Zef. 3:8 - Bhaibheri Rakachena muChindau

⁸ Ndizvo ndigarirenyi,” unoronza Mambo Mwari, “Metsa pazuva rendinozomiruka kuita uchapupu. Ngokuti kugura kwangu kuti ndiunganidze madzinza, kuti ndiunganidze umambo, kudurura padera pahwo ushungu hwangu, kweshe kupisha kwoushungu hwangu; ngokuti mumuriro wendurumwa dzangu nyika yeshe inozopedzwa.

Zef. 3:8 Iomraidhean Croise

Nduyo 12:5

“Ngendaa yokutambudzwa kwevarombo, nokufemurika kwevatami, ndomiruka zvinopano,” unoronza Mambo Mwari. “Ndinozovaisa mukungwaririka ukwo kwevanodisisa.”

Nduyo 123:2

Ringira, kudai ngemadziso evaranda anoringira kunyara yatenzi wavo, kudai ngemadziso omurandakadzi anoringira kunyara yatenzikadzi wake, ndizvo madziso edu anoringira kunaMambo Mwari, Mwari wedu, metsa atiitira nyasha.

Nduyo 27:14

Garira Mambo Mwari; uite wakagwinya, nomwoyo wako ngaushinge; garira Mambo Mwari. Nduyo yaDhavhidha.

Nduyo 37:34

Garira Mambo Mwari, uteedze njira yake, naye unozokutunhumadza kuti ugare nhaka yenyika; unozoringira kuparadzwa kwevakashata.

Nduyo 37:7

Nyarara pamberi paMambo Mwari, umugarire ngokutsengerera; usadzinesa ngendaa youwo unogarisika munjira yake, ngendaa yomunhu unoronga kuita mazano akashata.

Nduyo 62:1

Mweya wangu unogarira Mwari ega mukunyarara; ruponeso rwangu runobva mwaari.

Nduyo 62:5

Mweya wangu unogarira Mwari ega mukunyarara, ngokuti gonda rangu rinobva kwaari.

Nduyo 79:5

Metsa riini, A Mambo Mwari? Unozotseneka mhera nariini here? Ushungu hwako hunendurumwa hunozopisha kudai ngomuriro here?

Nduyo 79:6

Durura ushungu hwako padera pemadzinza asikakuzii, nepadera poumambo husikadaidzi zina rako;

Mazwi 20:22

Usati iwewe, “Ndinozounzidzira kushata;” garira Mambo Mwari, naye unozokudetsera.

Sor. 8:6

Ndiise kudai ngechioniso mumwoyo wako, kudai ngechioniso pamuoko wako; ngokuti rudo runesimba kudai ngorufu, ndurumwa dzinotyisa kudai ngeiba. Mirazvu yarwo yadai ngemirazvu yomuriro, mirazvu inobaka kakurutu.

Isa. 14:26

Uhu ndihwo urongwa hwakarongwa ngendaa yenyika yeshe; neiyi ndiyo nyara yakatambanudzwa padera pemadzinza eshe.”

Isa. 30:18

Ndizvo Mambo Mwari unozogarira kuti amuitire nyasha, ndizvo unozomiruka kuti amukungurire. Ngokuti Mambo Mwari ndiMwari unotonga zvakanaka; vanomuchena veshe avo vanomugarira.

Isa. 34:2

Ngokuti ushungu hwaMambo Mwari uri padera pemadzinza eshe, noushungu hwake hukuru huri padera pehondo dzavo. Wakavashakera yaamho, akavapira mukuurawa.

Isa. 63:6

Ndakatsikatsika pashi vanhu muushungu hwangu, nokuita kuti varadze ngoushungu hwangu; ndakadurura pashi ngazi yokupona kwavo panyika.”

Jer. 10:25

Durura ushungu hwako padera pemadzinza asikakuzii, nepadera vanhu vasikadaidzi zina rako; ngokuti vakaparadza Jakobe, vakamuparadza nokumupedza, vakaita kuti ugaro hwake huite matongo.

Hos. 12:6

Asi iwewe, petuka kunaMwari wako; ungwarire rudo nokutonga kwakanaka, newe uangire kugarira Mwari wako nguva dzeshe.

Joeri 3:2

ndinozounganidza madzinza eshe nokuaunza muBani raJehoshafati; ndinozopinda mukutonga navo apo ngendaa yevanhu vangu nendaa yenhaka yangu Isuraeri, avo vevakaparadzira pakati pemadzinza. Vakagurirana nyika yangu,

Mik. 7:7

Asi inini, ndinozoringira kunaMambo Mwari, ndinozogarira Mwari woruponeso rwangu; Mwari wangu unozondizwa.

HABHAKUKI 2:3

Ngokuti chichipo chioniso chomukuwo wakaemeserwa, chinoereketa ngepakugumisira, chisikanyepi. Kudai chechinonoka, chigarire; ngegwinyiso chinozouya, achizononoki.

Zef. 1:18

Sirivha yavo nokuti mukore wavo zvinozotama simba rokuvanunurira ngezuva roushungu hwaMambo Mwari; nyika yeshe inozopedzwa ngomuriro wendurumwa yake; ngokuti unozopedza yaamho, magumo anotyisa eavo veshe vagari vomunyika.

Hag. 2:22

Ndaakuda kuzoriga pashi madendemaro oumambo, ndechizoparadza simba roumambo hwevemadzinza; ndechiparadza ngoro naavo vanokwira mukati mwadzo; nemahachi nevagadhi vawo vanozowiswa pashi, veshe umwe ngaumwe ngeshoti yehama yake.

Mateu 25:32

Nepamberi pake anozounganidzwa madzinza eshe, naye unozovaparadzanisa umwe kuneumweni kudai ngomuushi unoparadzanisa makwai kubva kunembudzi.

2 Pet. 3:10

Asi zuva raMambo rinozoguma kudai ngembavha; naapo matenga anozopinda nokutinhira kukuru, nezvomudenga zvinozonyunguruka ngokupishwa ngomuriro, nenyika nemishando iri mukati mwayo zvinozopishwa.

Chakapangijihwa 16:1

Zvino ndakazwa izwi guru rechibva mutemperi rechironzera ngirosi nomwe rechiti, “Endai, mwodururira munyika mikheyo minomwe youshungu hwaMwari.”

Chakapangijihwa 16:14

Ngokuti ndiyo mweya yemadhimoni inoita mioniso, inobuda kuenda kumadzimambo enyika dzeshe, kuvaunganidza pamwepo kurwa hondo yezuva guru raMwari Unesimbareshe.