Zek. 3:2 - Bhaibheri Rakachena muChindau

² NaMambo Mwari wakati kunaSathani, “Mambo Mwari ngaakurambidze, O Sathani! Mambo Mwari uwo wakatsanangura Jerusarema ngaakurambidze! Ichi andichopi chitsiki chakabviswa mumuriro here?”

Zek. 3:2 Iomraidhean Croise

2 MaKro. 6:5

‘Kubvira pazuva rendakabudisa vanhu vangu kubva munyika yeEgipite, andizi kutsanangura dhorobha kubva pakati pemadzinza eshe aIsuraeri mwokuti ndiakiremwo mhatso, kuti zina rangu rigaremwo; neni andizi kutsanangura naumwe kuita mutongi padera pevanhu vangu Isuraeri.

2 MaKro. 6:6

Asi ndatsanangura Jerusarema, kuti zina rangu rigaremwo, neni ndatsanangura Dhavhidha kuti aapadera pevanhu vangu Isuraeri.’

Nduyo 109:31

Ngokuti unoema ngokumudyo kwomutami, kumuponesa kubva kuneavo vanotongera mweya wake rufu. Nduyo yaDhavhidha.

Isa. 7:4

wechiti kwaari, ‘Ngwara, unyarare; usatya, usaita kuti mwoyo wako udemere ngendaa yezvitsiki izvi zviiri zvinopwititika, ngendaa youshungu hunotyisa hwaRezini neAramu nomukororo waRemaria.’

Dha. 12:1

Pamukuwo uwo Mikhaeri, mutongi mukuru, uwo unoema kungwarira vanhu vako unozomiruka.Unozoapo mukuwo wokutambudzika, usikazi kumboapo kubvira apo pakatanga kuuya madzinza munyika. Asi pamukuwo uwo vanhu vako vanozonunurwa, weshe unozooneka akanyorwa mubhuku.

Amo. 4:11

Ndakariga pashi vamweni venyu, kudai ngeapo Mwari paakarigira pashi Sodhoma neGomora, nemwi mwaiya mwakadai ngechitsa chinobviswa pachoto chomuriro; asi amuzi kupetuka kwendiri, unoronza Mambo Mwari.

Zek. 1:17

Daidzirazve wechiti, “Izvi ndizvo zvinoronza Mambo Mwari wehondo: Madhorobha angu achazarazve ngoupfumi nokukura kuende mberi; Mambo Mwari uchazoembedzerazve Zioni, nokutsanangurazve Jerusarema.”

Zek. 2:12

Mambo Mwari unozogara nhaka yaJudha iyo ndiyo chikoaniswa chake munyika yakacheneswa, unozotsanangurazve Jerusarema.

Marku 1:25

Jesu wakamukaraidza echiti, “Nyarara, buda kubva kwaari.”

Marku 9:25

Jesu aona kuti mbungano yairumba kuuya pamwepo, wakakaraidza mweya wakashata echiti kwouri, “Iwewe mweya wembeveve newedziiranzee, ndinokupanga kuti ubude kubva mwaari, usachazopoterazve mwaari.”

Ruka 22:32

asi inini ndakakukumbirira kuti kugonda kwako kusazopera; newe apo watenderukazve, ugwinyise vakoma vako.”

Ruka 4:35

Asi Jesu wakaukaraidza akati, “Nyarara, buda kubva kwaari!” Naapo dhimoni rakamukandira pashi pakati pavo, rakabuda kwaari, risikazi kumuremadza.

Ruka 9:42

Naapo achauya, dhimoni rakamupwamhwatisa pashi, rikamuhutisa kakurutu. Asi Jesu wakakaraidza mweya wakashata, akaponesa murumbwana, akamupazve kunababa ake.

Johani 13:18

Andiereketi ndimwi mweshe akadi; ndinovazia avo vendakatsanangura; asi kuti chinyorwa chizadzisike chinoti, ‘Uwo unodya chingwa changu, wakandimirudzira chisisinho chake kurwisana neni.’

Varoma 16:20

Mwari wokunyarara unozoparadza Sathani pashi petsoka dzenyu ngokukasira. Nyasha dzaMambo wedu Jesu Kristu ngadzigare nemwi.

Varoma 8:33

Ndiani unozoitira ndaa vakatsanangurwa vaMwari? NdiMwari unopembedza.

1 Joh. 3:8

Weshe unoshaisha mwana waDhiabhorosi; ngokuti Dhiabhorosi unondoshaisha kubvira pakutanga. Ngeiyi ndaa Mukororo waMwari wakaoniswa kuti aparadze mishando yaDhiabhorosi.

Judha 1:23

muponese vamweni, mwechivabvuka kubva mumuriro; nevamweni mwechivaitira nyasha ngokutya, mwechinyenya nezvokufuka zvakasvipiswa nokuitwa maara ngenyama.

Judha 1:9

Asi Mikhaeri, ngirosi huru apo peyairwa naDhiabhorosi, yechiphikisa ngendaa yomuiri waMosi, yakatya kumuitira ndaa, asi yakati, “Mambo ngaakutuke!”

Chakapangijihwa 17:14

vanozorwisana neGwai, neGwai rinozovanyisa, ngokuti ndiMambo wemadzimambo noMutongi wevatongi, naavo vanaye vanodaidzwa nokutsanangurwa nokugondeka.”