Zef. 3:9 - Bhaibheri Rakachena muChindau

⁹ “Panguva iyo ndinozotsandura kuereketa kwevanhu kuti kuite kuereketa kwakaperera, kuti veshe vakumbire ngezina raMambo Mwari, kumudira ngomwoyo umwe.

Zef. 3:9 Iomraidhean Croise

Gen. 11:1

Zvino nyika yeshe yaiya nendimi imwe nokuereketa kumwekwo.

Gen. 4:26

KunaSethi kwakabarwa mukororo; naye wakadudza zina rake kuti Enoshi. Naapo vanhu vakaamba kukumbira ngezina raMambo Mwari.

Nduyo 113:3

Kubvira pakubuda kwezuva metsa kubira kwezuva zina raMambo Mwari rinosisira kukudzwa.

Nduyo 22:27

Veshe vokumagumo enyika vanozokarakadza, vahwirire kunaMambo Mwari. Mhuri dzeshe dzemadzinza dzinozodira pamberi pake.

Isa. 19:18

Ngeiro zuva anozoapo madhorobha mashanu munyika yeEgipite anoereketa ndimi yevaKhenani, nokupika kunaMambo Mwari wehondo. Rimwe reaya rinozodudzwa kuti Dhorobha reZuva.

Isa. 57:19

Ndinosika michero yemiromo yevachemi muIsuraeri; kunyarara, kunyarara kunouwo uri kuretu, nokunouwo uri pasinde,” unoronza Mambo Mwari; “Neni ndinozomurapa.

Isa. 6:7

Naro rakagwama muromo wangu ndiro rechiti, “Ringira zvino, iri ragwama miromo yako; nokushata kwako kwabviswa, nokushaisha kwako kwaripirwa.”

Jer. 16:19

O Mambo Mwari, simba rangu, nebako rangu, utiziro hwangu ngezuva rokutambudzika, madzinza anozouya kwouri, echibva kumagumo enyika echiti, “Ngegwinyiso madzibaba edu akagara nhaka yemanyepo, nezvisina shwiro, nezvisikadetseri chiro.

Ezek. 37:17

Udzirimbanidze pamwepo imwe kuneimweni kuita ndonga imwe, nadzo dzinozoita imwe munyara yako.

HABHAKUKI 2:14

Asi nyika inozozara ngokuzia uthende hwaMambo Mwari, kudai ngemvura inofukidza ruandhle.

Zef. 2:11

Mambo Mwari unozotyisa kakurutu kwevari; ngokuti unozopedza zvimwari zveshe zvenyika; nekwaari zvinozogwadama pashi, chimwe ngachimwe pandau yacho, mahumbikumbi eshe nezviwi zveshe zvevemadzinza.

Zek. 14:9

NaMambo Mwari unozoita mambo padera penyika dzeshe; pairo zuva Mambo Mwari unozoita umwe, nezina rake rimwe.

Zek. 2:11

Madzinza akawanda anozoshonganiswa munaMambo Mwari ngeiro zuva, navo vanozoita vanhu vangu; ndinozogara pakati pako, newe unozozia kuti Mambo Mwari wehondo wandituma kwouri.

Mateu 12:35

Munhu wakanaka kubva kuupfumi hwakanaka hwomwoyo wake wakanaka unobudisa zvakanaka. Nomunhu wakashata kubva kuupfumi hwakashata unobudisa zvakashata.

Vaefesu 4:29

Musatendera kuti kuereketa kwakashata kubude mumiromo yenyu, asi kwega kwakanaka kunoaka, kudai ngezvinotamika, kuti kupe nyasha kwavari vanokuzwa.

Chakapangijihwa 11:15

Zvino ngirosi yechinomwe yakaridza hwama yayo, kwakazwika mazwi makuru mudenga echiti, “Umambo hwenyika hwaita umambo hwaMambo wedu nohwaKristu wake, naye unozotonga mhera nariini nariini.”