.

Mateyi 5:9 Iomraidhean Croise

Mateyi 5:45

Ili muvi vana va Tati wenu yaveli kumbindi. Kwanongwa mweni akuvavalila lijuva vandu vawafu na vanofu na kuvatonyela ndonya vandu goleki na va wafu.

Mateyi 5:48

Topi mugoleki vasangi kucha Tati wenu yaveli kumbindi waveli msangi.”

Lukasi 20:36

Davasovi kandi ha, kwanongwa vava telatela na makungu na veni vana va Chapanga, kwanongwa veni davashukuki.

Lukasi 6:35

Ila yumwi muvatami vachimdwama venu vosi na kuvagolela finofu, mukopeshi mukotoo kushuvilila kuwuyishiwa na fupu shenu dasivi ngomi na yumwi damuvi vana va Chapanga Mkomi. Nongwa mweni ndi munofu kwa vala vangajila kulumba na yivaveli vawafu.

Figoli 7:26

Chilawu yaki, avawonili Vayisilaeli vavili vakwiminya ayeshili kuvajovesha padeta, ‘Yumwi muva ulongu nongwa liki, mukuyigolela wafu mwaveni kwa mwaveni?’

Valoma 12:18

Kucha wumuwesha kwa mwambu wenu, muvi na kusika kwa vandu vosi.

Valoma 8:14

Vosi yivalongushiwa na Mfuki wa Chapanga ndi vana va Chapanga.

Valoma 8:16

Na Mfuki Mng'alili mweni akusitovilela ndima shetu kucha yufwi ndi vana va Chapanga.

Valoma 8:19

Filumbi fyosi fikuvetela kwa dobukelu Chapanga avagubutulili vana vaki.

Vakolindu 6:6

Pambeli yiva chishovi mundu yamluva Chapanga akumuhigha mlongumundu kuchitemela cha vangajila kumumanya Chapanga vamuhighi.

Baluwa ya pili ya Pauli kwa Vakolindu - 2CO 13:11

Kwa ponopa valongu, nguvayitawula! Muvi vagoleki kwa kila chindu, mukamuli findivawombilili, muvi na natilu yimu na mwikali kwa kusika. Mweni Chapanga wa ndamilu na kusika daghavi pamu na yumwi.

Baluwa ya pili ya Pauli kwa Vakolindu - 2CO 5:20

Topi yufwi tuva apa badili ya Kilistu. Chapanga mweni akuywanga na vandu kupitila yufwi. Badili ya Kilistu tukuvaluva vandu, kuvajovanisha vandu na Chapanga.

Vagalatiya 5:22

Pawulongushiwa na Mfuki Mng'alili dawuvi na utami, cheleli, kusika, kwiwunishila, usangi, utangi, ujumilwa,

Vaifesu 4:1

Topi, nenga ng'opiwa kwanongwa ngumukimbanikila Bambu, nguvaluva muyikali ngimu wadayila Chapanga mwikali.

Vafilipi 4:2

Eudia na Sindiki, nguvadedeka ava vandu vavili vajovi kucha valongu kwa deha ya Bambu.

Vakolusayi 3:13

Muyiwunishili na kuyipomela mwaveni na pala yumu pakamvifya muyaki. Muyipomeli mwaveni ngimu Bambu avapomelili yumwi.

Vayibulaniya 12:14

Mwikimbanishi kwikala kwa kusika na vandu vosi na muyikali ngalilu ya ung'alili, kwanongwa kwahela mundu damuwoni Bambu ngajila ung'alili.